Library › Latin: History › Chronicum Integrum
This is the world chronicle of Prosper of Aquitaine, the lay theologian and defender of Augustine who later worked in Rome. It runs from the creation of Adam, in two parts: the first to the death of the emperor Valens, with consular dates, and the second from Valens to the death of Valentinian III. The opening reckons the generations from Adam to Noah and the flood to establish the reckoning of time, noting that the line of Cain was not counted with God’s people. Later entries are arranged by consular years and record emperors, the bishops of Rome, Antioch and Jerusalem, and other events.
For the earlier centuries Prosper abridged the chronicle of Jerome, itself based on Eusebius; his own continuation covers the late fourth and the fifth century, including events of the Pelagian controversy and the barbarian settlements in the West. As one of the few contemporary narrative sources for the Western empire in this period, it has been much used by historians and was itself continued and excerpted by later chroniclers.
About this edition. The Latin text comes from Corpus Corporum, the Latin text repository of the University of Zurich (edition: Jacques-Paul Migne, Patrologia Latina, vol. 51, Parisiis 1846), reused with attribution for non-commercial purposes (CC BY-NC-SA). Every word has been analyzed with LatinCy, a neural language model for Latin — click or tap any word for its dictionary form, part of speech, and complete morphology, together with the full entry from Lewis & Short’s A Latin Dictionary.
Latin · History
Chronicum Integrum
Prosper of Aquitaine · Prima Pars. ab Ortu Rerum ad Mortem Valentis. Cum annotatione consulum a… · every word parsed
1
685 Adam, cum esset annorum CCXXX, genuit Seth.
Seth, cum esset annorum CCU, genuit Enos.
Enos, cum esset annorum CXC, genuit Cainan.
Cainan uero, cum esset annorum CLXU, genuit Malaleel.
5
Malaleel, habens annos LXU, genuit Iared.
Iared autem, cum esset annorum CLXII, genuit Enoch.
At Enoch, cum esset annorum CLX, genuit Mathusalem.
Mathusalem uero, cum esset annorum CCXCUII, genuit Lamech.
Lamech quoque, cum esset annorum CCXCII, genuit Noe.
10
686 Erat autem annorum D, cum genuit tres filios Sem, Cham et Iapheth.
Post annos uero centum, quando genuit Sem, factum est diluuium, cum esset annorum DC.
Ad probandam fidem temporum, hae generationes ab initio retexuntur, quibus annorum ascriptus est numerus. Nam Cain fratricidae posteritas non fuit digna cum Dei populo computari. Sed cum latius serpente peccato, maxima pars bonorum connubiis se alienigenarum mulierum miscuisset, crimen illicitae societatis diluuio meruit expiari, solo Noe iusto, cum uxore et tribus filiis, ac totidem nuribus, ad reparationem humani generis reseruato.
Fuerunt igitur ab Adam usque ad diluuium 687 generationes decem, anni MMCCXLII.
Post diluuium succedunt hae generationes.
15
Sem filius Noe cum esset annorum centum, genuit Arphaxad, anno post diluuium secundo.
Arphaxad autem, cum esset annorum CXXXU, genuit Cainan.
Et Cainan, cum esset annorum CXXX, genuit Salem.
Deinde Salem, cum esset annorum CXXX, genuit Heber.
Heber quoque, cum esset annorum CXXXIU, genuit Phalec.
20
Hoc tempore, ad perturbandam superbae turris exstructionem, diuisae sunt linguae, et per orbem terrae facta est gentium dispersio.
Phalec autem, cum esset annorum CXXX, genuit Ragau.
Ragau quoque, cum esset annorum CXXXII, genuit Seruch.
Seruch uero, cum esset annorum CXXX, genuit Nachor.
Porro Nachor, cum esset annorum LXXIX, genuit Thare.
25
Thare autem, annorum LXX, genuit Abraham, qui, cum esset annorum LXXU, diuino monetur alloquio, ut exeat de terra sua et de domo patris sui, ut transeat in terram Chanaan. Quo tempore promissio ad Abraham facta est, quod futurus esset gentium pater.
