Library › Greek: Lyric & Elegy › Epigrams
These epigrams are by Posidippus of Pella, a Macedonian poet of the early third century BC who worked at the court of the Ptolemies in Alexandria. This collection gives the poems preserved in the Greek Anthology and related sources: short pieces on love, drinking and courtesans, epitaphs for the drowned, and poems on works of art. Among them is a dialogue with the statue of Opportunity (Kairos) by the sculptor Lysippus.
Posidippus was one of the leading epigrammatists of his time, and his poems helped shape the Hellenistic epigram as a literary form. His reputation grew greatly after the publication in 2001 of a papyrus with over a hundred further epigrams attributed to him, but these Anthology poems remain the core of how he was read for centuries.
About this edition. The Greek text comes from the Eulogikon open corpus of public-domain editions (standard reference: Anthologia Graeca (Gow–Page, HE Posidippus)). Every word has been analyzed with odyCy, a neural language model for Ancient Greek — click or tap any word for its dictionary form, part of speech, and complete morphology, together with the full entry from the Liddell–Scott–Jones Greek–English Lexicon (LSJ).
Ancient Greek · Lyric & Elegy
Epigrams
Posidippus of Pella · every word parsed
134.1.1
Κεκροπί, ῥαῖνε, λάγυνε, πολύδροσον ἰκμάδα Βάκχου,
134.1.2
ῥαῖνε, δροσιζέσθω συμβολικὴ πρόποσις.
134.1.3
σιγάσθω Ζήνων ὁ σοφὸς κύκνος ἅ τε Κλεάνθους
μοῦσα· μέλοι δʼ ἡμῖν ὁ γλυκύπικρος Ἔρως.
183.1
Τέσσαρες οἱ πίνοντες, ἐρωμένη ἔρχεθʼ ἑκάστῳ·
183.1·2
ὀκτὼ γινομένοις ἓν Χίον οὐχ ἱκανόν.
183.2
παιδάριον, βαδίσας πρὸς Ἀρίστιον εἰπὲ τὸ πρῶτον
183.3
ἡμιδεὲς πέμψαι· χοῦς γὰρ ἔνεισι δύο
183.5.1
ἀσφαλέως, οἶμαι δʼ, ὅτι καὶ πλέον. ἀλλὰ τρόχαζε·
183.5.2
ὥρας γὰρ πέμπτης πάντες ἀθροιζόμεθα.
186.1.1
Μή με δόκει πιθανῶς ἀπατᾶν δακρύοισι, Φιλαινί.
186.1.2
οἶδα· φιλεῖς γὰρ ὅλως οὐδένα μεῖζον ἐμοῦ,
186.1.3
τοῦτον ὅσον παρʼ ἐμοὶ κέκλισαι χρόνον· εἰ δʼ ἕτερός σε
εἶχε, φιλεῖν ἂν ἔφης μεῖζον ἐκεῖνον ἐμοῦ.
194.1.1
Αὐτοὶ τὴν ἁπαλὴν Εἰρήνιον εἶδον Ἔρωτες,
194.1.2
Κύπριδος ἐκ χρυσέων ἐρχόμενοι θαλάμων,
194.1.3
ἐκ τριχὸς ἄχρι ποδῶν ἱερὸν θάλος, οἷά τε λύγδου
194.1.4
γλυπτήν, παρθενίων βριθομένην χαρίτων,
194.5
καὶ πολλοὺς τότε χερσὶν ἐπʼ ἠιθέοισιν ὀιστοὺς
τόξου πορφυρέης ἧκαν ἀφʼ ἁρπεδόνης.
202.1.1
Πορφυρέην μάστιγα καὶ ἡνία σιγαλόεντα
202.1.2
Πλαγγὼν εὐίππων θῆκεν ἐπὶ προθύρων,
202.1.3
νικήσασα κέλητι Φιλαινίδα τὴν πολύχαρμον
202.1.4
ἑσπερινῶν πώλων ἄρτι φρυασσομένων.
202.5.1
Κύπρι φίλη, σὺ δὲ τῇδε πόροις νημερτέα νίκης
202.5.2
δόξαν, ἀείμνηστον τήνδε τιθεῖσα χάριν.
209.1.1
Σήν, Παφίη Κυθέρεια, παρʼ ἠιόνʼ εἶδε Κλέανδρος
209.1.2
Νικοῦν ἐν χαροποῖς κύμασι νηχομένην·
209.1.3
καιόμενος δʼ ὑπʼ Ἔρωτος ἐνὶ φρεσὶν ἄνθρακας ὡνὴρ
209.1.4
ξηροὺς ἐκ νοτερῆς παιδὸς ἐπεσπάσατο.
209.5.1
χὠ μὲν ἐναυάγει γαίης ἔπι, τὴν δὲ θαλάσσης
209.5.2
ψαύουσαν πρηεῖς εἴχοσαν αἰγιαλοί.
