Library › Greek: Early Christian Writings › Akathist Hymn
The Akathist Hymn is the most celebrated hymn of the Byzantine Church, a kontakion in honour of the Virgin Mary, sung, as its name says, standing. Anonymous in the tradition, it has been ascribed to Romanos the Melodist among others, and his modern editors Maas and Trypanis print it among his doubtful works. Its twenty-four stanzas form an alphabetic acrostic, telling of the Annunciation, the Nativity and the Presentation and praising the Incarnation, with long chains of greetings beginning Chaire and the refrain Alleluia.
Its salutations to the Virgin, rich in biblical imagery and paradox, made it a model for later Byzantine hymnography, and it is still sung in the Orthodox Church during Lent. Most scholars date it to the fifth or sixth century. Read in the original, its rhythm, rhyme and wordplay show the high art of early Byzantine liturgical poetry.
About this edition. The Greek text comes from the Eulogikon open corpus of public-domain editions (standard reference: Maas–Trypanis, Cantica dubia (1970)). Every word has been analyzed with odyCy, a neural language model for Ancient Greek — click or tap any word for its dictionary form, part of speech, and complete morphology, together with the full entry from the Liddell–Scott–Jones Greek–English Lexicon (LSJ). The Akathistos is anonymous in the tradition; its ascription to Romanos is disputed, and Maas–Trypanis print it among the Cantica dubia.
Ancient Greek · Early Christian Writings
Akathist Hymn
Romanos the Melodist (attributed) · every word parsed
1
Τὸ προσταχθὲν μυστικῶς λαβὼν ἐν γνώσει
[para]ἐν τῇ σκηνῆ τοῦ ͜Ἰω͜σὴφ σπουδῇ ἐπέστη
[para]ὁ ἀσώματος λέγων τῇ ἀπειρογάμῳ·
“Ὁ κλίνας τῇ καταβάσει τοὺς οὐρανοὺς
5
χωρεῖται ἀναλλοιώτως ὅλος ἐν σοί·
ὃν καὶ βλέπων ἐν μήτρᾳ σου λαβόντα δούλου μορφὴν
[para]ἐξίσταμαι κραυγάζων σοι·
|:ʼΧαῖρε, νύμφη ἀνύμφευτε.ʼ”:|
[Τῇ ὑπερμάχῳ στρατηγῷ τὰ νικητήρια
10