Et inueniuntur ab anno LXXU Abraham, in quo est repromissionis exordium, usque ad Moysen et egressum Hebraeae gentis ex Aegypto anni CCCCXXX.
Fiunt itaque a diluuio usque ad primum annum promissionis MCLXUI ab Adam uero anni MMMCCCXCUIII.
Abraham nonagenarius ex ancilla Agar genuerat Ismael, a quo Ismaelitae, qui postea Agareni, ad postremum Saraceni dicti.
In hoc tempore Abraham fide iustificatus, qua credidit in semine suo omnes gentes benedicendas, mandatum circumcisionis accepit: quae usque ad natiuitatem D. N. Iesu Christi, promissionis corporeum fuit signum, quod in spiritale sacramentum uerae cordis circumcisionis transiuit.
30
Abraham anno aetatis suae centesimo, repromissionis autem uicesimo quinto, genuit Isaac ex libera.
688 Isaac autem, cum esset annorum LX, genuit geminos, quorum prior Esau, qui et Edom, a quo Idumaei.
Hoc tempore apud Argos regnabat Inachus, cuius filia lo, quam Aegyptii Isidem uocitatam diuino honore coluerunt.
Sequens Iacob, qui postea Israel, a quo Israelitae, qui nunc Iudaei.
Erat autem annus repromissionis XXCUI.
35
A primo uero anno Iacob, usque ad principatum Ioseph in Aegypto, fiunt anni CXXI.
Cuius temporis anno XU, qui est promissionis C, moritur Abraham annorum CLXXU.
In haec tempora Niobe, ut Graeci perhibent, mixtus est Iupiter, exque illo concubitu natus est Apis, quem Serapin uocant.
Igitur, Abraham, Isaac et Iacob antiquiores Serapide.
Hoc tempore Messana, quae et Mamertina, condita est.
40
Iacob autem, agens annum LXXUIII, descendit in Mesopotamiam, et seruiuit apud Laban annis UII.
Iacob, cum esset annorum XCII, genuerat Ioseph; qui, cum esset annorum XUII, uenditus est a fratribus, anno patris sui Iacob CIX.
Isaac uero moritur anno aetatis suae CXXC, relinquens filium Iacob habentem annos CXX.
Hoc tempore Memphis ab Api in Aegypto condita.
Ioseph dux Aegypti annis XXC; quorum cum ageretur annus uigesimus sextus, Iacob obiit, anno aetatis suae CXLUII, prophetans de Christo et uocatione gentium.
45
Anno principatus Ioseph IX, qui erat famis annus secundus, ingressus est Iacob in Aegyptum, cum filiis suis.
Ipse autem Ioseph moritur anno aetatis suae CX. Hebraeorum in Aegypto seruitutis CLXIU.
Huius seruitutis anno XX, Atlas astrologus insignis habebatur frater Promethei.
Huius seruitutis anno LXU, qui est repromissionis annus CCCL, Aram genuit Mosen, cum esset annorum LXX.
Hoc tempore Epidaurus condita, et templum Apollinis Delphici ab Erisichthone conditum.
50
Anno seruitutis Hebraeorum LXXUII, primus in Thessalia regnauit Haemon.
Anno uero XXC, Phorbas Rhodum obtinuit.
689 Anno uero XXCII, Hercules Antaeum luctae certamine superat.
Anno XXCUII, primus Trochilus quadrigam iunxisse perhibetur.
Anno XC, Xanthus Triopus Lesbon condidit.
55
Anno C, Cecrops regnauit in Attica; sub quo in Arce oliua nata est, et ex Mineruae nomine, quae Graece Athena dicitur, Attici Athenae uocati.
Anno CXIII, Curetes et Corybantes Cnosson condiderant, qui modulatam et inter se conuenientem in armis saltationem reperiunt.
Moyses octogesimum agens aetatis suae annum, impletis ab initio promissionis CCCCXXX, dux itineris ab Aegypto Hebraeorum gentis efficitur, legem eis in eremo tradens per annos XL.
Hoc tempore Corinthus conditur, quae prius Ephyre dicta est.
