Library › Latin: Myth, Hymn & Religion › Hymni Christiani Anonymi
A collection of anonymous early Latin hymns, edited by A. S. Walpole in his Early Latin Hymns of 1922. Written in the iambic dimeter stanzas established by Ambrose, they were sung at the daily hours of prayer and on feasts; the first, Mediae noctis tempus est, calls the faithful to praise the Trinity at midnight, recalling the hour when the destroying angel passed through Egypt and the bridegroom came to the wise virgins.
These hymns formed the core of the early medieval hymnals of the Western church and were sung in monasteries for centuries. Their plain, memorable stanzas, rich in biblical imagery, shaped the language of Latin devotion and influenced the later hymnody of Europe.
About this edition. The Latin text comes from Musisque Deoque, the digital archive of Latin poetry (edition: A. S. Walpole, 1922), licensed CC BY-SA. Every word has been analyzed with LatinCy, a neural language model for Latin — click or tap any word for its dictionary form, part of speech, and complete morphology, together with the full entry from Lewis & Short’s A Latin Dictionary.
Latin · Myth, Hymn & Religion
Hymni Christiani Anonymi
Anonymous · every word parsed
41.1
Mediae noctis tempus est:
41.2
Prophetica uox admonet
41.3
Dicamus laudes ut Deo
41.4
Patri semper ac Filio,
41.5
Sancto quoque Spiritui;
41.6
Perfecta enim Trinitas
41.7
Uniusque substantiae
41.8
Laudanda semper nobis est.
41.9
Terrorem tempus hoc habet,
41.10
Quo, cum uastator angelus
41.11
Aegypto mortes intulit,
41.12
Deleuit primogenita.
41.13
Haec hora iustis salus est,
41.14
Quos ibidem tunc angelus
41.15
Ausus punire non erat,
41.16
Signum formidans sanguinis.
41.17
Aegyptus flebat fortiter
41.18
Tantorum dira funera,
41.19
Solus gaudebat Israhel,
41.20
Agni protectus sanguine.
41.21
Nos uerus Israhel sumus;
41.22
Laetamur in te, Domine,
41.23
Hostem spernentes et malum
41.24
Christi defensi sanguine.
41.25
Ipsum profecto tempus est,
41.26
Quo uoce euangelica
41.27
Uenturus sponsus creditur,
41.28
Regni caelestis conditor.
41.29
Occurrunt sanctae uirgines
41.30
Obuiam tunc aduentui,
41.31
Gestantes claras lampadas,
41.32
Magno laetantes gaudio.
41.33
Stultae uero remanent,
41.34
Quia stinctas habent lampadas,
41.35
Frustra pulsantes ianuam
41.36
Clausa iam regni regia.
41.37
Quare uigilemus sobrie
41.38
Gestantes mentes splendidas,
41.39
Aduenienti ut Iesu
41.40
Digni curramus obuiam.
41.41
Noctisque mediae tempore
41.42
Paulus quoque et Sileas,
41.43
Christum uincti in carcere
41.44
Conlaudantes, soluti sunt.
41.45
Nobis hic mundus carcer est;
41.46
Te laudamus, Christe Deus;
41.47
Solue uincla peccatorum
41.48
In te sancte credentium.
41.49
Dignos nos fac, rex hagie,
41.50
Uenturi regni gloria,
41.51
Aeternis ut mereamur
41.52
Te laudibus concinere.
41.53
Gloria Patri ingenito,
41.54
Gloria unigenito,
41.55
Simul cum sancto Spiritu
41.56
In sempiterna saecula.
42.1
Rex aeterne Domine,
42.2
Rerum creator omnium
42.3
Qui es ante saecula
42.4
Semper cum Patre Filius;
42.5
Qui mundi in primordio
42.6
Adam plasmasti hominem,
42.7
Cui tuae imaginis
42.8
Uultum dedisti similem;
42.9
Quem diabolus deceperat,
42.10
Hostis humani generis,
42.11
Cuius tu formam corporis
42.12
Adsumere dignatus es,
42.13
Ut hominem redimeres,
42.14
Quem ante iam plasmaueras,
42.15
Et nos Deo coniungeres
42.16
Per carnis contubernium.
42.17
Quem editum ex uirgine
42.18
Pauescit omnis anima,
42.19
Per quem nos resurgere
42.20
Deuota mente credimus.
42.21
Qui nobis per baptismata
42.22
Donasti indulgentiam,
42.23
Qui tenebamur uinculis
42.24
Ligati conscientiae.
42.25
Qui crucem propter hominem
42.26
Suscipere dignatus es,
42.27
Dedisti tuum sanguinem
42.28
Nostrae salutis pretium.
42.29
Nam uelum templi scissum est
42.30
Et omnis terra tremuit,
42.31
Tu multos dormientium
42.32
Resuscitasti, Domine.
42.33
Tu hostis antiqui uires
42.34
Per crucem mortis conterens,
42.35
Qua nos signati frontibus
42.36
Uexillum fidei ferimus.
42.37
Tu illum a nobis semper
42.38
Repellere dignaueris,
42.39
Ne umquam possit laedere
42.40
Redemptos tuo sanguine.
42.41
Qui propter nos ad inferos
42.42
Descendere dignatus es,
42.43
Ut mortis debitoribus
42.44
Uitae donares munera.
42.45
Tibi nocturno tempore
42.46
Hymnum deflentes canimus,
42.47
Ignosce nobis, Domine,
42.48
Ignosce confitentibus.
42.49
Quia tu testis et iudex es,
42.50
Quem nemo potest fallere,
42.51
Secreta conscientiae
42.52
Nostrae uidens uestigia.
42.53
Tu qui nostrorum pectorum
42.54
Solus inuestigator es,
42.55
Tu uulnerum latentium
42.56
Bonus adsistis medicus.
42.57
Tu es qui certo tempore
42.58
Daturus finem saeculi,
42.59
Tu pro cunctorum meritis
42.60
Iustus remunerator es.
42.61
Te ergo, sancte, quaesumus,
42.62
Ut nostra cures uulnera,
42.63
Qui es cum Patre Filius
42.64
Semper cum sancto Spiritu.
43.1
Tempus noctis surgentibus,
43.2
Laudes Deo dicentibus,
43.3
Christo Iesuque Domino
43.4
Peccata confitentibus,
43.5
In Trinitatis gloria
43.6
Chorus sanctorum psallimus,
43.7
Ceruices nostras flectimus
43.8
Uel genua prosternimus.
43.9
Oremus Deo iugiter,
43.10
Ut det nobis auxilium,
43.11
Uincamus hostem inuidum,
43.12
Uincamus in bono malum.
43.13
Christum rogemus et Patrem
43.14
Sanctum Patrisque Spiritum,
43.15
Cum fructu paenitentiae
43.16
Uotum perenni reddere.
44.1
Deus, qui caeli lumen es
44.2
Satorque lucis, qui polum
44.3
Paterno fultum bracchio
44.4
Praeclara pandis dextera;
44.5
Aurora stellas iam tegit
44.6
Rubrum sustollens gurgitem,
44.7
Umectis namque flatibus
44.8
Terram baptizans roribus.
44.9
Currus iam poscit Phosphorus
44.10
Radiis rotisque flammeis,
44.11
Quod caeli scandens uerticem
44.12
Profectus moram nesciens.
44.13
Iam noctis umbra linquitur,
44.14
Polum caligo deserit,
44.15
Typusque Christi Lucifer
44.16
Diem sopitum suscitans.
44.17
Dies dierum hagius es
44.18
Lucisque lumen ipse es,
44.19
Unum potens per omnia,
44.20
Potens in unum Trinitas.
44.21
Te nunc, Saluator, quaesumus
44.22
Tibique genu flectimus:
44.23
Patrem cum sancto Spiritu
44.24
Totis rogamus uiribus.
44b.1
Pater, qui caelos contines,
44b.2
Cantemus nunc nomen tuum;
44b.3
Adueniat regnum tuum,
44b.4
Fiatque uoluntas tua.
44b.5
Haec, inquam, uoluntas tua
44b.6
Nobis agenda traditur:
44b.7
Simus fideles spiritu,
44b.8
Casto manentes corpore.
44b.9
Panem nostrum cotidie
44b.10
De te edendum tribue;
44b.11
Remitte nobis debita,
44b.12
Ut nos nostris remittimus.
44b.13
Temptatione subdola
44b.14
Induci nos ne siueris,
44b.15
Sed puro corde supplices
44b.16
Tu nos a malo libera.
45.1
Lucis largitor splendide,
45.2
Cuius sereno lumine
45.3
Post lapsa noctis tempora
45.4
Dies refusus panditur,
45.5
Tu uerus mundi lucifer,
45.6
Non is qui parui sideris
45.7
Uenturae lucis nuntius
45.8
Angusto fulget lumine,
45.9
Sed toto sole clarior
45.10
Lux ipse totus et dies,
45.11
Interna nostri pectoris
45.12
Inluminans praecordia:
45.13
Adesto, rerum conditor,
45.14
Paternae lucis gloria,
45.15
Cuius amota gratia
45.16
Nostra patescunt corpora;
45.17
Tuo quae plena Spiritu
45.18
Secum Deum gestantia
45.19
Nil rapientis perfidi
45.20
Diris pateant fraudibus,
45.21
Ut inter actus saeculi,
45.22
Uitae quos usus exigit,
45.23
Omni carentes crimine
45.24
Tuis uiuamus legibus.
45.25
Probrosas mentis castitas
45.26
Carnis uincat libidines,
45.27
Sanctumque puri corporis
45.28
Delubrum seruet Spiritus.
45.29
Haec spes precantis animae,
45.30
Haec sunt uotiua munera,
45.31
Ut matutina nobis sit
45.32
Lux in noctis custodiam.
46.1
Aeterne lucis conditor,
46.2
Lux ipse totus et dies,
46.3
Noctem nec ullam sentiens
46.4
Natura lucis perpeti:
46.5
Iam cedit pallens proximo
46.6
Diei nox aduentui,
46.7
Obtendens lumen siderum
46.8
Adest et clarus lucifer.
46.9
Iam stratis laeti surgimus
46.10
Grates canentes et tuas,
46.11
Quod caecam noctem uicerit
46.12
Reuectans rursus sol diem.