[para]ὡς λυτρωθεῖσα τῶν δεινῶν εὐχαριστήρια
ἀναγράφω σοι ἡ πόλις σου, θεοτόκε·
ἀλλʼ ὡς ἔχουσα τὸ κράτος ἀπροσμάχητον
ἐκ παντοίων με κινδύνων ἐλευθέρωσον,
[para]ἵνα κράζω σοι·
15
|:“Χαῖρε, νύμφη ἀνύμφευτε”.:|]
[Οὐ παυόμεθα κατὰ χρέος ἀνυμνοῦντες σε,
[para]θεοτόκε, καὶ λέγοντες·
|:“Χαῖρε, ἡ κεχαριτωμένη”.:|]
Ἄγγελος πρωτοστάτης οὐρανόθεν ἐπέμφθη
20
[para]εἰπεῖν τῇ θεοτόκῳ τὸ “χαῖρε”·
καὶ σὺν τῇ ἀσωμάτῳ φωνῇ
[para]σωματούμενόν σε θεωρῶν, κύριε,
ἐξίστατο καὶ ἵστατο κραυγάζων πρὸς αὐτὴν τοιαῦτα·
“Χαῖρε, διʼ ἧς ἡ χαρὰ ἐκλάμψει·
25
[para]χαῖρε, διʼ ἧς ἡ ἀρὰ ἐκλείψει·
χαῖρε, τοῦ πεσόντος Ἀδὰμ ἡ ἀνάκλησις·
[para]χαῖρε, τῶν δακρύων τῆς Εὔας ἡ λύτρωσις·
χαῖρε, ὕψος δυσανάβατον ἀνθρωπίνοις λογισμοῖς·
[para]χαῖρε, βάθος δυσθεώρητον καὶ ἀγγέλων ὀφθαλμοῖς·
30
χαῖρε, ὅτι ὑπάρχεις βασιλέως καθέδρα·
[para]χαῖρε, ὅτι βαστάζεις τὸν βαστάζοντα πάντα·
χαῖρε, ἀστὴρ ἐμφαίνων τὸν ἥλιον·
χαῖρε, γαστὴρ ἐνθέου σαρκώσεως·
χαῖρε, διʼ ἧς νεουργεῖται ἡ κτίσις·
35
[para]χαῖρε, διʼ ἧς προσκυνεῖται ὁ πλάστης·
[para]|:χαῖρε, νύμφη ἀνύμφευτε”.:|
Βλέπουσα ἡ ἁγία ἑαυτὴν ἐν ἁγνείᾳ
[para]φησὶ τῷ Γαβριὴλ θαρσαλέως·
[para]“Τὸ παράδοξόν σου τῆς φωνῆς
40
[para]δυσπαράδεκτόν μου τῇ ψυχῆ φαίνεται·
ἀσπόρου γὰρ συλλήψεως τὴν κύησιν προλέγεις κράζων·
|:“Ἀλληλούϊα”.”:|
Γνῶσιν ἄγνωστον γνῶναι ἡ παρθένος ζητοῦσα
[para]ἐβόησε πρὸς τὸν λειτουργοῦντα·
45
“Ἐκ λαγόνων ἁγνῶν ὑϊὸν
[para]πῶς ἐστὶ τεχθῆναι δυνατόν; λέξον μοι.”
πρὸς ἣν ἐκεῖνος ἔφησεν ἐν φόβῳ πρὶν κραυγάζων οὕτω·
“Χαῖρε, βουλῆς ἀπορρήτου μύστις,
[para]χαῖρε, σιγῇ δεομένων πίστις·
50
χαῖρε, τῶν θαυμάτων Χριστοῦ τὸ προοίμιον,
[para]χαῖρε, τῶν δογμάτων αὐτοῦ τὸ κεφάλαιον·
χαῖρε, κλῖμαξ ἐπουράνιε, διʼ ἧς κατέβη [ὁ] θεός·
[para]χαῖρε, γέφυρα μετάγουσα τοὺς ἐκ γῆς πρὸς οὐρανόν·
χαῖρε, τὸ τῶν ἀγγέλων πολυθρύλητον θαῦμα·
55
[para]χαῖρε, τὸ τῶν δαιμόνων πολυθρήνητον τραῦμα·
χαῖρε, τὸ φῶς ἀρρήτως γεννήσασα·
χαῖρε, τὸ “πῶς” μηδένα διδάξασα·
χαῖρε, σοφῶν ὑπερβαίνουσα γνῶσιν·
[para]χαῖρε, πιστῶν καταυγάζουσα φρένας·
60
[para]|:χαῖρε, νύμφη ἀνύμφευτε.”:|