Cuius temporis anno quinto, primus apud Hebraeos pontifex constitutus frater Moysis Aaron.
60
Hoc tempore Apollinis Delphici templum ab Erisichthone fabricatum.
Hucusque quinque libri Moysis continent gesta annorum MMMDCC secundum LXX Interpretes.
Mortuo Moyse, dux constituitur Iosue, qui principatum tenuit annis XXUII, et terram Palaestinorum Iudaeis sorte distribuit.
Hoc tempore apud Hebraeos pontificatum suscepit Eleazar.
Post mortem Iosue Hebraeos alienigenae octo annis subiectos habent, qui iunguntur temporibus Gothoniel, secundum Iudaeorum traditionem.
65
Hac aetate apud Hebraeos pontifex erat Phinees.
Supputantur itaque omnes anni Gothoniel XL. Fuit autem ipse ex tribu Iuda.
Post Gothoniel Hebraei alienigenis subiecti fuere annis XUIII, qui copulantur temporibus Aod, secundum Iudaeorum traditionem.
Supputantur itaque omnes anni Aod Iudicis ex tribu Ephrem octoginta.
In fine huius aetatis Amphion Thebis regnabat.
70
Debbora cum Barach annis XL, ex quibus sunt anni XXX quibus post obitum Aod Hebraeos 690 alienigenae habuere subiectos. Fuit autem Debbora ex tribu Ephrem, Barach uero ex tribu Nephtalim
Huius aetatis anno XUII, Ilium ab Ilo conditum.
Gedeon ex tribu Manasse annis XL, in quibus sunt anni UII quibus Hebraeos alienigenae habuere subiectos, iuxta Hebraeorum traditionem.
Hoc tempore Tyrus condita. Argonautae his temporibus fuere. Cyzicus hoc tempore condita. Orpheus Thrax clarus habebatur.
Abimelech filius Gedeonis annis tribus.
75
Haec et Herculis tempora.
Tholam annis XXUI [ Uel XXII, ex alio codice ].
Huic aetati ascribitur bellum Lapitharum et Centaurorum. Priamus post Laomedontem regnat. Medea Colchis, mors Androgei, et Minotauri fabula hoc tempus habuerunt.
Iair ex tribu Manasse annis XXII.
Hac aetate regnabant Agamemno Mycenis, Menelaus Lacedaemone.
80
Horum annorum sexto Carthaginem Tyrii condiderunt.
Haec aetas habuit Atreum Argis regnantem, eadem Phaedram et Hippolytum.
Iephte annis UI, Esbon annis UII.
Hoc tempus fuit raptus Helenae. Bellum Troianum.
Labdon XUIII [ Alias UIII]. Cuius principatus anno tertio Troia capta. Eiusdemque Labdon anno octauo, Latinis regnat Aeneas annis tribus.
85
Samson annis XX.
Cuius anno tertio Ascanius, Aeneae filius Albam condidit.
Ascanius regnat Latinis annis XXXUII, seu XXXUIII.
Post quem Syluius Aeneae posthumus filius annis XXUII [ Alias XXIX]. A quo Albanorum reges Syluii appellati.
Heli sacerdos annis XL.
90
Mortuo Heli sacerdote, arca Testamenti ab alienigenis possidetur.
Samuel et Saul annis XL.
Primus rex Hebraeorum Saul ex tribu Beniamin, cuius regni anno nono, Latinis regnat Aeneas Syluius annis XXXI.
Post quem regnat Latinus Syluius annis quinquaginta.
691 Ab initio principatus Moysis, usque ad ortum regni Dauid anni CCCCXXXIX.
95
Dauid ex tribu Iuda primus regnauit annis XL. Quo tempore Abiathar pontifex clarus habebatur: prophetabant autem Gad, Nathan, et Asaph.
Salomon filius Dauid, annis XL, qui templum Ierosolymis aedificare coepit, consummauitque annis octo. Quo tempore Sadoc Hebraeorum sacerdos clarus habebatur.
Anno regni Salomonis XL, Latinis regnare incipit Sextus Albanus Syluius, annis XXXUIII.