46.13
Te nunc, ne carnis gaudia
46.14
Blandis subrepant aestibus,
46.15
Dolis ne cedat saeculi
46.16
Mens nostra, sancte, quaesumus:
46.17
Ira ne rixas prouocet,
46.18
Gula ne uentrem incitet,
46.19
Opum peruertat ne famis,
46.20
Turpis ne luxus occupet.
46.21
Sed firma mente sobrii
46.22
Casto manentes corpore
46.23
Totum fideli spiritu,
46.24
Christe, ducamus hunc diem.
47.1
Fulgentis auctor aetheris,
47.2
Qui lunam lumen noctibus,
47.3
Solem dierum cursibus
47.4
Certo fundasti tramite;
47.5
Nox atra iam depellitur,
47.6
Mundi nitor renascitur,
47.7
Nouusque iam mentis uigor
47.8
Dulces in actus erigit.
47.9
Laudes sonare iam tuas
47.10
Dies relatus admonet,
47.11
Uultusque caeli blandior
47.12
Nostra serenat pectora.
47.13
Uitemus omne lubricum,
47.14
Declinet praua spiritus,
47.15
Uitam facta non inquinent,
47.16
Linguam culpa non inplicet:
47.17
Sed sol diem dum conficit,
47.18
Fides profunda ferueat,
47.19
Spes ad promissa prouocet,
47.20
Christo coniungat caritas.
48.1
Deus, aeterni luminis
48.2
Candor inenarrabilis,
48.3
Uenturus diei iudex,
48.4
Qui mentis occulta uides,
48.5
Tu regnum caelorum tenes,
48.6
Et totus in uerbo tu es,
48.7
Per Filium cuncta regis,
48.8
Sancti Spiritus tu fons es.
48.9
Trinum nomen, alta fides,
48.10
Unum per omnia potens,
48.11
Mirumque per signum crucis
48.12
Tu rector inmensae lucis.
48.13
Tu mundi constitutor es,
48.14
Tu septimo throno sedes
48.15
Iudex, ex alto humilis
48.16
Uenisti pati pro nobis.
48.17
Tu sabaoth omnipotens,
48.18
Hosanna summi culminis,
48.19
Tibi laus est mirabilis,
48.20
Tu rex primus, anastasis.
48.21
Tu fidei auditor es,
48.22
Et humiles tu respicis,
48.23
Tibi alta sedes thronus,
48.24
Tibi diuinus est honor.
48.25
Christo aeternoque Deo
48.26
Patri cum sancto Spiritu
48.27
Uitae soluamus munera
48.28
A saeculis in saecula.
49.1
Christe, caeli Domine,
49.2
Mundi saluator maxime,
49.3
Qui nos crucis munere
49.4
Mortis soluisti legibus,
49.5
Te nunc orantes poscimus,
49.6
Tua conserues munera,
49.7
Quae per legem catholicam
49.8
Cunctis donasti gentibus.
49.9
Tu uerbum Patris aeterni
49.10
Ore diuino editus,
49.11
Deus ex Deo subsistens,
49.12
Unigenitus Filius.
49.13
Te uniuersa creatura
49.14
Mundi fatetur dominum,
49.15
Iussu Patris inchoata,
49.16
Tuis perfecta uiribus.
49.17
Tibi omnes angeli
49.18
Caelestem praestant gloriam,
49.19
Te chorus archangelorum
49.20
Diuinis laudant uocibus.
49.21
Te multitudo seniorum,
49.22
Bis duodenus numerus,
49.23
Odoribus plenas gestans
49.24
Supplex adorat pateras.
49.25
Tibi cherubin et seraphin
49.26
Throno paterni luminis
49.27
Senis alarum plausibus
49.28
Clamore iugi personant.
49.29
Sanctus, sanctus, sanctus,
49.30
Dominus Deus sabaoth;
49.31
Omne caelum atque terra
49.32
Tua sunt plena gloria.
49.33
Hosanna filius Dauid!
49.34
Benedictus es a Patre,
49.35
Qui in nomine Domini
49.36
Uenisti ex celsis Deus.
49.37
Tu agnus inmaculatus
49.38
Datus es terrae uictima,
49.39
Qui sanctorum uestimenta
49.40
Tuo lauisti sanguine.
49.41
Te multitudo beatorum
49.42
Caelo locata martyrum,
49.43
Palmis insignis, coronis,
49.44
Ducem sectantur gloriae:
49.45
Quorum nos addas numero,
49.46
Te deprecamur, Domine;
49.47
Una uoce te sonamus,
49.48
Uno laudamus carmine.
50.1
Diei luce reddita
50.2
Primis post somnum uocibus
50.3
Dei canamus gloriam,
50.4
Christi fatentes gratiam;
50.5
Per quem creator omnium
50.6
Diem noctemque condidit,
50.7
Aeterna lege sanciens
50.8
Ut semper succedant sibi.
50.9
Tu uera lux fidelium,
50.10
Quem lex ueterna non tenet
50.11
Noctis nec ortus succedens,
50.12
Aeterno fulgens lumine,
50.13
Christe, precamur, annue
50.14
Orantibus seruis tuis,
50.15
Iniquitas haec saeculi
50.16
Ne nostram captiuet fidem.
50.17
Non cogitemus impie,
50.18
Inuideamus nemini,
50.19
Laesi non reddamus uicem,
50.20
Uincamus in bono malum.
50.21
Absit nostris e cordibus
50.22
Ira, dolus, superbia;
50.23
Absistat auaritia,
50.24
Malorum radix omnium.
50.25
Uinum mentem non occupet
50.26
Ebrietate perdita,
50.27
Sed nostro sensui conpetens
50.28
Tuum bibamus poculum.
50.29
Conseruet pacis foedera
50.30
Non simulata caritas,
50.31
Sit inlibata castitas
50.32
Credulitate perpeti.
50.33
Addendis non sit praediis
50.34
Malesuada semper famis;
50.35
Si affluant diuitiae,
50.36
Prophetae nos psalmus regat.
50.37
Praesta, Pater ingenite,
50.38
Totum ducamus iugiter
50.39
Christo placentes hunc diem
50.40
Sancto repleti Spiritu.
51.1
Post matutinis laudibus,
51.2
Quas Trinitati psallimus,
51.3
Psallamus rursus admonet
51.4
Uerus paterfamilias.
51.5
Simus semper solliciti
51.6
Ne praetereat opus Dei,
51.7
Sed adoremus sedule
51.8
Sicut docet apostolus:
51.9
Psallamus mente Domino,
51.10
Psallamus simul spiritu,
51.11
Ne uaga mens in turpibus
51.12
Inertes tegat animos.
51.13
Sed septies in hac die
51.14
Dicamus laudes Domino,
51.15
Diuinitati perpeti
51.16
Debita demus gloriae.
52.1
Certum tenentes ordinem
52.2
Pio poscamus pectore
52.3
Hora diei tertia
52.4
Trinae uirtutis gloriam:
52.5
Ut simus habitaculum
52.6
Illi sancto Spiritui,
52.7
Qui quondam in apostolis
52.8
Hac hora distributus est.
52.9
Hoc gradientes ordine
52.10
Ornauit cuncta splendide
52.11
Regni caelestis conditor
52.12
Aeternae uitae praemiis.
53.1
Dicamus laudes Domino
53.2
Feruente prompto spiritu,
53.3
Hora uoluta sexies
53.4
Nos ad orandum prouocat:
53.5
Quia in hac fidelibus
53.6
Uerae salutis gratia
53.7
Beati agni hostia
53.8
Crucis uirtute redditur:
53.9
Cuius luce clarissima
53.10
Tenebricat meridies:
53.11
Sumamus toto pectore
53.12
Tanti splendoris gratiam.
54.1
Perfectum trinum numerum
54.2
Ternis horarum terminis,
54.3
Laudes canentes debitas
54.4
Nonam dicentes psallimus.
54.5
Sacrum Dei mysterium
54.6
Puro tenentes pectore,
54.7
Petri magistri regula
54.8
Signo salutis prodita,
54.9
Et nos psallamus spiritu
54.10
Adhaerentes apostolis:
54.11
Qui plantas adhuc debiles
54.12
Christi uirtute dirigant.
55.1
Iam sexta sensim uoluitur
55.2
Ter binis hora cursibus,
55.3
Diesque puncto aequabili
55.4
Utramque noctem respicit.
55.5
Uenite, serui, supplices
55.6
Mente, ore, extollite
55.7
Dignis beatum laudibus
55.8
Nomen Dei cum cantico.
55.9
Hoc namque tempus illud est
55.10
Quod saeculorum iudicem
55.11
Iniusta morti tradidit
55.12
Mortalium sententia,
55.13
Cum sol repente territus,
55.14
Horrore tanti criminis
55.15
Mortem minatus saeculis,
55.16
Diem refugit impium.
55.17
Hoc et beatus tempore
55.18
Abraham fideliter rei
55.19
Peritus in mysterio
55.20
Tres uidit, unum credidit.
55.21
Hanc ad precandum congruam
55.22
Saluator horam tradidit,
55.23
Cum diceret fidelibus
55.24
Patrem rogandum seruulis.
55.25
Nec non et ille pertinax
55.26
Hostis fidei gratiam,
55.27
Quam praedicauit gentibus,
55.28
Hoc est adeptus tempore.
55.29
Et nos amore debito,
55.30
Timore iusto subditi,
55.31
Aduersus omnes impetus,
55.32
Quos saeuus hostis incutit,
55.33
Unum rogemus et Patrem
55.34
Deum regemque Filium
55.35
Simulque sanctum Spiritum
55.36
In Trinitate Dominum,
55.37
Ut, quos redemit passio
55.38
Isto peracto tempore,
55.39
Possit sub ipso tempore
55.40
Seruare deprecatio.
56.1
Ter hora trina uoluitur,
56.2
Redire qua Christus solet
56.3
Mercede largus uineam
56.4
Locare mercenariis.
56.5
Decet paratos sistere,
56.6
Ne transeat merces Dei,
56.7
Plantare quae uitem solet
56.8
Christumque cordi adfigere.
56.9
Haec hora, quae resplenduit
56.10
Crucisque soluit nubila,
56.11
Mundum tenebris exuens,
56.12
Reddens serena tempora.
56.13
Haec hora, qua resuscitans
56.14
Iesus sepulcris corpora
56.15
Prodire mortis libera
56.16
Iussit refuso spiritu.
