Library › Latin: Early Christian Writings › Jonah
The Book of Jonah is a short narrative in four chapters about a prophet who tries to flee God’s command to preach to Nineveh, the Assyrian capital. Thrown overboard in a storm, he is swallowed by a great fish, prays from its belly, and is cast up on land after three days. He then preaches; the Ninevites repent and are spared, to Jonah’s anger, and God rebukes him with the lesson of a plant that withers. Jerome translated it from the Hebrew.
Jonah is the most narrative of the Minor Prophets and a parable of God’s mercy even toward Israel’s enemies. Jesus’ saying about the sign of Jonah made the prophet’s three days in the fish a type of the Resurrection, and Jonah became one of the most frequent images in early Christian art, especially on sarcophagi in the Roman catacombs. Jerome’s commentary records a famous dispute in Africa when his rendering of the plant as ivy replaced the familiar gourd.
About this edition. The Latin text comes from the Lasciva Roma collection of additional Latin texts (edition: Jerome's 405 a.d., Latin Vulgate These files were produced following modern scholarship of the available Vulgate mss. The apocryphal books are prefixed with…), licensed CC BY-NC-SA. Every word has been analyzed with LatinCy, a neural language model for Latin — click or tap any word for its dictionary form, part of speech, and complete morphology, together with the full entry from Lewis & Short’s A Latin Dictionary.
Latin · Early Christian Writings
Jonah
Vulgate · every word parsed
1.1
et factum est uerbum Domini ad Ionam filium Amathi dicens
1.2
surge uade in Nineuen ciuitatem grandem et praedica in ea quia ascendit malitia eius coram me
1.3
et surrexit Iona ut fugeret in Tharsis a facie Domini et descendit Ioppen et inuenit nauem euntem in Tharsis et dedit naulum eius et descendit in eam ut iret cum eis in Tharsis a facie Domini
1.4
Dominus autem misit uentum magnum in mari et facta est tempestas magna in mari et nauis periclitabatur conteri
1.5
et timuerunt nautae et clamauerunt uiri ad deum suum et miserunt uasa quae erant in naui in mare ut adleuiaretur ab eis et Iona descendit ad interiora nauis et dormiebat sopore graui
1.6
et accessit ad eum gubernator et dixit ei quid tu sopore deprimeris surge inuoca Deum tuum si forte recogitet Deus de nobis et non pereamus
1.7
et dixit uir ad collegam suum uenite et mittamus sortes et sciamus quare hoc malum sit nobis et miserunt sortes et cecidit sors super Ionam
1.8
et dixerunt ad eum indica nobis cuius causa malum istud sit nobis quod est opus tuum quae terra tua et quo uel ex quo populo es tu
1.9
et dixit ad eos Hebraeus ego sum et Dominum Deum caeli ego timeo qui fecit mare et aridam
1.10
et timuerunt uiri timore magno et dixerunt ad eum quid hoc fecisti cognouerunt enim uiri quod a facie Domini fugeret quia indicauerat eis
1.11
et dixerunt ad eum quid faciemus tibi et cessabit mare a nobis quia mare ibat et intumescebat
1.12
et dixit ad eos tollite me et mittite in mare et cessabit mare a uobis scio enim ego quoniam propter me tempestas grandis haec super uos
1.13
et remigabant uiri ut reuerterentur ad aridam et non ualebant quia mare ibat et intumescebat super eos
1.14
et clamauerunt ad Dominum et dixerunt quaesumus Domine ne pereamus in anima uiri istius et ne des super nos sanguinem innocentem quia tu Domine sicut uoluisti fecisti
1.15
et tulerunt Ionam et miserunt in mare et stetit mare a feruore suo
1.16
et timuerunt uiri timore magno Dominum et immolauerunt hostias Domino et uouerunt uota
2.1
et praeparauit Dominus piscem grandem ut degluttiret Ionam et erat Iona in uentre piscis tribus diebus et tribus noctibus
2.2
et orauit Iona ad Dominum Deum suum de utero piscis
2.3