Roboam annis XUII.
Post mortem Salomonis regnum Hebraeorum seditione diuisum est, uocabanturque qui in Samaria erant, Israel, quibus primus regnauit Ieroboam.
100
Roboam filius Salomonis regnauit in Ierusalem, duabus tribubus sibi subiectis, quae uocabantur Iuda, ab rege Iudaeorum ex stirpe Iudae.
Hoc tempore apud Latinos Aegyptus Syluius septimus regnat annis XXIII.
Septimo autem regni Ieroboae, Susachin rex Aegypti contra Iudaeos dimicans templum exspoliat.
Abia annis tribus, Hebraeorum pontifex Abimelech illustris habebatur: prophetabant autem Achias, Sameas, Iemoded, Azarias; qui et Addo, et Anani.
Asa iustus annis XLI.
105
Iosaphat iustus annis XXU. Prophetabant apud Hebraeos Abdias, Ienozias, et Micheas.
Huius regni anno XII, apud Latinos Capys Syluius regnat annis septem. Deinde IX. Compartus Syluius annis quinque,
Ioram annis octo: quo tempore prophetabant Elias et Eliseus.
Osias anno uno. Ionadab filius Rechab clarus habebatur.
Gotholia mater annis septem.
110
Hoc tempore in Graecia Homerus poeta clarus fuit.
Ioas annis XL. His temporibus apud Hebraeos Ioiada insignis pontifex erat, qui solus post Moysen uixit annis CXXX. Hoc tempore Azarias propheta occiditur: Zacharias 692 quoque propheta a rege Ioas interficitur.
Latinis XII, Aremulus Syluius annis XIX. Post quem Auentinus Syluius regnauitannis XXXUII, a quo mons Auentinus. Post quem, XIU, Procas Syluius, annis XXUI. Post quem, XU, Amulius Syluius annis XLIII.
Amasias annis XXIX.
Azarias, qui et Osias, annis LII.
115
Huius regni sextus agebatur annus, cum reges Assyriorum defecerunt, imperio in Medos translato.
Apud Hebraeos autem prophetabant Osee, Amos, Isaias, Ionas, cum esset annus Osiae uicesimus primus.
Quadragesimo uero et nono eiusdem anno constituitur Olympias prima: Eliis agentibus quinquennale certamen, quatuor mediis annis uacantibus. Et hoc certaminis tempus Olympiadem uocauerunt auctore Iphito.
Ioathan annis XUI. Prophetabant Osee, Amos, Isaias et Ioel, qui et Iobeth.
Achaz annis XUI.
120
Huius regni anno quinto Romulus, Roma condita, regnare orsus est.
Eiusdem autem regni Achaz anno XI decem tribus gentis Hebraeae, quae uocabantur Israel, et erant in parte Samariae, uictae a Sennacherim, qui et Salmanazar, rege Chaldaeorum, translataeque sunt in montes Medorum, cum regnatum esset in Samaria annis CCL. Sennacherim autem ad custodiendam regionem Iudaeae accolas misit Assyrios, qui aemulatores Iudaeorum legis facti, Samaritae nuncupati sunt, quod Latina lingua exprimitur, custodes.
Ezechias annis XXIX, sub quo apud Hebraeos prophetabant Isaias et Osee.
Romulus primos milites sumpsit ex populo, et nobiles centum senes, quos ob aetatem senatores, ob curam patres appellauit.
Eodem tempore Syracusae et Catana in Sicilia conditae.
125
Manasses annis LU.
Cuius regni initio apud Romanos regnabat Numa Pompilius, annis XLI, cum post Romulum regnasset senatus annum unum.
Ammon, annis XII.
Huius regni initio Tullus Hostilius Romae 693 septimum decimum imperii sui gerebat annum, regnauitque annis XXXII.
Iosias annis XXXII, quo regnante Hebraeorum pontifex maximus Chelcias insignis habebatur: et prophetabant eadem tempestate, Ieremias, et Sophonias, et Olda mulier.