56.17
Redit fauilla in sanguinem
56.18
Cinisque carnem reddidit,
56.19
Mixtique uiuis mortui
56.20
Uidere Christi gloriam.
56.21
Nouata saecla crederes,
56.22
Mortis solutis legibus,
56.23
Uitae beatae munere
56.24
Cursum perennem currere.
56.25
Dicamus ergo, proximi,
56.26
Laudes Deo cum cantico;
56.27
Confessus est latro fidem
56.28
In quo est redemptus tempore.
56.29
Qua gratia ieiunium
56.30
Laeti solemus soluere
56.31
Instar futuri muneris:
56.32
Famem probati nesciant.
57.1
Deus, qui certis legibus
57.2
Noctem discernis ac diem,
57.3
Ut fessa curis corpora
57.4
Somnus relaxet otio,
57.5
Te noctis inter horridae
57.6
Tempus precamur, ut, sopor
57.7
Mentem dum fessam detinet,
57.8
Fidei lux inluminet.
57.9
Hostis ne fallax incitet
57.10
Lasciuis corda gaudiis,
57.11
Secreta noctis aduocans,
57.12
Blandos in aestus corporis.
57.13
Subrepat nullus sensui
57.14
Horror timoris anxii;
57.15
Inludat mentem ne uagam
57.16
Fallax imago uisuum.
57.17
Sed cum profundus uinxerit
57.18
Somnus curarum nescius,
57.19
Fides nequaquam dormiat,
57.20
Uigil te sensus somniet.
58.1
Sator princepsque temporum,
58.2
Clarum diem laboribus
58.3
Noctemque qui soporibus
58.4
Fixo distinguis ordine,
58.5
Mentem tu castam dirige,
58.6
Obscura ne silentia
58.7
Ad dira cordis uulnera
58.8
Telis patescant inuidi.
58.9
Somno non cedat spiritus,
58.10
Uigilque custos corporis
58.11
Metus inanes arceat,
58.12
Fallax depellat gaudium.
58.13
Uacent ardore pectora,
58.14
Faces nec ullas sentiant,
58.15
Adfixae ne praecordiis
58.16
Mentis uigorem saucient.
58.17
Sed cum defessa corpora
58.18
Somni tenebunt gratiam,
58.19
Caro quietis sit memor,
58.20
Fides soporem nesciat.
59.1
Deus, qui claro lumine
59.2
Diem fecisti, Domine,
59.3
Tuam rogamus gloriam
59.4
Dum pronus uoluitur dies.
59.5
Iam sol urgente uespero
59.6
Occasum suum graditur,
59.7
Mundum concludens tenebris,
59.8
Suum obseruans ordinem.
59.9
Sed tu, excelse Domine,
59.10
Precantes tuos famulos
59.11
Labore fessos diei
59.12
Quietos nox suscipiat;
59.13
Ut non fuscatis mentibus
59.14
Dies abscedat saeculi,
59.15
Sed tua tecti gratia
59.16
Cernamus lucem prosperam.
60.1
Christe, precamur adnue,
60.2
Mixtasque uoces fletibus
60.3
Semper benignus et pius
60.4
Uenturam noctem suscipe.
60.5
Te corda nostra somnient,
60.6
Te per soporem sentiant,
60.7
Tuamque semper gloriam
60.8
Uicina luce concinant.
60.9
Uitam salubrem tribue,
60.10
Nostrum calorem refice,
60.11
Taetram noctis caliginem
60.12
Claritas tua inluminet.
60.13
Hymnis uota persoluimus,
60.14
Uesperque sacrum poscimus
60.15
Nostrum delens chirographum
60.16
Tuumque praestans editum.
61.1
Christe, qui lux es et dies,
61.2
Noctis tenebras detegis,
61.3
Lucifer lucem praeferens,
61.4
Lumen beatum praedicans,
61.5
Precamur, sancte Domine,
61.6
Defende nos in hac nocte,
61.7
Sit nobis in te requies,
61.8
Quietam noctem tribue.
61.9
Ne grauis somnus inruat,
61.10
Nec hostis nos subripiat;
61.11
Ne caro illi consentiens
61.12
Nos tibi reos statuat.
61.13
Oculi somnum capiant,
61.14
Cor ad te semper uigilet,
61.15
Dextera tua protegat
61.16
Famulos qui te diligunt.
61.17
Defensor noster adspice,
61.18
Insidiantes reprime,
61.19
Guberna tuos famulos,
61.20
Quos sanguine mercatus es.
61.21
Memento nostri, Domine,
61.22
In isto graui corpore,
61.23
Qui es defensor animae,
61.24
Adesto nobis, Domine.
62.1
Primo dierum omnium,
62.2
Quo mundus exstat conditus,
62.3
Uel quo resurgens conditor
62.4
Nos morte uicta liberat:
62.5
Pulsis procul torporibus
62.6
Surgamus omnes ocius
62.7
Et nocte quaeramus pium,
62.8
(Sicut prophetam nouimus),
62.9
Nostras preces ut audiat,
62.10
Suamque dextram porrigat,
62.11
Et hic piatos sordibus
62.12
Reddat polorum sedibus,
62.13
Ut quique sacratissimo
62.14
Huius diei tempore
62.15
Horis quietis psallimus,
62.16
Donis beatis muneret.
62b.1
Iam nunc, paterna claritas,
62b.2
Te postulamus affatim,
62b.3
Absit libido sordidans
62b.4
Omnisque actus noxius.
62b.5
Ne foeda sit uel lubrica
62b.6
Conpago huius corporis,
62b.7
Per quam auerni ignibus
62b.8
Ipsi crememur acrius.
62b.9
Ob hoc, redemptor, quaesumus
62b.10
Ut probra nostra diluas,
62b.11
Uitae perennis commoda
62b.12
Nobis benignus conferas.
62b.13
Quo carnis actu exsules,
62b.14
Effecti ipsi caelibes,
62b.15
Ut praestolamur cernui,
62b.16
Melos canamus gloriae.
63.1
Nocte surgentes uigilemus omnes,
63.2
Semper in psalmis meditemur, atque
63.3
Uiribus totis Domino canamus
63.4
Dulciter hymnos,
63.5
Ut pio regi pariter canentes
63.6
Cum suis sanctis mereamur aulam
63.7
Ingredi caeli, simul et beatam
63.8
Ducere uitam.
63.9
Praestet hoc nobis Deitas beata
63.10
Patris ac Nati pariterque sancti
63.11
Spiritus, cuius reboatur omni
63.12
Gloria mundo.
64.1
Somno refectis artubus
64.2
Spreto cubili surgimus:
64.3
Nobis, Pater, canentibus
64.4
Adesse te deposcimus.
64.5
Te lingua primum concinat,
64.6
Te mentis ardor ambiat,
64.7
Ut actuum sequentium
64.8
Tu, sancte, sis exordium.
64.9
Cedant tenebrae lumini
64.10
Et nox diurno sideri,
64.11
Ut culpa, quam nox intulit,
64.12
Lucis labascat munere.
64.13
Precamur idem supplices
64.14
Noxas ut omnes amputes,
64.15
Et ore te canentium
64.16
Lauderis in perpetuum.
65.1
Consors paterni luminis,
65.2
Lux ipse lucis et dies,
65.3
Noctem canendo rumpimus;
65.4
Adsiste postulantibus.
65.5
Aufer tenebras mentium,
65.6
Fuga cateruas daemonum,
65.7
Expelle somnolentiam,
65.8
Ne pigritantes obruat.
65.9
Sic, Christe, nobis omnibus
65.10
Indulgeas credentibus,
65.11
Ut prosit exorantibus
65.12
Quod praecinentes psallimus.
65.13
Praesta, Pater piissime,
65.14
Patrique compar unice,
65.15
Cum Spiritu Paraclito
65.16
Regnans per omne saeculum.
66.1
Rerum creator optime
66.2
Rectorque noster, respice,
66.3
Nos a quiete noxia
66.4
Mersos sopore libera.
66.5
Te, sancte Christe, poscimus,
66.6
Ignosce tu criminibus;
66.7
Ad confitendum surgimus
66.8
Morasque nostras rumpimus.
66.9
Mentes manusque tollimus,
66.10
Propheta sicut noctibus
66.11
Nobis gerendum praecipit,
66.12
Paulusque gestis censuit
66.13
Uides malum quod gessimus,
66.14
Occulta nostra pandimus,
66.15
Preces gementes fundimus,
66.16
Dimitte quod peccauimus.
67.1
Nox atra rerum contegit
67.2
Terrae colores omnium;
67.3
Nos confitentes poscimus
67.4
Te, iuste iudex cordium,
67.5
Ut auferas piacula,
67.6
Sordesque mentis abluas,
67.7
Donesque, Christe, gratiam,
67.8
Ut arceantur crimina.
67.9
Mens ecce torpet impia,
67.10
Quam culpa mordet noxia;
67.11
Obscura gestit tollere
67.12
Et te, redemptor, quaerere.
67.13
Repelle tu caliginem
67.14
Intrinsecus quam maxime,
67.15
Ut in beato gaudeat
67.16
Se collocari lumine.
68.1
Tu Trinitatis unitas,
68.2
Orbem potenter qui regis,
68.3
Adtende laudum cantica,
68.4
Quae excubantes psallimus.
68.5
Nam lectulo consurgimus
68.6
Noctis quieto tempore,
68.7
Ut flagitemus uulnerum
68.8
A te medellam omnium.
68.9
Quo fraude quidquid daemonum
68.10
In noctibus deliquimus,
68.11
Abstergat illud caelitus
68.12
Tuae potestas gloriae.
68.13
Ne corpus adsit sordidum,
68.14
Nec torpor instet cordium
68.15
Et criminis contagio
68.16
Tepescat ardor spiritus.
68.17
Ob hoc, redemptor, quaesumus,
68.18
Reple tuo nos lumine,
68.19
Per quod dierum circulis
68.20
Nullis ruamus actibus.
69.1
Summae Deus clementiae
69.2
Mundique factor machinae,
69.3
Unus potentialiter
69.4
Trinusque personaliter,
69.5
Nostros pius cum canticis
69.6
Fletus, benigne, suscipe,
69.7
Quo corda pura sordibus
69.8
Te perfruamur largius.
