Library › Latin: Lyric & Elegy › Versus in Bibliotheca
The Versus of Isidore of Seville are a series of short poems in elegiac couplets, apparently composed as inscriptions for the bookcases of his library and edited by Charles Beeson in 1913. The opening poem invites the reader to take whatever pleases among the many sacred and secular books, comparing them to meadows full of thorns and flowers. The following poems are spoken by or about the authors whose works stood in the cases, among them Origen, Hilary, Ambrose, Augustine and Jerome.
The verses offer a rare picture of the contents and arrangement of a library in the early seventh century, and of how Isidore valued the Christian and secular authors he used. They also show the survival of the ancient custom of inscribing libraries with verse, and they are a rare sample of Isidore’s verse among his largely prose writings.
About this edition. The Latin text comes from Musisque Deoque, the digital archive of Latin poetry (edition: C. Beeson, 1913), licensed CC BY-SA. Every word has been analyzed with LatinCy, a neural language model for Latin — click or tap any word for its dictionary form, part of speech, and complete morphology, together with the full entry from Lewis & Short’s A Latin Dictionary.
Latin · Lyric & Elegy
Versus in Bibliotheca
Isidore of Seville, Saint · every word parsed
1.1
Sunt hic plura sacra, sunt hic mundialia(==MUNDIALIA) plura;
1.2
Ex his si qua placent carmina, tolle, lege.
1.3
Prata uides plena spinis et copia floris;
1.4
Si non uis spinas sumere, sume rosas.
2.1
Hic geminae radiant ueneranda uolumina legis;
2.2
Condita sunt pariter hic noua cum ueteri.
3.1
Ille Origenes ego, doctor uerissimus olim,
3.2
Quem primum fidei Graecia clara dedit.
3.3
Celsus eram meritis et clarus copia fandi;
3.4
Praeruptus subito lingua nocente rui.
3.5
Condere, si credis, studui tot millia libros
3.6
Quot legio missos ducit in arma uiros.
3.7
Nulla meos unquam tetigit blasphemia sensus,
3.8
Sed uigil et prudens, tutus ab hoste fui.
3.9
Sola mihi casum Periarchon dicta dederunt;
3.10
His me coniectum impia tela premunt.
4.1
Gallia me genitum, me Pictauis ore tonanti
4.2
Doctorem Hilarium misit alumna suum.
5.1
Ambrosius doctor, signis insignis et hymnis,
5.2
Enitet hic titulis, enitet eloquiis.
6.1
Mentitur, qui te totum legisse fatetur;
6.2
Aut quis cuncta tua lector habere potest?
6.3
Namque uoluminibus mille, Augustine, refulges;
6.4
Testantur libri quod loquor ipse tui.
6.5
Quamuis multorum placeat praesentia libris,
6.6
Si Augustinus adest, sufficit ipse tibi.
7.1
Hieronyme(==HIERO–NY–ME), interpres uariis doctissime linguis,
7.2
Te Bethlem celebrat, te totus personat orbis,
7.3
Te quoque nostra tuis promit bibliotheca(==BI–BLI–O+THECA) libris.
8.1
Nomine Iohannes Chrysostomus inde uocatus,
8.2
Aurea quod nostrum lingua coruscet opus;
8.3
Constantinopolis me praeceptore refulget,
8.4
Et celebror libris doctor ubique meis.
8.5
Composui mores, uirtutum praemia dixi,
8.6
Et docui miseros crimina flere reos.
9.1
Clarior eloquio cunctis, Cypriane, refulges;
9.2
Tu modo doctor eras, tu modo martyr ades.
10.1
Si Maro, si Flaccus, si Naso, et Persius horret,
10.2
Lucanus si te Papiniusque tedet,
10.3
Pareat eximio dulcis Prudentius ore,
10.4
Carminibus uariis nobilis ille satis;
10.5
Perlege facundi studiosum carmen Auiti;
10.6
Ecce Iuuencus adest Seduliusque tibi,
10.7
Ambo lingua pares, florentes uersibus ambo,
10.8
Fonte euangelico pocula larga ferunt.