et dixit clamaui de tribulatione mea ad Dominum et exaudiuit me de uentre inferni clamaui et exaudisti uocem meam
2.4
et proiecisti me in profundum in corde maris et flumen circumdedit me omnes gurgites tui et fluctus tui super me transierunt
2.5
et ego dixi abiectus sum a conspectu oculorum tuorum uerumtamen rursus uidebo templum sanctum tuum
2.6
circumdederunt me aquae usque ad animam abyssus uallauit me pelagus operuit caput meum
2.7
ad extrema montium descendi terrae uectes concluserunt me in aeternum et subleuabis de corruptione uitam meam Domine Deus meus
2.8
cum angustiaretur in me anima mea Domini recordatus sum ut ueniat ad te oratio mea ad templum sanctum tuum
2.9
qui custodiunt uanitates frustra misericordiam suam derelinquunt
2.10
ego autem in uoce laudis immolabo tibi quaecumque uoui reddam pro salute Domino
2.11
et dixit Dominus pisci et euomuit Ionam in aridam
3.1
et factum est uerbum Domini ad Ionam secundo dicens
3.2
surge uade ad Nineuen ciuitatem magnam et praedica in ea praedicationem quam ego loquor ad te
3.3
et surrexit Iona et abiit in Nineuen iuxta uerbum Domini et Nineue erat ciuitas magna Dei itinere dierum trium
3.4
et coepit Iona introire in ciuitatem itinere diei unius et clamauit et dixit adhuc quadraginta dies et Nineue subuertetur
3.5
et crediderunt uiri nineuitae in Deo et praedicauerunt ieiunium et uestiti sunt saccis a maiore usque ad minorem
3.6
et peruenit uerbum ad regem Nineue et surrexit de solio suo et abiecit uestimentum suum a se et indutus est sacco et sedit in cinere
3.7
et clamauit et dixit in Nineue ex ore regis et principum eius dicens homines et iumenta et boues et pecora non gustent quicquam nec pascantur et aquam non bibant
3.8
et operiantur saccis homines et iumenta et clament ad Dominum in fortitudine et conuertatur uir a uia sua mala et ab iniquitate quae est in manibus eorum
3.9
quis scit si conuertatur et ignoscat Deus et reuertatur a furore irae suae et non peribimus
3.10
et uidit Deus opera eorum quia conuersi sunt a uia sua mala et misertus est Deus super malitiam quam locutus fuerat ut faceret eis et non fecit
4.1
et adflictus est Iona adflictione magna et iratus est
4.2
et orauit ad Dominum et dixit obsecro Domine numquid non hoc est uerbum meum cum adhuc essem in terra mea propter hoc praeoccupaui ut fugerem in Tharsis scio enim quia tu Deus clemens et misericors es patiens et multae miserationis et ignoscens super malitia
4.3
et nunc Domine tolle quaeso animam meam a me quia melior est mihi mors quam uita
4.4
et dixit Dominus putasne bene irasceris tu
4.5
et egressus est Iona de ciuitate et sedit contra orientem ciuitatis et fecit sibimet ibi umbraculum et sedebat subter eum in umbra donec uideret quid accideret ciuitati
4.6
et praeparauit Dominus Deus hederam et ascendit super caput Ionae ut esset umbra super caput eius et protegeret eum laborauerat enim et laetatus est Iona super hedera laetitia magna
4.7
et parauit Deus uermem ascensu diluculo in crastinum et percussit hederam et exaruit
4.8
et cum ortus fuisset sol praecepit Dominus uento calido et urenti et percussit sol super caput Ionae et aestuabat et petiuit animae suae ut moreretur et dixit melius est mihi mori quam uiuere
4.9
et dixit Dominus ad Ionam putasne bene irasceris tu super hederam et dixit bene irascor ego usque ad mortem
4.10
et dixit Dominus tu doles super hederam in qua non laborasti neque fecisti ut cresceret quae sub una nocte nata est et una nocte periit
4.11
et ego non parcam Nineue ciuitati magnae in qua sunt plus quam centum uiginti milia hominum qui nesciunt quid sit inter dexteram et sinistram suam et iumenta multa
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Lewis & Short (Perseus, CC BY-SA). Morphology: LatinCy — machine parsing, corrected against the AGDT & PROIEL treebanks and Morpheus.