69.9
Lumbos iecurque morbidum
69.10
Adure igni congruo,
69.11
Accincti ut sint perpetim
69.12
Luxu remoto pessimo,
69.13
Ut, quique horas noctium
69.14
Nunc concinendo rumpimus,
69.15
Donis beatae patriae
69.16
Ditemur omnes affatim.
70.1
Ecce iam noctis tenuatur umbra,
70.2
Lucis aurora rutilans coruscat,
70.3
Nisibus totis rogitemus omnes
70.4
Cunctipotentem,
70.5
Ut Deus nostri miseratus omnem
70.6
Pellat languorem, tribuat salutem,
70.7
Donet et Patris pietate nobis
70.8
Regna polorum.
70.9
Praestet hoc nobis Deitas beata
70.10
Patris ac Nati pariterque sancti
70.11
Spiritus, cuius reboatur omni
70.12
Gloria mundo.
71.1
Aeterna caeli gloria,
71.2
Beata spes mortalium,
71.3
Celsitonantis unice,
71.4
Castaeque proles uirginis:
71.5
Da dexteram surgentibus,
71.6
Exsurgat et mens sobria
71.7
Flagransque in laudem Dei
71.8
Grates rependat debitas.
71.9
Hortus refulget lucifer
71.10
Ipsamque lucem nuntiat,
71.11
Cadit caligo noctium,
71.12
Lux sancta nos inluminet:
71.13
Manensque nostris sensibus
71.14
Noctem repellat saeculi,
71.15
Omnique fine diei
71.16
Purgata seruet pectora.
71.17
Quaesita iam primum fides
71.18
Radicet altis sensibus,
71.19
Secunda spes congaudeat,
71.20
Tunc maior exstet caritas.
72.1
Aurora iam spargit polum,
72.2
Terris dies inlabitur,
72.3
Lucis resultat spiculum;
72.4
Discedat omne lubricum.
72.5
Phantasma noctis decidat,
72.6
Mentis reatus subruat,
72.7
Quidquid tenebris horridum
72.8
Nox adtulit culpae cadat,
72.9
Ut mane illud ultimum,
72.10
Quod praestolamur cernui,
72.11
In lucem nobis effluat,
72.12
Dum hoc tenore concrepat.
73.1
Lucis creator optime,
73.2
Lucem dierum proferens,
73.3
Primordiis lucis nouae
73.4
Mundi parans originem:
73.5
Qui mane iunctum uesperi
73.6
Diem uocari praecipis,
73.7
Taetrum chaos inlabitur;
73.8
Audi preces cum fletibus.
73.9
Ne mens grauata crimine
73.10
Uitae sit exsul munere,
73.11
Dum nil perenne cogitat
73.12
Seseque culpis inligat.
73.13
Caelorum pulset intimum,
73.14
Uitale tollat praemium;
73.15
Uitemus omne noxium,
73.16
Purgemus omne pessimum.
74.1
Inmense caeli conditor,
74.2
Qui, mixta ne confunderent,
74.3
Aquae fluenta diuidens
74.4
Caelum dedisti limitem;
74.5
Firmans locum caelestibus
74.6
Simulque terrae riuulis,
74.7
Ut unda flammas temperet,
74.8
Terrae solum ne dissipet;
74.9
Infunde nunc, piissime,
74.10
Donum perennis gratiae,
74.11
Fraudis nouae ne casibus
74.12
Nos error atterat uetus.
74.13
Lucem fides inueniat,
74.14
Sic luminis iubar ferat,
74.15
Haec uana cuncta terreat,
74.16
Hanc falsa nulla conprimant.
75.1
Telluris ingens conditor,
75.2
Mundi solum qui eruens,
75.3
Pulsis aquae molestiis,
75.4
Terram dedisti inmobilem,
75.5
Ut germen aptum proferens,
75.6
Fuluis decora floribus,
75.7
Fecunda fructu sisteret
75.8
Pastumque gratum redderet,
75.9
Mentis perustae uulnera
75.10
Munda uiroris gratia,
75.11
Ut facta fletu diluat
75.12
Motusque prauos adterat.
75.13
Iussis tuis obtemperet,
75.14
Nullis malis adproximet,
75.15
Bonis repleri gaudeat
75.16
Et mortis actum nesciat.
76.1
Caeli Deus sanctissime,
76.2
Qui lucidum centrum poli
76.3
Candore pingis igneo,
76.4
Augens decoro lumine,
76.5
Quarto die qui flammeam
76.6
Solis rotam constituens,
76.7
Lunae ministrans ordini
76.8
Uagos recursus siderum,
76.9
Ut noctibus uel lumini
76.10
Diremptionis terminum,
76.11
Primordiis et mensium
76.12
Signum dares notissimum:
76.13
Inlumina cor hominum,
76.14
Absterge sordes mentium,
76.15
Resolue culpae uinculum,
76.16
Euerte moles criminum.
77.1
Magnae Deus potentiae,
77.2
Qui ex aquis ortum genus
77.3
Partim remittis gurgiti,
77.4
Partim leuas in aera,
77.5
Dimersa lymphis inprimens,
77.6
Subuecta caelis inrogans,
77.7
Ut stirpe una prodita
77.8
Diuersa rapiant loca:
77.9
Largire cunctis seruulis,
77.10
Quos mundat unda, sanguinis,
77.11
Nescire lapsus criminum
77.12
Nec ferre mortis taedium;
77.13
Ut culpa nullum deprimat,
77.14
Nullum leuet iactantia,
77.15
Elisa mens ne, concidat,
77.16
Elata mens ne corruat.
78.1
Plasmator hominis Deus,
78.2
Qui cuncta solus ordinans
78.3
Humum iubes producere
78.4
Reptantis et ferae genus,
78.5
Qui magna rerum corpora
78.6
Dictu iubentis uiuida,
78.7
Ut seruiant per ordinem,
78.8
Subdens dedisti homini:
78.9
Repelle a seruis tuis,
78.10
Quidquid per inmunditia
78.11
Aut moribus se suggerit
78.12
Aut actibus se interserit.
78.13
Da gaudiorum praemia,
78.14
Da gratiarum munera,
78.15
Dissolue litis uincula,
78.16
Adstringe pacis foedera.
79.1
O lux beata Trinitas
79.2
Et principalis unitas,
79.3
Iam sol recedit igneus,
79.4
Infunde lumen cordibus.
79.5
Te mane laudum carmine,
79.6
Te deprecamur uespere.
79.7
Te nostra supplex gloria
79.8
Per cuncta laudet saecula.
80.1
Rerum Deus fons omnium,
80.2
Qui rebus actis omnibus
80.3
Totius orbis ambitum
80.4
Censu replesti munerum,
80.5
Non actibus fessus manens,
80.6
Laboribus non saucius,
80.7
Cunctis quietem das, aegris
80.8
Curis ruant ne morbidi:
80.9
Concede nunc temporibus
80.10
Uti malorum consciis,
80.11
Instare iam uirtutibus
80.12
Et munerari prosperis;
80.13
Terroris ut cum iudicis
80.14
Horror supremus ceperit,
80.15
Laetemur omnes in uicem
80.16
Pacis repleti munere.
81.1
Iam lucis orto sidere
81.2
Deum precemur supplices,
81.3
Ut in diurnis actibus
81.4
Nos seruet a nocentibus;
81.5
Linguam refrenans temperet,
81.6
Ne litis horror insonet,
81.7
Uisum fouendo contegat
81.8
Ne uanitates hauriat.
81.9
Sint pura cordis intima,
81.10
Absistat et uecordia,
81.11
Carnis terat superbiam
81.12
Potus cibique parcitas;
81.13
Ut cum dies abscesserit
81.14
Noctemque sors reduxerit,
81.15
Mundi per abstinentiam
81.16
Ipsi canamus gloriam.
82.1
Bis ternas horas explicans
82.2
Diei sol ingreditur
82.3
Ut sex idemque transigat,
82.4
In noctis claudat aditum.
82.5
Nos ergo nunc, confamuli,
82.6
Prophetae dicti memores
82.7
Soluamus ora in canticis
82.8
Prece mixta Dauiticis,
82.9
Ut septies diem uere
82.10
Orantes cum psalterio
82.11
Laudesque cantantes Deo
82.12
Laeti soluamus debitum.
82.13
Sic enim Christi gratia
82.14
Peccantibus dat ueniam,
82.15
Saepeque confitentibus
82.16
Non aderit mors impia.
82.17
Memento non desit tamen
82.18
Orantibus, serui Dei,
82.19
Quod Pauli uox apostoli
82.20
Seruandum praedixit nobis,
82.21
Cuius uox hoc promeruit
82.22
Ut diceret idem Deo:
82.23
Orabo mente Dominum,
82.24
Orabo simul spiritu.
82.25
Ne uox sola Deo canat
82.26
Sensusque noster alibi
82.27
Ductus aberret fluctuans
82.28
Uanis praeuentus casibus.
82.29
Tunc enim Deo accepta est
82.30
Oratio canentium,
82.31
Si pura mens idem gerat
82.32
Quod explicat uox cantici.
83.1
Te lucis ante terminum,
83.2
Rerum creator, poscimus,
83.3
Ut solita clementia
83.4
Sis praesul ad custodiam.
83.5
Procul recedant somnia
83.6
Et noctium phantasmata,
83.7
Hostemque nostrum conprime
83.8
Ne polluantur corpora.
83.9
Praesta, Pater omnipotens,
83.10
Per Iesum Christum Dominum,
83.11
Qui tecum in perpetuum
83.12
Regnat cum sancto Spiritu.
84.1
Conditor alme siderum,
84.2
Aeterna lux credentium,
84.3
Christe redemptor omnium,
84.4
Exaudi preces supplicum;
84.5
Qui, condolens interitu
84.6
Mortis perire saeculum,
84.7
Saluasti mundum languidum,
84.8
Donans reis remedium,
84.9
Uergente mundi uespere,
84.10
Uti sponsus de thalamo,
84.11
Egressus honestissima
84.12
Uirginis matris clausula.
84.13
Cuius forti potentiae
84.14
Genu curuantur omnia
84.15
Caelestia, terrestria,
84.16
Nutu fatentur subdita,
84.17
Occasum sol custodiens,
84.18
Luna pallorem retinens,
84.19
Candor in astris relucens
84.20
Certos obseruans limites.