Δύναμις τοῦ ὑψίστου ἐπεσκίασε τότε
[para]πρὸς σύλληψιν τῇ ἀπειρογάμῳ·
[para]καὶ τὴν εὔκαρπον ταύτης νηδὺν
[para]ὡς ἀγρὸν ἀπέδειξεν ἡδὺν ἅπασι
65
τοῖς θέλουσι θερίζειν σωτηρίαν ἐν τῷ ψάλλειν οὕτως·
|:“Ἀλληλούϊα.”:|
Ἔχουσα θεοδόχον ἡ παρθένος τὴν μήτραν
[para]ἀνέδραμε πρὸς τὴν Ἐλισάβετ·
τὸ δὲ βρέφος ἐκείνης εὐθὺς
70
[para]ἐπιγνοῦν τὸν ταύτης ἀσπασμὸν ἔχαιρε
καὶ ἅλμασιν ὡς ᾄσμασιν ἐβόα πρὸς τὴν θεοτόκον·
“Χαῖρε, βλαστοῦ ἀμαράντου κλῆμα·
χαῖρε, καρποῦ ἀθανάτου κτῆμα·
χαῖρε, γεωργὸν γεωργοῦσα φιλάνθρωπον·
75
[para]χαῖρε, φυτουργὸν τῆς ζωῆς ἡμῶν φύουσα·
χαῖρε, ἄρουρα βλαστάνουσα εὐφορίαν οἰκτιρμῶν·
[para]χαῖρε, τράπεζα βαστάζουσα εὐθηνίαν ἱλασμῶν·
χαῖρε, ὅτι λειμῶνα τῆς τρυφῆς ἀναθάλλεις·
[para]χαῖρε, ὅτι λιμένα τῶν ψυχῶν ἑτοιμάζεις·
80
χαῖρε, δεκτὸν πρεσβείας θυμίαμα·
χαῖρε, παντὸς τοῦ κόσμου ἐξίλασμα·
χαῖρε, θεοῦ πρὸς θνητοὺς εὐδοκία·
[para]χαῖρε, θνητῶν πρὸς θεὸν παρρησία·
[para]|:χαῖρε, νύμφη ἀνύμφευτε.”:|
85
Ζάλην ἔνδοθεν ἔχων λογισμῶν ἀμφιβόλων
[para]ὁ σώφρων Ἰωσὴφ ἐταράχθη
[para]πρὸς τὴν ἄγαμόν σε θεωρῶν
[para]καὶ κλεψίγαμον ὑπονοῶν, ἄμεμπτε·
μαθὼν δὲ σοῦ τὴν σύλληψιν ἐκ πνεύματος ἁγίου ἔφη·
90
|:“Ἀλληλούϊα.”:|
Ἤκουσαν οἱ ποιμένες τῶν ἀγγέλων ὑμνούντων
[para]τὴν ἔνσαρκον Χριστοῦ παρουσίαν·
καὶ δραμόντες ὡς πρὸς ποιμένα
[para]θεωροῦσι τοῦτον ὡς ἀμνὸν ἄμωμον
95
ἐν τῇ γαστρὶ Μαρίας βοσκηθέντα, ἣν ὑμνοῦντες εἶπον·
“Χαῖρε, ἀμνοῦ καὶ ποιμένος μήτηρ·
[para]χαῖρε, αὐλὴ λογικῶν προβάτων·
χαῖρε, ἀοράτων θηρῶν ἀμυντήριον·
[para]χαῖρε, παραδείσου θυρῶν ἀνοικτήριον·
100
χαῖρε, ὅτι τὰ οὐράνια συναγάλλονται τῇ γῇ·
[para]χαῖρε, ὅτι τὰ ἐπίγεια συγχορεύουσι πιστοῖς·
χαῖρε, τῶν ἀποστόλων τὸ ἀσίγητον στόμα·
[para]χαῖρε, τῶν ἀθλοφόρων τὸ ἀνίκητον θάρσος·
χαῖρε, στερρὸν τῆς πίστεως ἔρεισμα·
105
χαῖρε, λαμπρὸν τῆς χάριτος γνώρισμα·
χαῖρε, διʼ ἧς ἐγυμνώθη ὁ ᾍδης·
[para]χαῖρε, διʼ ἧς ἐνεδύθημεν δόξαν·
[para]|:χαῖρε, νύμφη ἀνύμφευτε.”:|
Θεοδρόμον ἀστέρα θεωρήσαντες μάγοι
110
[para]τῇ τούτου ἠκολούθησαν αἴγλῃ·
[para]καὶ ὡς λύχνον κρατοῦντες αὐτόν,