209.5.3
νῦν δʼ ἴσος ἀμφοτέροις φιλίης πόθος· οὐκ ἀτελεῖς γὰρ
209.5.4
εὐχαὶ τὰς κείνης εὔξατʼ ἐπʼ ἠιόνος.
211.1.1
Δάκρυα καὶ κῶμοι, τί μʼ ἐγείρετε, πρὶν πόδας ἄρω
211.1.2
ἐκ πυρός, εἰς ἑτέρην Κύπριδος ἀνθρακιήν;
211.1.3
λήγω δʼ οὔποτʼ ἔρωτος, ἀεὶ δέ μοι ἐξ Ἀφροδίτης
211.1.4
ἄλγος ὁ μὴ κρίνων καινὸν ἄγει τι Πόθος.
213.1.1
Πυθιὰς εἰ μὲν ἔχει τινʼ, ἀπέρχομαι· εἰ δὲ καθεύδει
213.1.2
ὧδε μόνη, μικρόν, πρὸς Διός, ἐκκάλεσαι.
213.1.3
εἰπὲ δὲ σημεῖον, μεθύων ὅτι καὶ διὰ κλωπῶν
213.1.4
ἦλθεν Ἔρωτι θρασεῖ χρώμενος ἡγεμόνι.
170.1.1
Τὸν τριετῆ παίζοντα περὶ φρέαρ Ἀρχιάνακτα
170.1.2
εἴδωλον μορφᾶς κωφὸν ἐπεσπάσατο·
170.1.3
ἐκ δʼ ὕδατος τὸν παῖδα διάβροχον ἅρπασε μάτηρ
170.1.4
σκεπτομένα, ζωᾶς εἴ τινα μοῖραν ἔχει.
170.5
Νύμφας δʼ οὐκ ἐμίηνεν ὁ νήπιος, ἀλλʼ ἐπὶ γούνοις
170
ματρὸς κοιμαθεὶς τὸν βαθὺν ὕπνον ἔχει.
267.1.1
Ναυτίλοι, ἐγγὺς ἁλὸς τί με θάπτετε; πολλὸν ἄνευθε
267.1.2
χῶσαι ναυηγοῦ τλήμονα τύμβον ἔδει.
267.1.3
φρίσσω κύματος ἦχον, ἐμὸν μόρον. ἀλλὰ καὶ οὕτως
267.1.4
χαίρετε, Νικήτην οἵτινες οἰκτίσατε.
359.1.1
Ποίην τις βιότοιο τάμοι τρίβον; εἰν ἀγορῇ μὲν
359.1.2
νείκεα καὶ χαλεπαὶ πρήξιες, ἐν δὲ δόμοις
359.1.3
φροντίδες· ἐν δʼ ἀγροῖς καμάτων ἅλις, ἐν δὲ θαλάσσῃ
τάρβος· ἐπὶ ξείνης δʼ, ἢν μὲν ἔχῃς τι, δέος·
359.5.1
ἢν δʼ ἀπορῇς, ἀνιηρόν. ἔχεις γάμον; οὐκ ἀμέριμνος
359.5.2
ἔσσεαι. οὐ γαμέεις; ζῇς ἔτʼ ἐρημότερος.
359.5.3
τέκνα πόνοι, πήρωσις ἄπαις βίος. αἱ νεότητες
359.5.4
ἄφρονες, αἱ πολιαὶ δʼ ἔμπαλιν ἀδρανέες.
359.5.5
ἦν ἄρα τοῖν δοιοῖν ἑνὸς αἵρεσις, ἢ τὸ γενέσθαι
359.10
μηδέποτʼ ἢ τὸ θανεῖν αὐτίκα τικτόμενον.
45.1.1
Ναὶ ναὶ βάλλετʼ, Ἔρωτες· ἐγὼ σκοπὸς εἷς ἅμα πολλοῖς
45.1.2
κεῖμαι. μὴ φείσησθʼ, ἄφρονες· ἢν γὰρ ἐμὲ
45.1.3
νικήσητʼ, ὀνομαστοὶ ἐν ἀθανάτοισιν ἔσεσθε
45
τοξόται ὡς μεγάλης δεσπόται ἰοδόκης.
77.1.1
Εἰ καθύπερθε λάβοις χρύσεα πτερὰ καί σευ ἀπʼ ὤμων
77.1.2
τείνοιτʼ ἀργυρέων ἰοδόκος φαρέτρη
77.1.3
καὶ σταίης παρʼ Ἔρωτα, φίλʼ Ἄγλαον, οὐ μὰ τὸν Ἑρμῆν,
οὐδʼ αὐτὴ Κύπρις γνώσεται, ὃν τέτοκεν.