84.21
Te deprecamur, hagie,
84.22
Uenture iudex saeculi,
84.23
Conserua nos in tempore
84.24
Hostis a telo perfidi.
84.25
Laus, honor, uirtus, gloria
84.26
Deo Patri cum Filio
84.27
Sancto simul Paraclito
84.28
In sempiterna saecula.
85.1
Uerbum supernum prodiens,
85.2
A Patre olim exiens,
85.3
Qui natus orbi subuenis
85.4
Cursu decliui temporis;
85.5
Inlumina nunc pectora
85.6
Tuoque amore concrema,
85.7
Audita ut praeconia
85.8
Sint pulsa tandem lubrica.
85.9
Iudexque cum post aderis
85.10
Rimari facta pectoris,
85.11
Reddens uicem pro abditis
85.12
Iustisque regnum pro bonis:
85.13
Non demum artemur malis
85.14
Pro qualitate criminis,
85.15
Sed cum beatis compotes
85.16
Simus perennes caelibes.
86.1
Uox clara ecce intonat,
86.2
Obscura quaeque increpat,
86.3
Pellantur eminus somnia,
86.4
Ab aethre Christus promicat.
86.5
Mens iam resurgat torpida,
86.6
Quae sorde exstat saucia;
86.7
Sidus refulget iam nouum,
86.8
Ut tollat omne noxium.
86.9
E sursum agnus mittitur
86.10
Laxare gratis debitum;
86.11
Omnes pro indulgentia
86.12
Uocem demus cum lacrimis;
86.13
Secundo ut cum fulserit
86.14
Mundumque horror cinxerit,
86.15
Non pro reatu puniat,
86.16
Sed pius nos tunc protegat.
87.1
Christe, redemptor omnium,
87.2
Ex Patre, Patris unice,
87.3
Solus ante principium
87.4
Natus ineffabiliter,
87.5
Tu lumen, tu splendor Patris,
87.6
Tu spes perennis omnium,
87.7
Intende quas fundunt preces
87.8
Tui per orbem famuli.
87.9
Memento, salutis auctor,
87.10
Quod nostri quondam corpori
87.11
Ex inlibata uirgine
87.12
Nascendo formam sumpseris.
87.13
Hic praesens testatur dies
87.14
Currens per anni circulum
87.15
Quod solus a sede Patris
87.16
Mundi salus adueneris.
87.17
Hunc caelum, terra, hunc mare,
87.18
Hunc omne quod in eis est,
87.19
Auctoris aduentu sui
87.20
Laudat exultans cantico.
87.21
Nos quoque, qui sancto tuo
87.22
Redempti sanguine sumus,
87.23
Ob diem natalis tui
87.24
Hymnum nouum concinimus.
88.1
Fit porta Christi peruia
88.2
Referta plena gratia,
88.3
Transitque rex, et permanet
88.4
Clausa, ut fuit, per saecula.
88.5
Genus superni numinis
88.6
Processit aula uirginis,
88.7
Sponsus, redemptor, conditor,
88.8
Suae gigans ecclesiae.
88.9
Honor matris et gaudium,
88.10
Inmensa spes credentium,
88.11
Per atra mortis pocula
88.12
Resoluit nostra crimina.
89.1
A Patre unigenitus
89.2
Ad nos uenit per uirginem,
89.3
Baptisma cruce consecrans,
89.4
Cunctos fideles generans.
89.5
De caelo celsus prodiit,
89.6
Excepit formam hominis,
89.7
Facturam morte redimens,
89.8
Gaudia uitae largiens.
89.9
Hoc te, redemptor, quaesumus
89.10
Inlabere propitius,
89.11
Clarumque nostris sensibus
89.12
Lumen praebe fidelibus.
89.13
Mane nobiscum, Domine,
89.14
Noctem obscuram remoue,
89.15
Omne delictum ablue,
89.16
Piam medellam tribue.
89.17
Quem iam uenisse nouimus,
89.18
Redire item credimus,
89.19
Sceptrum tuum inclitum
89.20
Tuo defende clipeo.
89.21
Uita, salus, et ueritas,
89.22
Christe, rogantes adiuua;
89.23
Hymnum sonantes iubilo
89.24
Zelum uincamus lubricum.
90.1
Iesus refulsit omnium
90.2
Pius redemptor gentium;
90.3
Totum genus fidelium
90.4
Laudes celebret dramatum.
90.5
Quem stella natum fulgida
90.6
Monstrat micans in aethera,
90.7
Magosque duxit praeuia
90.8
Ipsius ad cunabula.
90.9
Illi cadentes paruulum
90.10
Pannis adorant obsitum,
90.11
Uerum fatentur et Deum
90.12
Munus ferendo mysticum.
90.13
Denum ter annorum cyclis
90.14
Iam parte uiuens corporis
90.15
Lympham petit baptismatis
90.16
Cunctis carens contagiis.
90.17
Felix Iohannes mergere
90.18
Illum tremescit flumine,
90.19
Potens suo qui sanguine
90.20
Peccata cosmi tergere.
90.21
Uox ergo prolem de polis
90.22
Testatur excelsi Patris,
90.23
Uirtus adestque Pneumatis
90.24
Sancti datrix charismatis.
90.25
Nos, Christe, supplici prece
90.26
Precamur, omnes protege,
90.27
Qui praecipis rubescere
90.28
Potenter hydrias aquae.
90.29
Praesta benignum sedulo
90.30
Solamen adiutorio,
90.31
Raptosque nos a tartaro
90.32
Regnare fac tecum polo.
91.1
Inluxit orbi iam dies
91.2
Corusca tot miraculis,
91.3
In quo recurso tempore
91.4
Signis Deus se prodidit.
91.5
Mitis, benignus arbiter
91.6
Haec cuncta fecit prouide,
91.7
Humana gens ne falleret
91.8
Sed se colendum crederet.
91.9
Rogatus est ad nuptias,
91.10
Aqua repleuit hydrias;
91.11
Sermone Christi concite
91.12
Mutauit unda originem.
91.13
Stupent fluenta gignere
91.14
Natura quae non contulit;
91.15
Pallor ruborem parturit
91.16
Et uina currunt flumine.
91.17
Iohanne Baptista sacro
91.18
Implente munus debitum,
91.19
Iordane mersus hac die
91.20
Aquas lauando diluit,
91.21
Non ipse mundari uolens,
91.22
Ex uentre natus uirginis,
91.23
Peccata sed mortalium
91.24
Suo ut fugaret lauacro.
91.25
Dicente Patre quod "meus
91.26
Dilectus hic est Filius,"
91.27
Sumensque sanctus Spiritus
91.28
Formam columbae caelitus,
91.29
Hoc mystico sub nomine
91.30
Micat salus ecclesiae;
91.31
Persona trina consonat,
91.32
Unus Deus per omnia.
92.1
Alleluia piis edite laudibus,
92.2
Ciues aetherei, psallite nauiter
92.3
Alleluia perenne.
92.4
Hinc uos perpetui luminis accola
92.5
Adsumet resonans hymniferis choris
92.6
Alleluia perenne.
92.7
Uos urbs eximia suscipiet Dei,
92.8
Quae laetis resonans cantibus excitat
92.9
Alleluia perenne.
92.10
Felici reditu gaudia sumite,
92.11
Reddentes Domino glorificos melos
92.12
Alleluia perenne.
92.13
Almum sidereae iam patriae decus
92.14
Uictores capitis, quo canor est iugis
92.15
Alleluia perenne.
92.16
Illic regis honor uocibus inclitis
92.17
Iocunda reboat carmina perpetim
92.18
Alleluia perenne.
92.19
Hoc fessis requies, hoc cibus et potus,
92.20
Oblectans reduces haustibus affluis
92.21
Alleluia perenne.
92.22
Nos te suauisonis conditor affatim
92.23
Rerum carminibus laudeque pangimus
92.24
Alleluia perenne.
92.25
Te Christe celebrat gloria uocibus
92.26
Nostris omnipotens, ac tibi dicimus
92.27
Alleluia perenne.
93.1
Audi, benigne conditor,
93.2
Nostras preces cum fletibus,
93.3
In hoc sacro ieiunio,
93.4
Fusas quadragenario.
93.5
Scrutator alme cordium,
93.6
Infirma tu scis uirium,
93.7
Ad te reuersis exhibe
93.8
Remissionis gratiam.
93.9
Multum quidem peccauimus,
93.10
Sed parce confitentibus;
93.11
Ad laudem tui nominis
93.12
Confer medellam languidis.
93.13
Sic corpus extra conteri
93.14
Dona per abstinentiam,
93.15
Ieiunet ut mens sobria
93.16
A labe prorsus criminum.
93.17
Praesta, beata Trinitas,
93.18
Concede, simplex Unitas,
93.19
Ut fructuosa sint tuis
93.20
Ieiuniorum munera.
94.1
Ex more docti mystico
94.2
Seruemus en ieiunium
94.3
Denum dierum circulo
94.4
Ducto quater notissimo.
94.5
Lex et prophetae primitus
94.6
Hoc praetulerunt, postmodum
94.7
Christus sacrauit, omnium
94.8
Rex atque factor temporum.
94.9
Utamur ergo parcius
94.10
Uerbis, cibis et potibus,
94.11
Somno, iocis; et artius
94.12
Perstemus in custodia.
94.13
Uitemus autem pessima,
94.14
Quae subruunt mentes uagas,
94.15
Nullumque demus callido
94.16
Hosti locum tyrannidis.
94.17
Dicamus omnes cernui,
94.18
Clamemus atque singuli,
94.19
Ploremus ante iudicem,
94.20
Flectamus iram uindicem.
94.21
Nostris malis offendimus
94.22
Tuam, Deus, clementiam:
94.23
Effunde nobis desuper
94.24
Remissor indulgentiam.
94.25
Memento quod sumus tui
94.26
Licet caduci plasmatis:
94.27
Ne des honorem nominis
94.28
Tui, precamur, alteri.
94.29
Laxa mala quod fecimus,
94.30
Auge bonum quod poscimus,
94.31
Placere quo tandem tibi
94.32
Possimus hic et perpetim.
95.1
Clarum decus ieiunii
95.2
Monstratur orbi caelitus,
95.3
Quod Christus altor omnium
95.4
Cibis dicauit abstinens.