[para]διʼ αὐτοῦ ἠρεύνων κραταιὸν ἄνακτα·
καὶ φθάσαντες τὸν ἄφθαστον ἐχάρησαν αὐτῷ βοῶντες·
|:“Ἀλληλούϊα.”:|
115
Ἴδον παῖδες Χαλδαίων ἐν χερσὶ τῆς παρθένου
[para]τὸν πλάσαντα χειρὶ τοὺς ἀνθρώπους·
καὶ δεσπότην νοοῦντες αὐτόν,
[para]εἰ καὶ δούλου ἔλαβε μορφήν, ἔσπευσαν
τοῖς δώροις θεραπεῦσαι καὶ βοῆσαι τῇ εὐλογημένῃ·
120
“Χαῖρε, ἀστέρος ἀδύτου μήτηρ·
[para]χαῖρε, αὐγὴ μυστικῆς ἡμέρας·
χαῖρε, τῆς ἀπάτης τὴν κάμινον παύσασα·
[para]χαῖρε, τῆς τριάδος τοὺς μύστας φυλάττουσα·
χαῖρε, τύραννον ἀπάνθρωπον ἐκβαλοῦσα τῆς ἀρχῆς·
125
[para]χαῖρε, κύριον φιλάνθρωπον ἐπιδείξασα Χριστόν·
χαῖρε, ἡ τῆς βαρβάρου λυτρουμένη θρησκείας·
[para]χαῖρε, ἡ τοῦ βορβόρου ῥυομένη τῶν ἔργων·
χαῖρε, πυρὸς προσκύνησιν σβέσασα·
χαῖρε, φλογὸς παθῶν ἀπαλλάττουσα·
130
χαῖρε, Περσῶν ὁδηγὲ σωφροσύνης·
[para]χαῖρε, πασῶν γενεῶν εὐφροσύνη·
[para]|:χαῖρε, νύμφη ἀνύμφευτε.”:|
Κήρυκες θεοφόροι γεγονότες οἱ μάγοι
ὑπέστρεψαν εἰς τὴν Βαβυλῶνα,
135
ἐκτελέσαντες σοῦ τὸν χρησμὸν
καὶ κηρύξαντές σε τὸν Χριστὸν ἅπασιν,
ἀφέντες τὸν Ἡρώδην ὡς ληρώδη μὴ εἰδότα ψάλλειν·
|:“Ἀλληλούϊα.”:|
Λάμψας ἐν τῇ Αἰγύπτῳ φωτισμὸν ἀληθείας
140
[para]ἐδίωξας τοῦ ψεύδους τὸ σκότος·
τὰ γὰρ εἴδωλα ταύτης, σωτήρ,
[para]μὴ ἐνέγκαντά σου τὴν ἰσχὺν πέπτωκαν·
οἱ τούτων δὲ ῥυσθέντες ἀνεβόων πρὸς τὴν θεοτόκον·
“Χαῖρε, ἀνόρθωσις τῶν ἀνθρώπων·
145
[para]χαῖρε, κατάπτωσις τῶν δαιμόνων·
χαῖρε, τῆς ἀπάτης τὴν πλάνην πατήσασα·
[para]χαῖρε, τῶν εἰδώλων τὸν δόλον ἐλέγξασα·
χαῖρε, θάλασσα ποντίσασα Φαραὼ τὸν νοητόν·
[para]χαῖρε, πέτρα ἡ ποτίσασα τοὺς διψῶντας τὴν ζωήν·
150
χαῖρε, πύρινε στύλε ὁδηγῶν τοὺς ἐν σκότει·
[para]χαῖρε, σκέπη τοῦ κόσμου πλατυτέρα νεφέλης·
χαῖρε, τροφὴ τοῦ μάννα διάδοχε·
χαῖρε, τρυφῆς ἁγίας διάκονε·
χαῖρε, ἡ γῆ ἡ τῆς ἐπαγγελίας·
155
[para]χαῖρε, ἐξ ἧς ῥέει μέλι καὶ γάλα·
|:χαῖρε, νύμφη ἀνύμφευτε.”:|
Μέλλοντος Συμεῶνος τοῦ παρόντος αἰῶνος
[para]μεθίστασθαι τοῦ ἀπατεῶνος,
[para]ἐπεδόθης ὡς βρέφος αὐτῷ,
160
[para]ἀλλʼ ἐγνώσθης τούτῳ καὶ θεὸς τέλειος·
διόπερ ἐξεπλάγη σου τὴν ἄρρητον σοφίαν κράζων·