130
Apud Romanos autem regnabat Ancus, qui Ostiam condidit ciuitatem, regnauitque annis XXIII. Post quem regnat Tarquinius Priscus annis XXXUII.
Iosias rex Iudaeorum, cum Nechaone Aegyptiorum rege congressus occiditur.
Thales Milesius primus physicus philosophus agnoscitur.
Anno XXI regni Tarquinii Prisci, Massilia condita.
Ioachaz mensibus tribus.
135
Ioachim, qui Eliachim, annis XI. Anno III Ioachim Nabuchodonosor rex Babyloniae Iudaeam capit, et in ditionem suam redactis plurimis Iudaeorum, cum iam partem uasorum templi inuasisset, et Ioachim tributarium fecisset, uictor ad patriam rediit.
Ioatham seu Ioachim, qui et Iechonias, menses tres.
In Babylone Ananias, Daniel, Azarias, Misael clari habebantur.
Hunc rex Babylonius captum secum pertrahit secundo ueniens ad Iudaeam.
Sedecias annis XI.
140
Nabuchodonosor rex Chaldaeorum, Ierosolymis captis, templum incendit, quod ab initio aedificationis suae permanserat annos CCCXLII [ Alias CCCLII].
Captiuitatis Iudaeorum anni LXX, qui supputantur usque in secundum annum Darii.
Apud Romanos post Tarquinium Priscum, regnat Seruius annis XXXIU. Cui successit Tarquinius Superbus, qui regnauit annis XXXU. Huius regni anno XXU, prophetabant apud Hebraeos Aggeus, et Zacharias, et Malachias, Pontifice Iesu filio Iosedech.
Hoc tempore Pythagoras philosophus clarus habebatur.
A Dauid usque ad LXX annos captiuitatis Iudaeorum, supputantur anni DLU.
145
A septuagesimo anno captiuitatis Iudaeorum, supputantur Darii regis Persarum anni XXXIII.
Cuius regni anno decimo apud Romanos regii dominatus finis est factus: quae potestas apud eos mansit annis CCXL. Hinc apud Romanos a Bruto consules esse coeperunt, dein Tribuni plebis ac dictatores, et rursum consules rempublicam obtinuerunt, per annos CCCCLXIU, seu CCCCXLIU, usque ad Iulium Caesarem.
Xerxes regnat annis XX, filius Darii, quo tempore Sophocles et Euripides clari habebantur. 694 Herodotum quoque historiarum scriptorem eadem aetas habuit.
Post Xerxem Artabanus regnauit mensibus septem.
Artaxerxes annis XL.
150
Hoc regnante Esdras sacerdos apud Hebraeos insignis habebatur, cuius aetate pontifex maximus fuit Eliachim, alias Eliasib, filius Ioachin, filii Iesu, filii Iosedech.
Empedocles et Parmenides, Zeno, et Heraclitus philosophi claruerunt. Tunc etiam Poricides historicus, Cratinus comicus, Aristarchus tragicus exstiterunt.
Uicesimo regni Artaxerxis, Nehemias Hebraeus minister regis, concedente domino suo, de Babylone uenit in Iudaeam, et XXXII anno muros urbemque restituit. Si quis autem LXX hebdomadas a Daniele scriptas ab hoc tempore numerat, quae faciunt annos CCCCXC, reperiet eas in regno Neronis expletas, sub quo obsideri Ierusalem coepta, secundo postea Uespasiani anno capitur.
His temporibus Hippocrates medicus et Socrates philosophus illustres fuerunt.
Xerxes menses duos. Plato nascitur.
155
Socdianus menses UII, in his supputatur annus unus.
Darius cognomento Nothus annis XIX, alias XUIII.
Dionysius in Sicilia tyrannidem exercet.
Romani per legatos iura ab Atheniensibus petierunt, ex quibus XII Tabulae conscriptae.
Artaxerxes Mnemon, Darii et Parysatidis filius, annis XL.
160
Huius regni anno XU Galli Senones Romam, excepto Capitolio, occupauerunt.
Aristoteles XUIII aetatis suae anno Platonis auditor est.
Artaxerxes, qui et Ochus, annis XXUI.