10.9
Desine gentilibus(==GENTI–LI–BU+S) ergo inseruire poetis:
10.10
Dum bona tanta potes, quid tibi Calliroen?
11.1
Historias rerum et transacti tempora saecli
11.2
Condita membranis haec simul arca gerit.
12.1
Quantum Augustino clares tu, Hippone, magistro,
12.2
Tantum Roma suo praesule Gregorio.
13.1
Non satis antiquis doctoribus impar haberis,
13.2
Leander uates: hoc tua dicta docent.
14.1
Conditur hic iuris series amplissima legum,
14.2
Ueridico Latium quae regit ore forum.
15.1
En multos libros gestant haec scrinia nostra;
15.2
Qui cupis, ecce lege, si tua uota libent.
15.3
Tolle hic segnitiem, pone fastidia mentis;
15.4
Crede mihi, frater, doctior inde redis.
15.5
An dicis forte: "Quid iam mihi ista necesse est?
15.6
Quod meditem studii non superesse mei;
15.7
Explicui historias, percurri omnia legis":
15.8
Uere, hoc si dicis, iam nihil ipse sapis.
16.1
Quos claros orbe celebrat medicina magistros,
16.2
Hos praesens pictos signat imago uiros.
17.1
Sunt medico dona quamdiu quisque laborat;
17.2
Aeger iam surgit: nulla lagoena uenit.
17.3
Quod debes medico redde, aeger, ne mala rursus
17.4
Occurrant: currit denuo nemo tibi.
18.1
Pauperis attende, medice, censum atque potentis;
18.2
Dispar conditio dispari habenda modo est.
18.3
Si fuerit diues, sit iusta occasio lucri;
18.4
Si pauper, merces sufficit una tibi.
19.1
Quidquid Arabs aris, quidquid fert Indus odoris,
19.2
Quidquid et Ionii peruehit unda maris,
19.3
Cinnamomum myrram folium casiamque nitentem,
19.4
Balsama tus calamum Coryciumque crocum:
19.5
Haec possunt magnorum pigmentaria regum
19.6
Et domus inmensis proflua diuitiis.
19.7
Nos uiles fruimur pratorum germinis herbas,
19.8
Quas humiles ualles et iuga celsa ferunt.
19.9
Ergo sacri Hesperidum montes et rura, ualete,
19.10
Nam multis curis munera nostra ualent.
20.1
Hic odorata(==O–DO–RA+TA) iacent, hic spirant cinnama, tura,
20.2
Quaeque serunt Seres quaeque Sabaea feret.
21.1
Unguenti genera dum sint gratissima plura,
21.2
Nil nardo et stacte suauius esse potest.
22.1
Unguenti genera dum constent florida plura,
22.2
Nil rosa uel uiolis gratius esse potest.
22.3
Cedet telinus, cedet amaracinus illis,
22.4
Cedet et his Cypro qui regione uenit.
23.1
Unguenta hic cernis uaria, quae Graecia misit;
23.2
Plurima Hesperia de regione sumus.
24.1
Uascula concreta fragili de puluere cretae
24.2
Pigmenta gerimus; pocula nulla damus.
25.1
Qui calamo certare nouit(==NO–UIT) cum mortua pelle,
25.2
Si placet, hic ueniat, hic sua bella gerat.
26.1
Quisque uagus fuerit media librarius hora,
26.2
Suspensus binis ferietur terga flagellis.
27.1
Si plus dis terque quaterque fieri quod uult
27.2
Scriba magis nosset eo oportet amice.
27.4
Si sapis, et sentis, hoc tibi dico, tace.
27.5
Non patitur quemquam coram se scriba loquentem,
27.6
Non est hic, quod agas, garrule, perge foras.
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Lewis & Short (Perseus, CC BY-SA). Morphology: LatinCy — machine parsing, corrected against the AGDT & PROIEL treebanks and Morpheus.