|:“Ἀλληλούϊα.”:|
Νέαν ἔδειξε κτίσιν ἐμφανίσας ὁ κτίστης
[para]ἡμῖν τοῖς ὑπʼ αὐτοῦ γενομένοις,
165
ἐξ ἀσπόρου βλαστήσας γαστρὸς
[para]καὶ φυλάξας ταύτην, ὥσπερ ἦν, ἄφθορον,
ἱνὰ τὸ θαῦμα βλέποντες ὑμνήσωμεν αὐτὴν βοῶντες·
“Χαῖρε, τὸ ἄνθος τῆς ἀφθαρσίας·
[para]χαῖρε, τὸ στέμμα τῆς ἐγκρατείας·
170
χαῖρε, ἀναστάσεως τύπον ἐκλάμπουσα·
[para]χαῖρε, τῶν ἀγγέλων τὸν βίον ἐμφαίνουσα·
χαῖρε, δένδρον ἀγλαόκαρπον ἐξ οὗ τρέφονται πιστοί·
[para]χαῖρε, ξύλον εὐσκιόφυλλον, ὑφʼ οὗ σκέπονται πολλοί·
χαῖρε, κυοφοροῦσα λυτρωτὴν αἰχμαλώτοις·
175
[para]χαῖρε, ἀπογεννῶσα ὁδηγὸν πλανωμένοις·
χαῖρε, κριτοῦ δικαίου δυσώπησις·
χαῖρε, πολλῶν πταισμάτων συγχώρησις·
χαῖρε, στολὴ τῶν γυμνῶν παρρησίας·
[para]χαῖρε, στοργὴ πάντα πόθον νικῶσα·
180
[para]|:χαῖρε, νύμφη ἀνύμφευτε.”:|
Ξένον τόκον ἰδόντες ξενωθῶμεν τοῦ κόσμου,
[para]τὸν νοῦν εἰς οὐρανοὺς μεταθέντες·
[para]διὰ τοῦτο γὰρ ὁ ὑψηλὸς
[para]ἐπὶ γῆς ἐφάνη ταπεινὸς ἄνθρωπος,
185
βουλόμενος ἑλκύσαι πρὸς τὸ ὕψος τοὺς αὐτῷ βοῶντας·
|:“Ἀλληλούϊα.”:|
Ὅλος ἦν ἐν τοῖς κάτω καὶ τῶν ἄνω οὐδʼ ὅλως
[para]ἀπῆν ὁ ἀπερίγραπτος Λόγος·
συγκατάβασις γὰρ θεϊκή,
190
[para]οὐ μετάβασις δὲ τοπικὴ γέγονε
καὶ τόκος ἐκ παρθένου θεολήπτου ἀκουούσης ταῦτα·
“Χαῖρε, θεοῦ ἀχωρήτου χώρα·
[para]χαῖρε, σεπτοῦ μυστηρίου θύρα·
χαῖρε, τῶν ἀπίστων ἀμφίβολον ἄκουσμα·
195
[para]χαῖρε, τῶν πιστῶν ἀναμφίβολον καύχημα·
χαῖρε, ὄχημα πανάγιον τοῦ ἐπὶ τῶν Χερουβίμ·
[para]χαῖρε, οἴκημα πανάριστον τοῦ ἐπὶ τῶν Σεραφίμ·
χαῖρε, ἡ τἀναντία εἰς ταὐτὸ ἀγαγοῦσα·
[para]χαῖρε, ἡ παρθενίαν καὶ λοχείαν ζευγνῦσα·
200
χαῖρε, διʼ ἧς ἐλύθη παράβασις·
χαῖρε, διʼ ἧς ἠνοίχθη παράδεισος·
χαῖρε, ἡ κλεὶς τῆς Χριστοῦ βασιλείας·
[para]χαῖρε, ἐλπὶς ἀγαθῶν αἰωνίων·
[para]|:χαῖρε, νύμφη ἀνύμφευτε.”:|
205
Πᾶσα φύσις ἀγγέλων κατεπλάγη τὸ μέγα
[para]τῆς σῆς ἐνανθρωπήσεως ἔργον·
[para]τὸν ἀπρόσιτον γὰρ ὡς θεὸν
[para]ἐθεώρει πᾶσι προσιτὸν ἄνθρωπον,
ἡμῖν μὲν συνδιάγοντα, ἀκούοντα δὲ παρὰ πάντων·
210
|:“Ἀλληλούϊα.”:|
Ῥήτορας πολυφθόγγους ὡς ἰχθύας ἀφώνους