Cuius regni initio Camillus Gallos, qui Romanis bellum intulerant, superauit.
Eodem tempore Alexander Philippi filius nascitur.
165
Demosthenem quoque oratorem eadem aetas clarum habuit.
Arses Ochi filius annis quatuor.
Hoc tempore descriptione facta Romae, inuenta sunt ciuium CLX millia.
Apud Iudaeos Iaddus pontifex maximus clarus habebatur.
Darius Arsami filius annis sex.
170
Quo tempore apud Romanos consul Manlius Torquatus filium suum, quod contra imperium in hostes pugnauerat, uirgis caesum securi percussit.
Hac tempestate Alexander Philippi filius regnare orsus. sexto imperii sui anno regnum Persarum subuertit, et in Aegypto urbem Alexandriam condidit.
695 Appius Claudius caecus apud Romanos clarus habetur, qui Claudiam aquam duxit, et uiam Appiam strauit.
Romani Samnitas subiugant.
ALEXANDER, post finem regni Persarum, regnauit annis septem, qui XXXII aetatis suae anno apud Babylonem moritur.
175
Regnum Alexandrinorum nascitur, quo potitus est Ptolemaeus Lagi filius annis XL. Hic regni sui anno quarto, Ierosolymis et Iudaea in ditionem suam redactis, plurimos captiuorum in Aegyptum transtulit. Tunc Iudaeorum pontifex Onias Iaddi filius clarus habebatur.
Machabaeorum autem Hebraea historia hinc Graecorum supputat regnum. Uerum hi libri ab Hebraeis inter diuinas Scripturas non recipiuntur.
Romani Marsos, et Hernicos, et Pelignos superant.
His annis Seleucus Antiochiam, Laodiciam, Apamiam, Edessam, Beroeam, et Pellam urbes condidit, in quibus Iudaeis, quos transtulerat, ius ciuium dedit. Seleucus Babylonem obtinuit.
XXU anno regni Ptolemaei, Iudaeorum pontifex maximus Simon Oniae filius insignis erat.
180
Romae uero censu agitato, inuenta sunt ciuium millia CCLXX.
Pontificatum apud Iudaeos suscepit Eleazar frater. Simonis, cuius filius Onias, ob aetatem pueritiae, non potuerat patri succedere.
Eo tempore a Romanis Beneuentum et Ariminus conditae.
Ptolemaeus, qui et Philadelphus, annis XXXUIII. Hic Iudaeos qui in Aegypto erant liberos esse permisit, et uasa Eleazaro pontifici Ierosolymorum uotiua transmittens, diuinas Scripturas in Graecum sermonem ex Hebraea lingua per LXX Interpretes transferri curauit, quas in Alexandrina Bibliotheca habuit, quam sibi ex omni genere litterarum comparauerat.
Argenteus nummus primum in Urbe figuratus, regni huius anno XIII. Huius regni autem XXIU, Romani Carthaginenses nauali certamine superant, et centum Libyae urbes capiunt.
185
Iudaeorum pontificatum post Eleazarum auunculus eius Manasses accepit: post quem Onias pontifex Simonis iusti filius clarus habebatur, qui consueta Ptolemaeo tributa non reddens, ad iram eum commouit. Uerum Iosephus uir inter suos nobilis, legatus a Iudaeis ad 696 Ptolemaeum missus, cum familiaritatem regis ob plurima in eum meruisset obsequia, dux Iudaeae et finitimarum regionum constituitur.
Parthis ab imperio Macedonum recedentibus, primo regnauit Arsaces, unde Arsacidae dicti.
Ptolemaeus Euergetes annis XXUI.
Huius temporis Iudaeorum pontifex Simon Oniae filius clarus habebatur: sub quo Iesus filius Sirach Sapientiae librum composuit, quem Panareton uocant.
Ennius poeta Tarenti nascitur.
190
Rhodo terrae motu concussa, Colossus ruit.
A Romanis XL fere millia Gallorum caesa.
Ptolemaeus Philopator annis XUII. Iudaei uicti et XL millia armatorum ex numero eorum caesa.