95.5
Hoc Moyses carus Deo
95.6
Legisque lator factus est,
95.7
Hoc Heliam per aera
95.8
Curru leuauit igneo.
95.9
Hinc Danihel mysteria
95.10
Uictor leonum uiderat,
95.11
Per hoc amicus intimus
95.12
Sponsi Iohannes claruit.
95.13
Haec nos sequi dona, Deus,
95.14
Exempla parsimoniae;
95.15
Tu robur auge mentium,
95.16
Dans spiritale gaudium.
96.1
Iesu, quadragenariae
96.2
Dicator abstinentiae,
96.3
Qui ob salutem mentium
96.4
Hoc sanxeras ieiunium,
96.5
Quo paradiso redderes
96.6
Seruata parsimonia,
96.7
Quos inde gastrimargiae
96.8
Huc inlecebra depulit.
96.9
Adesto nunc ecclesiae,
96.10
Adesto paenitentiae,
96.11
Quae pro suis excessibus
96.12
Orat profusis fletibus.
96.13
Tu retro acta crimina
96.14
Tua remitte gratia,
96.15
Et a futuris adhibe
96.16
Custodiam, mitissime,
96.17
Ut expiati annuis
96.18
Ieiuniorum uictimis
96.19
Tendamus ad paschalia
96.20
Digne colenda gaudia.
97.1
Iam, Christe, sol iustitiae,
97.2
Mentis dehiscant tenebrae,
97.3
Uirtutum ut lux redeat,
97.4
Terris diem cum reparas.
97.5
Das tempus acceptabile,
97.6
Et paenitens cor tribue,
97.7
Conuertat ut benignitas,
97.8
Quos longa suffert pietas.
97.9
Quiddamque paenitentiae
97.10
Da ferre, quamuis grandium
97.11
Maiore tui munere
97.12
Quo demptio sit criminum.
97.13
Dies uenit, dies tua,
97.14
Per quam reflorent omnia;
97.15
Laetemur in hac ut tuae
97.16
Per hanc reducti gratiae.
97.17
Te rerum uniuersitas
97.18
Clemens adoret Trinitas,
97.19
Et nos noui per ueniam
97.20
Nouum canamus canticum.
98.1
Summi largitor praemii,
98.2
Spes qui es unica mundi,
98.3
Preces intende seruorum
98.4
Ad te deuote clamantum.
98.5
Nostra te conscientia
98.6
Graue offendisse se monstrat,
98.7
Quam emundes supplicamus
98.8
Ab omnibus piaculis.
98.9
Si rennuis, quis tribuet?
98.10
Indulge, quia potens es:
98.11
Si corde rogamus mundo,
98.12
Certe debes ex promisso.
98.13
Ergo acceptare nostrum
98.14
Qui sacrasti ieiunium,
98.15
Quo mystice paschalia
98.16
Capiamus sacramenta.
98.17
Summa nobis hoc conferat
98.18
In Deitate Trinitas,
98.19
In qua gloriatur unus
98.20
Per cuncta saecula Deus.
99.1
Dei fide qua uiuimus,
99.2
Spe perenni qua credimus,
99.3
Per caritatis gratiam
99.4
Christo canamus gloriam.
99.5
Qui ductus hora tertia
99.6
Ad passionis hostiam
99.7
Crucis ferens suspendia
99.8
Ouem reduxit perditam.
99.9
Precemur ergo subditi,
99.10
Redemptione liberi,
99.11
Ut eruat a saeculo
99.12
Quos soluit a chirographo.
100.1
Meridie orandum est,
100.2
Christusque deprecandus est,
100.3
Ut iubeat nos edere
100.4
De suo sancto corpore:
100.5
Ut ille sit laudabilis
100.6
In uniuerso populo,
100.7
Ipse caelorum Dominus,
100.8
Qui sedet in altissimis.
100.9
Detque nobis auxilium
100.10
Per angelos mirabiles,
100.11
Qui semper nos custodiant,
100.12
In omni uita saeculi.
102.1
Ternis ter horis numerus
102.2
Sacrae fidei panditur;
102.3
Nunc Trinitatis nomine
102.4
Munus precemur ueniae.
102.5
Latronis en confessio
102.6
Christi meretur gratiam,
102.7
Laus nostra uel deuotio
102.8
Mercetur indulgentiam.
102.9
Mors per crucem nunc interit,
102.10
Et post tenebras lux redit:
102.11
Horror dehiscat criminum,
102.12
Splendor nitescat mentium.
103.1
Ut nox tenebris obsita
103.2
Aequans per horas tempora
103.3
Ternis quater successibus
103.4
Reddit diem mortalibus,
103.5
Sic ter quaternis trahitur
103.6
Horis dies ad uesperum,
103.7
Occasu sol pronuntians
103.8
Noctem redire temporum.
103.9
Nos ergo signo Domini
103.10
Tutemus claustra pectorum,
103.11
Ne serpens ille callidus
103.12
Intrandi temptet aditum.
103.13
Sed armis pudicitiae
103.14
Mens fulta uigil libere
103.15
Sobrietate comite
103.16
Hostem repellat improbum.
103.17
Sed ne ciborum crapula
103.18
Tandem distendat corpora,
103.19
Ne ui per somnum animam
103.20
Ludificatam polluat.
104.1
Magnum salutis gaudium!
104.2
Laetetur omne saeculum!
104.3
Iesus redemptor omnium
104.4
Sanauit orbem languidum.
104.5
Sex ante paschae ferias
104.6
Aduenit in Bethaniam,
104.7
Ubi pie post triduum
104.8
Resuscitauit Lazarum.
104.9
Nardi Maria pistici
104.10
Sumpsit libram mox optimi,
104.11
Unxit beatos Domini
104.12
Pedes rigando lacrimis.
104.13
Post haec iugalis asinae
104.14
Iesus, supernus arbiter,
104.15
Pullo sedebat, inclitam
104.16
Pergebat Ierosolymam.
104.17
O quam stupenda pietas!
104.18
Mira Dei clementia!
104.19
Sessor aselli fieri
104.20
Dignatur auctor saeculi.
104.21
Olim propheta praescius
104.22
Praedixit almo Spiritu:
104.23
"Exulta" dicens "filia
104.24
Sion satis et iubila.
104.25
Rex ecce tuus humilis,
104.26
(Noli timere), ueniet,
104.27
Pullo iugalis residens,
104.28
Tibi benignus, patiens."
104.29
Ramos uirentes sumpserat
104.30
Palma recisos tenera
104.31
Turba, processit obuiam
104.32
Regi perenni plurima.
104.33
Coetus sequens et praeuius
104.34
Sanctoque plenus Spiritu
104.35
Clamabat "in altissimis
104.36
Hosanna Dauid filio."
104.37
Quidam solutis stropheis
104.38
Uiam tegebant uestibus,
104.39
Pluresque flore candido
104.40
Iter parabant Domino.
104.41
Ad cuius omnis ciuitas
104.42
Commota ingressum tremuit,
104.43
Hebraea proles aurea
104.44
Laudes ferebat debitas.
104.45
Nos ergo tanto iudici
104.46
Curramus omnes obuiam;
104.47
Palmas gerentes gloriae
104.48
Mente canamus sobria
105.1
Hymnum dicamus Domino,
105.2
Laudes Deo cum cantico,
105.3
Qui nos crucis patibulo
105.4
Suo redemit sanguine.
105.5
Die decursa ad uesperum,
105.6
Qua Christus morti traditur,
105.7
Ad cenam uenit impius,
105.8
Qui erat Christi proditor.
105.9
Iesus futura nuntiat
105.10
Cenantibus discipulis;
105.11
"Unus ex discumbentibus
105.12
Ipse me traditurus est."
105.13
Iudas, mercator pessimus,
105.14
Osculo petit Dominum;
105.15
Ille, ut agnus innocens,
105.16
Non negat Iudae osculum.
105.17
Denariorum numero
105.18
Christus Iudaeis traditur
105.19
Innocens et innoxius,
105.20
Quem Iudas tradit impius.
105.21
Praeses Pilatus proclamat:
105.22
"Nullam culpam inuenio";
105.23
Ablutis aqua manibus
105.24
Christum Iudaeis tradidit.
105.25
Phalanx Iudaea impia
105.26
Latronem petit uiuere,
105.27
Christum accusat grauiter:
105.28
"Crucifigatur, reus est."
105.29
Et Barrabas dimittitur,
105.30
Qui reus mortis fuerat;
105.31
Uita mundi suspenditur,
105.32
Per quem resurgunt mortui.
106.1
O Redemptor, sume carmen temet concinentium.
106.2
Audi, iudex mortuorum, una spes mortalium,
106.3
Audi uoces proferentum donum pacis praeuium.
106.4
Arbor feta alma luce hoc sacrandum protulit,
106.5
Fert hoc prona praesens turba saluatori saeculi.
106.6
Stans ad aram immo supplex infulatus pontifex,
106.7
Debitum persoluit omne consecrato chrismate.
106.8
Consecrare tu dignare, rex perennis patriae,
106.9
Hoc oliuum, signum uiuum iura contra daemonum,
106.10
Ut nouetur sexus omnis unctione chrismatis,
106.11
Et medetur sauciata dignitatis gloria.
106.12
Lota fronte sacro fonte aufugantur crimina,
106.13
Uncta fronte sacrosancta influunt charismata.
106.14
Corde natus ex parentis, aluum implens uirginis,
106.15
Praesta lucem, claude mortem chrismatis consortibus.
106.16
Sit dies haec festa nobis saeculorum saeculis,
106.17
Sit sacrata digna laude, nec senescat tempore.
107.1
Sancti uenite, Christi corpus sumite,
107.2
Sanctum bibentes, quo redempti sanguine.
107.3
Saluati Christi corpore et sanguine,
107.4
A quo refecti laudes dicamus Deo.
107.5
Hoc sacramento corporis et sanguinis
107.6
Omnes exuti ab inferni faucibus.
107.7
Dator salutis, Christus filius Dei,
107.8
Mundum saluauit per crucem et sanguinem.
107.9
Pro uniuersis inmolatus Dominus
107.10
Ipse sacerdos exstitit et hostia.
107.11
Lege praeceptum inmolari hostias,
107.12
Qua adumbrantur diuina mysteria.