[para]ὁρῶμεν ἐπὶ σοί, θεοτόκε·
ἀποροῦσι γὰρ λέγειν τὸ πῶς
[para]καὶ παρθένος μένεις καὶ τεκεῖν ἴσχυσας·
215
ἡμεῖς δὲ τὸ μυστήριον θαυμάζοντες πιστῶς βοῶμεν·
“Χαῖρε, σοφίας θεοῦ δοχεῖον·
[para]χαῖρε, προνοίας αὐτοῦ ταμεῖον·
χαῖρε, φιλοσόφους ἀσόφους δεικνύουσα·
[para]χαῖρε, τεχνολόγους ἀλόγους ἐλέγχουσα·
220
χαῖρε, ὅτι ἐμωράνθησαν οἱ δεινοὶ συζητηταί·
[para]χαῖρε, ὅτι ἐμαράνθησαν οἱ τῶν μύθων ποιηταί·
χαῖρε, τῶν Ἀθηναίων τὰς πλοκὰς διασπῶσα·
[para]χαῖρε, τῶν ἁλιέων τὰς σαγήνας πληροῦσα·
χαῖρε, βυθοῦ ἀγνοίας ἐξέλκουσα·
225
χαῖρε, πολλοὺς ἐν γνώσει φωτίζουσα·
χαῖρε, ὁλκὰς τῶν θελόντων σωθῆναι·
[para]χαῖρε, λιμὴν τῶν τοῦ βίου πλωτήρων·
[para]|:χαῖρε, νύμφη ἀνύμφευτε.”:|
Σῶσαι θέλων τὸν κόσμον ὁ τῶν ὅλων κοσμήτωρ
230
[para]πρὸς τοῦτον αὐτεπάγγελτος ἦλθε·
[para]καὶ ποιμὴν ὑπάρχων ὡς θεὸς
[para]διʼ ἡμᾶς ἐφάνη καθʼ ἡμᾶς ὅμοιος·
ὁμοίῳ γὰρ τὸ ὅμοιον καλέσας ὡς θεὸς ἀκούει·
|:“Ἀλληλούϊα.”:|
235
Τεῖχος εἶ τῶν παρθένων, θεοτόκε παρθένε,
[para]καὶ πάντων τῶν εἰς σὲ προσφευγόντων·
ὁ γὰρ τοῦ οὐρανοῦ καὶ τῆς γῆς
[para]κατεσκεύασέ σε ποιητής, ἄχραντε,
οἰκήσας ἐν τῇ μήτρᾳ σου καὶ δείξας προσφωνεῖν σοι πάντας·
240
“Χαῖρε, ἡ στήλη τῆς παρθενίας·
[para]χαῖρε, ἡ πύλη τῆς σωτηρίας·
χαῖρε, ἀρχηγὲ νοητῆς ἀναπλάσεως·
[para]χαῖρε, χορηγὲ θεϊκῆς ἀγαθότητος·
χαῖρε, σὺ γὰρ ἀνεγέννησας τοὺς συλληφθέντας αἰσχρῶς·
245
[para]χαῖρε, σὺ γὰρ ἐνουθέτησας τοὺς συληθέντας τὸν νοῦν·
χαῖρε, ἡ τὸν φθορέα τῶν φρενῶν καταργοῦσα·
[para]χαῖρε, ἡ τὸν σπορέα τῆς ἁγνείας τεκοῦσα·
χαῖρε, παστὰς ἀσπόρου νυμφεύσεως·
χαῖρε, πιστοὺς κυρίῳ ἁρμόζουσα·
250
χαῖρε, καλὴ κουροτρόφε παρθένων·
[para]χαῖρε, ψυχῶν νυμφοστόλε ἁγίων·
[para]|:χαῖρε, νύμφη ἀνύμφευτε.”:|
Ὕμνος ἅπας ἡττᾶται συνεκτείνεσθαι σπεύδων
[para]τῷ πλήθει τῶν πολλῶν οἰκτιρμῶν σου·
255
[para]ἰσαρίθμους ψαλμοὺς καὶ ᾠδὰς
[para]ἂν προσφέρωμέν σοι, βασιλεῦ ἅγιε,
οὐδὲν τελοῦμεν ἄξιον, ὧν δέδωκας τοῖς σοὶ βοῶσιν·
|:“Ἀλληλούϊα.”:|
Φωτοδόχον λαμπάδα τοῖς ἐν σκότει φανεῖσαν
260
[para]ὁρῶμεν τὴν ἁγίαν παρθένον·
τὸ γὰρ ἄϋλον ἅπτουσα φῶς