Romani uero Capuam et Siciliam subiugant.
Antiochus rex Syriae, uicto Philopatore, per Ptolemaeum, Iudaeam sibi sumit.
195
Ptolemaeus Epiphanes annis XXIU. Hic Scopa principe militiae destinato, Iudaeam capit, et plurimas Syriae ciuitates. Secundus liber Machabaeorum huius temporis gesta continet.
Hac tempestate, cum ab Antiocho per legatos Hannibalem Romani reposcerent, cui se uictus a Scipione sociauerat, idem Hannibal ad Prusiam regem Bithyniae transfugit: et cum etiam ab eo per Flaminium reposceretur, tradendusque esset, uenenum bibit, et apud Libyssam Bithyniae sepultus est.
Caecilius poeta comicus.
Ptolemaeus Philometor annis XXU, seu XXXU. Huius anno quarto Hyrcanus Iosephi ducis Iudaeae filius, cum ad Ptolemaeum perrexisset, honorifice ab eo susceptus est. Uerum fratres eius seditione contra eum mota, magnarum calamitatum Iudaeae genti causa exstiterunt.
Aristobolus, natione Iudaeus, Peripateticus philosophus claruit, qui ad Philometorem Ptolemaeum explanationum in Moysen Commentarios scripsit.
200
Eodem tempore Antiochus Epiphanes, cum de regione Ptolemaeorum, quam subito inuaserat, territus senatus Romani imperio recessisset, Iudaeam uenit, ibique Iesu et Iasoni fratri Oniae pontificatum tradidit. Quo deinde expulso, Oniam cognomento Menelaum successorem ei dedit. Itaque ob sacerdotii dignitatem orta seditione inter principes, ingentium miseriarum semina pullulauerunt.
697 Samaritae et Iudaei Alexandriae, Ptolemaeo iudicante, contendunt de honoribus ex utraque parte templo suo deferendis, et superant Iudaei.
Uicesimo autem eiusdem regni anno, Iudae Machabaeo, post Alcimi inimici eius interitum, sacerdotium et principatus, omnium Iudaeorum fauore decernitur. Qui dignitate suscepta, legatos Romam misit, et obtinuit decreto senatus, ut Iudaei amici et auxiliatores Romanorum haberentur. Idem Iudas duces Antiochi, qui legem Iudaeorum multa profanitate impugnauerat, de Iudaea expulit, et templum ab idolorum imaginibus emundans, patrias religiones post triennium ciuibus suis reddidit.
Ennius poeta moritur, sepeliturque in monimento Scipionum, uia Appia.
Iudas Machabaeus triennio pontificatu gesto dimicans aduersus Demetrii duces occiditur.
205
Terentius Carthaginensis comoediarum scriptor moritur.
Pacuuius Tragicus clarus habetur, Ennii poetae ex filia nepos, uixitque Romae quoad picturam exercuit, ac fabulas, uenditauit: deinde Tarentum transgressus, prope nonagenarius diem obiit.
Romae descriptione facta, inuenta sunt ciuium CCCXXXII millia, quo tempore Carthago in ditionem Romanam per Scipionem redigitur.
Ptolemaeus Euergetes annis XXIX.
Ionathas pontifex Iudaeorum a Triphone occiditur, et in sacerdotium Simon Ionathae frater assumitur: cui interfecto succedit filius eius Ioannes, qui contra Hyrcanos bellum gerens, Hyrcani nomen accepit, et a Romanis decreto senatus inter amicos relatus est. Idem Samariam obsidione captam solo aequauit, quam postea Herodes instaurans, Sebasten in honorem Augusti uocari uoluit.
210
Attalus moriens populum Romanum reliquit haeredem.
Ptolemaeus Physcon, qui et Soter, annis XXUII [ Alias XUII].
Huius regni anno octauo Cicero Arpini nascitur, matre Heluia, patre equestris ordinis, ex regio Uolscorum genere.
Triennio post, Cn. Pompeius Magnus oritur.