107.13
Lucis indultor et saluator omnium
107.14
Praeclaram sanctis largitus est gratiam.
107.15
Accedant omnes pura mente creduli,
107.16
Sumant aeternam salutis custodiam.
107.17
Sanctorum custos, rector quoque, Dominus,
107.18
Uitae perennis largitor credentibus.
107.19
Caelestem panem dat esurientibus,
107.20
De fonte uiuo praebet sitientibus.
107.21
Alpha et ω ipse Christus Dominus
107.22
Uenit, uenturus iudicare homines.
108.1
Ignis creator igneus,
108.2
Lumen donator luminis,
108.3
Uitaque uitae conditor,
108.4
Dator salutis et salus:
108.5
Ne noctis huius gaudia
108.6
Uigil lucerna deserat,
108.7
Qui hominem non uis mori,
108.8
Da nostro lumen pectori.
108.9
Ex Aegypto migrantibus
108.10
Indulges geminam gratiam:
108.11
Nubis uelamen exhibes,
108.12
Nocturnum lumen porrigis.
108.13
Nullis columna per diem
108.14
Uenientem plebem protegis,
108.15
Ignis columna ad uesperum
108.16
Noctem depellis lumine.
108.17
E flamma famulum prouocas;
108.18
Rubum non spernis spineam,
108.19
Et, cum sis ignis concremans,
108.20
Non uris quod inluminas.
108.21
Fuco depasto nubilo
108.22
Tempus decoctis sordibus
108.23
Feruente sancto Spiritu
108.24
Carnem lucere ceream.
108.25
Secretis iam condis faui
108.26
Diuini mellis alitus;
108.27
Cordis repurgans intimas
108.28
Uerbo replesti cellulas,
108.29
Examen ut fetus noui
108.30
Ore praelectum, Spiritu,
108.31
Relictis caelum sarcinis
108.32
Quaerat securis pinnulis.
109.1
Ad cenam agni prouidi,
109.2
Stolis albis candidi,
109.3
Post transitum maris rubri
109.4
Christo canamus principi.
109.5
Cuius sacrum corpusculum
109.6
In ara crucis torridum;
109.7
Cruore eius roseo
109.8
Gustando uiuimus Deo.
109.9
Protecti paschae uespero
109.10
A deuastante angelo,
109.11
Erepti de durissimo
109.12
Pharaonis imperio.
109.13
Iam pascha nostrum Christus est,
109.14
Qui inmolatus agnus est;
109.15
Sinceritatis azyma
109.16
Caro eius oblata est.
109.17
O uera digna hostia,
109.18
Per quam fracta sunt tartara;
109.19
Redempta plebs captiuata,
109.20
Reddita uitae praemia.
109.21
Consurgit Christus tumulo,
109.22
Uictor redit de barathro,
109.23
Tyrannum trudens uinculo
109.24
Et reserans paradisum.
109.25
Quaesumus, auctor omnium,
109.26
In hoc paschali gaudio
109.27
Ab omni mortis impetu
109.28
Tuum defendas populum.
110.1
Te, lucis auctor, personant
110.2
Huius cateruae carmina,
110.3
Quam tu replesti gratia
110.4
Anastasis potentia
110.5
Nobis dies haec innuit
110.6
Diem supremum sistere,
110.7
Quo mortuos resurgere
110.8
Uitaeque fas sit reddere.
110.9
Octaua prima redditur,
110.10
Cum mors ab unda tollitur,
110.11
Dum mente circumcidimur
110.12
Nouique demum nascimur;
110.13
Cum mane nostrum cernimus
110.14
Redisse uictis hostibus,
110.15
Mundique luxum temnimus,
110.16
Panem salutis sumimus.
110.17
Ieiuniorum uictimis
110.18
Corpus litamur aridis,
110.19
Piisque parsimoniis
110.20
Sacris potamur hostiis.
110.21
Haec alma sit sollemnitas,
110.22
Sit clara haec festiuitas,
110.23
Sit feriata gaudiis
110.24
Dies reducta ab inferis.
111.1
Aurora lucis rutilat,
111.2
Caelum laudibus intonat,
111.3
Mundus exultans iubilat,
111.4
Gemens infernus ululat,
111.5
Cum rex ille fortissimus
111.6
Mortis confractis uiribus
111.7
Pede conculcans tartara
111.8
Soluit catena miseros.
111.9
Ille, qui clausus lapide
111.10
Custoditur sub milite.
111.11
Triumphans pompa nobile
111.12
Uictor surgit de funere.
111.13
Solutis iam gemitibus
111.14
Et inferni doloribus,
111.15
Quia surrexit Dominus
111.16
Splendens clamat angelus.
111.17
Tristes erant apostoli
111.18
De nece sui Domini,
111.19
Quem poena mortis crudeli
111.20
Serui damnarunt impii.
111.21
Sermone blando angelus
111.22
Praedixit mulieribus:
111.23
"In Galilaea Dominus
111.24
Uidendus est quantocius."
111.25
Illae dum pergunt concite
111.26
Apostolis hoc dicere,
111.27
Uidentes eum uiuere
111.28
Osculant pedes Domini.
111.29
Quo agnito discipuli
111.30
In Galilaeam propere
111.31
Pergunt, uidere faciem
111.32
Desideratam Domini.
111.33
Claro paschali gaudio
111.34
Sol mundo nitet radio,
111.35
Cum Christum iam apostoli
111.36
Uisu cernunt corporeo.
111.37
Ostensa sibi uulnera
111.38
In Christi carne fulgida
111.39
Resurrexisse Dominum
111.40
Uoce fatentur publica.
111.41
Rex Christe clementissime,
111.42
Tu corda nostra posside,
111.43
Ut tibi laudes debitas
111.44
Reddamus omni tempore.
112.1
Optatus uotis omnium
112.2
Sacratus inluxit dies
112.3
Quo Christus, mundi spes, Deus
112.4
Conscendit caelos arduos.
112.5
Ascendens in altum Dominus,
112.6
Propriam ad sedem remeans,
112.7
Gauisa sunt caeli regna
112.8
Reditu unigeniti.
112.9
Magno triumpho proelii,
112.10
Mundi perempto principe,
112.11
Patris praesentans uultibus
112.12
Uictricis carnis gloriam,
112.13
Est eleuatus in nubibus
112.14
Et spem fecit credentibus,
112.15
Aperiens paradisum,
112.16
Quem protoplasti clauserant.
112.17
O grande cunctis gaudium,
112.18
Quod partus nostrae uirginis
112.19
Post sputa, flagra, post crucem
112.20
Paternae sedi iungitur.
112.21
Agamus ergo gratias
112.22
Nostrae salutis uindici,
112.23
Nostrum quod corpus uexerit
112.24
Sublimem ad caeli regiam.
112.25
Sit nobis cum caelestibus
112.26
Commune manens gaudium:
112.27
Illis quod se praesentauit,
112.28
Nobis quod se non abstulit.
112.29
Nunc prouocatis actibus
112.30
Christum exspectare nos decet,
112.31
Uitaque tali uiuere,
112.32
Quae possit caelum scandere.
113.1
Aeterne rex altissime,
113.2
Redemptor et fidelium,
113.3
Quo mors soluta deperit,
113.4
Datur triumphus gratiae;
113.5
Scandens tribunal dexterae
113.6
Patris, potestas omnium
113.7
Conlata est Iesu caelitus,
113.8
Quae non erat humanitus,
113.9
Ut trina rerum machina
113.10
Caelestium terrestrium
113.11
Et infernorum condita
113.12
Flectat genu iam subdita.
113.13
Tremunt uidentes angeli
113.14
Uersam uicem mortalium,
113.15
Culpat caro, purgat caro,
113.16
Regnat Deus Dei caro.
113.17
Tu, Christe, nostrum gaudium
113.18
Manens Olympo praeditum,
113.19
Mundi regis qui fabricam
113.20
Mundana uincens gaudia.
113.21
Hinc te precantes quaesumus,
113.22
Ignosce culpis omnibus,
113.23
Et corda sursum subleua
113.24
Ad te superna gratia;
113.25
Ut cum repente coeperis
113.26
Clarere nube iudicis,
113.27
Poenas repellas debitas,
113.28
Reddas coronas perditas.
114.1
Iesu, nostra redemptio,
114.2
Amor et desiderium,
114.3
Deus creator omnium,
114.4
Homo in fine temporum:
114.5
Quae te uicit clementia,
114.6
Ut ferres nostra crimina,
114.7
Crudelem mortem patiens
114.8
Ut nos a morte tolleres,
114.9
Inferni claustra penetrans,
114.10
Tuos captiuos redimens,
114.11
Uictor triumpho nobili
114.12
Ad dextram Patris residens?
114.13
Ipsa te cogat pietas
114.14
Ut mala nostra superes
114.15
Parcendo, et uoti compotes
114.16
Nos tuo uultu saties.
114.17
Tu esto nostrum gaudium,
114.18
Qui es futurum praemium,
114.19
Sit nostra in te gloria
114.20
Per cuncta semper saecula.
115.1
Beata nobis gaudia
115.2
Anni reduxit orbita,
115.3
Cum Spiritus Paraclitus
115.4
Effulsit in discipulos.
115.5
Ignis uibrante lumine
115.6
Linguae figuram detulit,
115.7
Uerbis ut essent proflui
115.8
Et caritate feruidi.
115.9
Linguis locuntur omnium,
115.10
Turbae pauent gentilium;
115.11
Musto madere deputant,
115.12
Quos Spiritus repleuerat.
115.13
Patrata sunt haec mystice
115.14
Paschae peracto tempore,
115.15
Sacro dierum numero
115.16
Quo lege fit remissio.
115.17
Te nunc, Deus piissime,
115.18
Uultu precamur cernuo,
115.19
Inlapsa nobis caelitus
115.20
Largire dona Spiritus.
115.21
Dudum sacrata pectora
115.22
Tua replesti gratia;
115.23
Dimitte nunc peccamina
115.24
Et da quieta tempora.
116.1
Iam Christus astra ascenderat,
116.2
Regressus unde uenerat,
116.3
Promisso Patris munere
116.4
Sanctum daturus Spiritum.