[para]ὁδηγεῖ πρὸς γνῶσιν θεϊκὴν ἅπαντας,
αὐγῇ τὸν νοῦν φωτίζουσα, κραυγῇ δὲ τιμωμένη ταῦτα·
“Χαῖρε, ἀκτὶς νοητοῦ ἡλίου·
265
[para]χαῖρε, λαμπτὴρ τοῦ ἀδύτου φέγγους·
χαῖρε, ἀστραπὴ τὰς ψυχὰς καταλάμπουσα·
[para]χαῖρε, ὡς βροντὴ τοὺς ἐχθροὺς καταπλήττουσα·
χαῖρε, ὅτι τὸν πολύφωτον ἀνατέλλεις φωτισμόν·
[para]χαῖρε, ὅτι τὸν πολύρρητον ἀναβλύζεις ποταμόν·
270
χαῖρε, τῆς κολυμβήθρας ζωγραφοῦσα τὸν τύπον·
[para]χαῖρε, τῆς ἁμαρτίας ἀναιροῦσα τὸν ῥύπον·
χαῖρε, λουτὴρ ἐκπλύνων συνείδησιν·
χαῖρε, κρατὴρ κιρνῶν ἀγαλλίασιν·
χαῖρε, ὀσμὴ τῆς Χριστοῦ εὐωδίας·
275
[para]χαῖρε, ζωὴ μυστικῆς εὐωχίας·
[para]|:χαῖρε, νύμφη ἀνύμφευτε.”:|
Χάριν δοῦναι θελήσας ὀφλημάτων ἀρχαίων
[para]ὁ πάντων χρεωλύτης ἀνθρώπων,
[para]ἐπεδήμησε διʼ ἑαυτοῦ
280
πρὸς τοὺς ἀποδήμους τῆς αὑτοῦ χάριτος·
καὶ σχίσας τὸ χειρόγραφον ἀκούει παρὰ πάντων οὕτως·
|:“Ἀλληλούϊα.”:|
Ψάλλοντές σου τὸν τόκον εὐφημοῦμεν σε πάντες
[para]ὡς ἔμψυχον ναόν, θεοτόκε·
285
ἐν τῇ σῇ γὰρ οἰκήσας γαστρὶ
[para]ὁ κατέχων πάντα τῇ χειρὶ κύριος
ἡγίασεν, ἐδόξασεν, ἐδίδαξε βοᾶν σοι πάντας·
“Χαῖρε, σκηνὴ τοῦ θεοῦ καὶ Λόγου·
[para]χαῖρε, ἁγία ἁγίων μείζων·
290
χαῖρε, κιβωτὲ χρυσωθεῖσα τῷ πνεύματι·
[para]χαῖρε, θησαυρὲ τῆς ζωῆς ἀδαπάνητε·
χαῖρε, τίμιον διάδημα βασιλέων εὐσεβῶν·
[para]χαῖρε, καύχημα σεβάσμιον ἱερέων εὐλαβῶν·
χαῖρε, τῆς ἐκκλησίας ὁ ἀσάλευτος πύργος·
295
[para]χαῖρε, τῆς βασιλείας τὸ ἀπόρθητον τεῖχος·
χαῖρε, διʼ ἧς ἐγείρονται τρόπαια·
χαῖρε, διʼ ἧς ἐχθροὶ καταπίπτουσι·
χαῖρε, φωτὸς τοῦ ἐμοῦ θεραπεία·
[para]χαῖρε ψυχῆς τῆς ἐμῆς προστασία·
300
[para]|:χαῖρε, νύμφη ἀνύμφευτε.”:|
Ὦ πανύμνητε μήτηρ, ἡ τεκοῦσα τὸν πάντων
[para]ἁγίων ἁγιώτατον Λόγον,
[para]δεξαμένη τὴν νῦν προσφοράν,
[para]ἀπὸ πάσης ῥῦσαι συμφορᾶς ἅπαντας
305
καὶ τῆς μελλούσης λύτρωσαι κολάσεως τοὺς σοὶ βοῶντας·
|:“Ἀλληλούϊα.”:|
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Liddell, Scott & Jones (Perseus, CC BY-SA). Morphology: odyCy — machine parsing, corrected against the AGDT & PROIEL treebanks and Morpheus.