98.1.1
Τὸν Μουσῶν τέττιγα Πόθος δήσας ἐπʼ ἀκάνθαις
98.1.2
κοιμίζειν ἐθέλει πῦρ ὑπὸ πλευρὰ βαλών·
98.1.3
ἡ δὲ πρὶν ἐν βύβλοις πεπονημένη ἄθλια τρίζει
ψυχὴ ἀνιηρῷ δαίμονι μεμφομένη.
120.1.1
Εὐοπλῶ καὶ πρὸς σὲ μαχήσομαι, οὐδʼ ἀπεροῦμαι
120.1.2
θνητὸς ἐών· σὺ δʼ, Ἔρως, μηκέτι μοι πρόσαγε.
120.1.3
ἤν με λάβῃς μεθύοντʼ, ἄπαγʼ ἔκδοτον· ἄχρι δὲ νήφω,
120
τὸν παραταξάμενον πρὸς σὲ λογισμὸν ἔχω.
131.1.1
Ἃ Κύπρον ἅ τε Κύθηρα καὶ ἃ Μίλητον ἐποιχνεῖς
131.1.2
καὶ καλὸν Συρίης ἱπποκρότου δάπεδον,
131.1.3
ἔλθοις ἵλαος Καλλιστίῳ, ἣ τὸν ἐραστὴν
οὐδέποτʼ οἰκείων ὦσεν ἀπὸ προθύρων.
168.1.1
Ναννοῦς καὶ Λύδης ἐπίχει δύο καὶ φέρʼ ἑκάστου
168.1.2
Μιμνέρμου καὶ τοῦ σώφρονος Ἀντιμάχου·
168.1.3
συγκέρασον τὸν πέμπτον ἐμοῦ, τὸν δʼ ἕκτον „Ἑκάστου,“
168.1.4
Ἡλιόδωρʼ, εἴπας, „ὅστις ἐρῶν ἔτυχεν.“
168.5.1
ἕβδομον Ἡσιόδου, τὸν δʼ ὄγδοον εἶπον Ὁμήρου,
168.5.2
τὸν δʼ ἔνατον Μουσῶν, Μνημοσύνης δέκατον.
168.5.3
μεστὸν ὑπὲρ χείλους πίομαι, Κύπρι· τἆλλα δʼ Ἔρωτες
νήφοντʼ, οἰνωθέντʼ οὐχὶ λίην ἄχαριν. *[crux: λίην]*
68.1
Κύπριδος ἅδʼ εἰκών· φέρʼ ἰδώμεθα, μὴ Βερενίκας·
διστάζω, ποτέρᾳ φῇ τις ὁμοιοτέραν.
119.1.1
Λύσιππε, πλάστα Σικυώνιε, θαρσαλέη χείρ,
119.1.2
δάιε τεχνίτα, πῦρ τοι ὁ χαλκὸς ὁρῇ,
119.1.3
ὃν κατʼ Ἀλεξάνδρου μορφᾶς χέες. οὐκέτι μεμπτοὶ
119.1.4
Πέρσαι· συγγνώμη βουσὶ λέοντα φυγεῖν.
275.1.1
Τίς, πόθεν ὁ πλάστης; —„Σικυώνιος.“ —Οὔνομα δὴ τίς; —
275.1.2
„Λύσιππος.“ —Σὺ δὲ τίς; —„Καιρὸς ὁ πανδαμάτωρ.“ —
275.1.3
Τίπτε δʼ ἐπʼ ἄκρα βέβηκας; —„Ἀεὶ τροχάω.“ —Τί δὲ ταρσοὺς
275.1.4
ποσσὶν ἔχεις διφυεῖς; —„Ἵπταμʼ ὑπηνέμιος.“ —
275.5.1
Χειρὶ δὲ δεξιτερῇ τί φέρεις ξυρόν; —„Ἀνδράσι δεῖγμα,
275.5.2
ὡς ἀκμῆς πάσης ὀξύτερος τελέθω.“ —
275.5.3
Ἡ δὲ κόμη τί κατʼ ὄψιν; —„Ὑπαντιάσαντι λαβέσθαι,
275.5.4
νὴ Δία.“ —Τἀξόπιθεν πρὸς τί φαλακρὰ πέλει; —
275.5.5
„Τὸν γὰρ ἅπαξ πτηνοῖσι παραθρέξαντά με ποσσὶν
275.10.1
οὔτις ἔθʼ ἱμείρων δράξεται ἐξόπιθεν.“ —
275.10.2
Τοὔνεχʼ ὁ τεχνίτης σε διέπλασεν; —„Εἵνεκεν ὑμέων,
275
ξεῖνε, καὶ ἐν προθύροις θῆκε διδασκαλίην.“
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Liddell, Scott & Jones (Perseus, CC BY-SA). Morphology: odyCy — machine parsing, corrected against the AGDT & PROIEL treebanks and Morpheus.