116.5
Sollemnis surgebat dies,
116.6
Quo mystico septemplici
116.7
Orbis uolutus septies
116.8
Signat beata tempora,
116.9
Cum hora cunctis tertia
116.10
Repente mundus intonat,
116.11
Apostolis orantibus
116.12
Deum uenisse nuntians.
116.13
De Patris ergo lumine
116.14
Decorus ignis almus est,
116.15
Qui fida Christi pectora
116.16
Calore uerbi compleat.
116.17
Impleta gaudent uiscera
116.18
Afflata sancto lumine,
116.19
Uoces diuersae consonant,
116.20
Fantur Dei magnalia.
116.21
Ex omni gente cogitur
116.22
Graecus, Latinus, Barbarus;
116.23
Cunctisque admirantibus
116.24
Linguis locuntur omnium.
116.25
Iudaea tunc incredula,
116.26
Uesano turba spiritu,
116.27
Ructare musti crapulam
116.28
Alumnos Christi concrepat.
116.29
Sed signis et uirtutibus
116.30
Occurrit et docet Petrus
116.31
Falsa profari perfidos,
116.32
Iohele teste comprobans.
117.1
Hymnum canamus gloriae,
117.2
Hymni noui nunc personent,
117.3
Christus nouo cum tramite
117.4
Ad Patris ascendit thronum.
117.5
Transit triumpho gloriae
117.6
Poli potenter culmina,
117.7
Qui morte mortem absumpserat
117.8
Derisus a mortalibus.
117.9
Apostoli tunc mystico
117.10
In monte stantes chrismatis
117.11
Cum matre clara uirgine
117.12
Iesu uidebant gloriam.
117.13
Hunc prosecuti lumine
117.14
Laeto petentem sidera
117.15
Laetis per auras cordibus
117.16
Duxere regem saeculi.
117.17
Quos alloquentes angeli:
117.18
"Quid astra stantes cernitis?
117.19
Saluator hic est" inquiunt,
117.20
"Iesus, triumpho nobili
117.21
A uobis ad caelestia
117.22
Qui regna nunc adsumptus est,
117.23
Uenturus inde saeculi
117.24
In fine iudex omnium."
117.25
Sicque uenturum asserunt,
117.26
Quem ad modum hunc uiderant
117.27
Summa polorum culmina
117.28
Scandere Iesum splendida.
117.29
Quo nos precamur tempore,
117.30
Iesu redemptor unice,
117.31
Inter tuos in aethera
117.32
Seruos benignus adgrega.
117.33
Da nobis illuc sedula
117.34
Deuotione tendere,
117.35
Quo te sedere cum Patre
117.36
In arce regni credimus.
118.1
Ueni creator Spiritus,
118.2
Mentes tuorum uisita,
118.3
Imple superna gratia,
118.4
Quae tu creasti pectora:
118.5
Qui Paraclitus diceris,
118.6
Donum Dei altissimi,
118.7
Fons uiuus, ignis, caritas,
118.8
Et spiritalis unctio.
118.9
Tu septiformis munere,
118.10
Dextrae Dei tu digitus.
118.11
Tu rite promisso Patris
118.12
Sermone ditas guttura.
118.13
Accende lumen sensibus,
118.14
Infunde amorem cordibus,
118.15
Infirma nostri corporis
118.16
Uirtute firmans perpeti.
118.17
Hostem repellas longius,
118.18
Pacemque dones protinus,
118.19
Ductore sic te praeuio
118.20
Uitemus omne noxium.
118.21
Per te sciamus da Patrem,
118.22
Noscamus atque Filium,
118.23
Te utriusque Spiritum
118.24
Credamus omni tempore.
119.1
Urbs beata Ierusalem dicta pacis uisio,
119.2
Quae construitur in caelis uiuis ex lapidibus,
119.3
Et angelis coornata ut sponsata comite,
119.4
Noua ueniens e caelo, nuptiali thalamo
119.5
Praeparata, ut sponsata copuletur Domino,
119.6
Plateae et muri eius ex auro purissimo.
119.7
Portae nitent margaritis adytis patentibus,
119.8
Et uirtute meritorum illuc introducitur
119.9
Omnis qui pro Christi nomen hic in mundo premitur.
119.10
Tunsionibus, pressuris expoliti lapides,
119.11
Suis coaptantur locis per manum artificis,
119.12
Disponuntur permansuri sacris aedificiis.
119.13
Angularis fundamentum lapis Christus missus est,
119.14
Qui conpage parietis in utroque nectitur,
119.15
Quem Syon sancta suscepit, in quo credens permanet.
119.16
Omnis illa Deo sacra et dilecta ciuitas
119.17
Plena modulis in laude et canore iubilo
119.18
Trinum Deum unicumque cum fauore praedicat
119.19
Hoc in templo, summe Deus, exoratus adueni
119.20
Et clementi bonitate precum uota suscipe,
119.21
Largam benedictionem hic infunde iugiter.
119.22
Hic promereantur omnes petita adquirere
119.23
Et adepta possidere cum sanctis perenniter,
119.24
Paradisum introire translati in requiem.
119.25
Gloria et honor Deo usque quo altissimo
119.26
Una Patri Filioque inclito Paraclito,
119.27
Cui laus est et potestas per aeterna saecula.
121.1
Rex gloriose martyrum,
121.2
Corona confitentium,
121.3
Qui respuentes terrea
121.4
Perducis ad caelestia,
121.5
Aurem benignam protinus
121.6
Adpone nostris uocibus;
121.7
Tropaea sacra pangimus,
121.8
Ignosce quod deliquimus.
121.9
Tu uincis in martyribus,
121.10
Parcendo confessoribus,
121.11
Tu uince nostra crimina
121.12
Donando indulgentiam.
122.1
Deus, tuorum militum
122.2
Sors et corona, praemium,
122.3
Laudes canentes martyris
122.4
Absolue nexu criminis.
122.5
Hic nempe mundi gaudia
122.6
Et blandimenta noxia
122.7
Caduca rite deputans
122.8
Peruenit ad caelestia.
122.9
Poenas cucurrit fortiter
122.10
Et sustulit uiriliter;
122.11
Pro te effundens sanguinem
122.12
Aeterna dona possidet.
122.13
Ob hoc precatu supplici
122.14
Te poscimus, piissime,
122.15
In hoc triumpho martyris
122.16
Dimitte noxam seruulis.
123.1
Iesu redemptor omnium,
123.2
Perpes corona praesulum,
123.3
In hac die clementius
123.4
Nostris faueto uocibus
123.5
Tui sacri qua nominis
123.6
Confessor almus claruit,
123.7
Cuius celebrat annua
123.8
Deuota plebs sollemnia.
123.9
Qui rite mundi gaudia
123.10
Huius caduca respuens,
123.11
Cum angelis caelestibus
123.12
Laetus potitur praemiis.
123.13
Huius benignus adnue
123.14
Nobis sequi uestigia,
123.15
Huius precatu seruulis
123.16
Dimitte noxam criminis.
126.1
Aurea luce et decore roseo,
126.2
Lux lucis, omne perfudisti saeculum,
126.3
Decorans caelum inclito martyrio
126.4
Hac sacra die, quae dat reis ueniam.
126.5
Ianitor caeli, doctor orbis pariter,
126.6
Iudices saecli, uera mundi lumina,
126.7
Per crucem alter, alter ense triumphans,
126.8
Uitae senatum laureati possident.
126.9
Iam, bone pastor Petre, clemens accipe
126.10
Uota precantum, et peccati uincula
126.11
Resolue tibi potestate tradita,
126.12
Qua cunctis caelum uerbo claudis, aperis.
126.13
Doctor egregie Paule, mores instrue
126.14
Et mente polum nos transferre satage,
126.15
Donec perfectum largiatur plenius,
126.16
Euacuato quod ex parte gerimus.
126.17
Oliuae binae pietatis unicae,
126.18
Fide deuotos, spe robustos, maxime
126.19
Fonte repletos caritatis geminae
126.20
Post mortem carnis impetrate uiuere.
126.21
Sit Trinitati sempiterna gloria,
126.22
Honor, potestas atque iubilatio,
126.23
In unitate cui manet imperium
126.24
Extunc et modo per aeterna saecula.
127.1
Squalent arua soli puluere multo,
127.2
Pallet siccus ager, terra fatiscit:
127.3
Nullus ruris honos, nulla uenustas,
127.4
Quando nulla uiret gratia florum.
127.5
Tellus dura sitit nescia roris,
127.6
Fons iam nescit aquas, flumina cursus,
127.7
Herbas nescit humus, nescit aratrum,
127.8
Magno rupta patet turpis hiatu.
127.9
Feruens sole dies, igneus ardor
127.10
Ipsas urit aues, frondea rami
127.11
Fessis tecta negant, puluis harenae
127.12
Sicco despuitur ore uiantis.
127.13
Uentis ora ferae, bestia uentis,
127.14
Captantesque uiri flamina uentis,
127.15
Uentis et uolucres ora recludunt,
127.16
Hac mulcere sitim fraude uolentes.
127.17
Fetus cerua suos, pignora cerua,
127.18
Fetus cerua siti fessa recusat,
127.19
Fetus cerua pios maesta relinquit,
127.20
Quaesitam quoniam non uehit barbam.
127.21
Uenerunt iuuenes pocula noti
127.22
Quaerentes putei, lymphaque fugit,
127.23
Et uasis uacuis tecta reuisunt,
127.24
Fletus, heu, proprios ore bibentes.
127.25
Bos praesepe suum linquit inane,
127.26
Pratorumque uolens carpere gramen
127.27
Nudam uersat humum, sic pecus omne
127.28
Fraudatum moriens labitur herbis.
127.29
Radices nemorum rustica plebes
127.30
Explorat misero curua labore,
127.31
Solarique famem cortice quaerit,
127.32
Nec sucos teneros arida praestat.
127.33
Hanc peccata famem nostra merentur;
127.34
Sed merce propria, Christe, foueto;
127.35
Quo culpa grauior gratia maior
127.36
Iusti supplicii uincla resoluens.
127.37
Iam caelum reseres aruaque laxes
127.38
Fecundo placidus imbre rogamus;
127.39
Heliae meritis inpia saecla
127.40
Donasti pluuiam, nos quoque dones.
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Lewis & Short (Perseus, CC BY-SA). Morphology: LatinCy — machine parsing, corrected against the AGDT & PROIEL treebanks and Morpheus.