Septimo decimo autem huius regni anno, C. Marius U consul iuxta Rhodanum Cimbros superat, quorum ducentis millibus caesis, LXXX capit, et de his cum Catulo triumphat.
215
Iugurtha contra Romanos dimicans capitur. In Sicilia rursus bellum seruile consurgit. Thraces a Romanis uicti.
Aristobulus filius Ionathae (Ioannis) rex pariter et pontifex, primus apud Iudaeos 698 diadematis sumpsit insigne. Post quem regnauit Iannaeus, cognomento Alexander, qui pontificatum quoque administrans crudelissime ciuibus praefuit.
Ptolemaeus, qui et Alexander, annis UIII.
Syriae regnabat Philippus, quem dux Romanus Gabinius cepit, cum iam ante eum Antiochus in Parthos fugiens Pompeio se deinceps tradidisset. Ita Syria in Romanam ditionem transiuit.
I. Pomponius Bononiensis Attellanarum scriptor clarus habebatur.
220
T. Lucrecius poeta hoc tempore exstitit, qui amatorio poculo in furorem uersus, propria manu se interficit.
Plotius Gallus primus Romae Latinam rhetoricam docuit.
Ptolemaeus Cleopatrae filius annis UIII.
Sallustius Historiarum scriptor in Sabinis Amiterni nascitur.
Descriptione Romae facta, inuenta sunt hominum CCCCLXIII millia.
225
P. Terentius Uarro, uico Atace in Prouincia Narbonensi nascitur, qui XXXU annum agens Graecas litteras didicit.
Ptolemaeus Dionysius annis XXX.
Ab huius regni anno sexto Alexandra, quae et Selina, uxor Alexandri, Ierosolymis per nouem regnauit annos: ex cuius aetate Iudaeos rerum confusio et uariae clades oppressere. Ac mox per Cn. Pompeium Ierosolymis captis, temploque usque ad sanctorum sancta reserato, Iudaei uectigales Romanorum facti, Hyrcano apud eos pontifice constituto, et Antipatro Herodis Ascalonitae filio procuratore Palaestinae facto.
M. Porcius Cato stoicus philosophus agnoscitur.
Quae de Catilina Sallustius scribit hoc gesta sunt tempore.
230
Decimo autem Ptolemaei regnantis anno, Uirgilius Maro in pago, qui Andes dicitur, iuxta Mantuam nascitur, Pompeio et Crasso consulibus.
Et post septem annos Horatius Flaccus poeta satiricus et lyricus Libertino patre Uenusii nascitur.
Crassus consul cum filio apud Carras capitur.
Pompeius imperator appellatus, Lusitaniam et quasdam insulas in Oceano capit.
Cleopatra annis XXII, ex quibus duo tantum supputandi, quia Romanis continua nascuntur imperia: quorum deinceps tempora numeranda sunt a C. Iulio Caesare, qui primus apud Romanos singulare obtinuit imperium, a quo Romanorum principes appellati Caesares.
235
Caesar Rhenum transiens, Germanos uastat, Gallos subigit.
699 Principium belli ciuilis inter Caesarem et Pompeium.
Ex hoc loco continua Romanorum annotantur imperia, et regnat apud eos primus omnium C. Iulius Caesar.
C
IULIUS CAESAR primus annos IU, menses sex.
C·2
Pompeius uictus et fugiens, a spadonibus Alexandrini regis occiditur.
C·3
Decretum senatus et Atheniensium ad Iudaeos mittitur, qui per legatos amicitiam postularant.
C·4
Cleopatra regio comitatu Urbem ingressa.
C·5
Antonius decernit Quintilem mensem Iulium debere dici, quia in eo natus fuisset Iulius.
C·6
Cassius, Iudaea capta, templum spoliat.
C·7
Idibus Martiis C. Iulius Caesar in curia occiditur.
C·8
CAESAR AUGUSTUS, qui et Octauianus, annis LUI a quo reges Romanorum Augusti appellati.
C·9
Ouidius Naso in Pelignis nascitur.
C·10
Cicero in Formiano suo ab Herennio et Popilio occiditur.
C·11
Antonius aduersus Augustum bellum mouet.
C·12
E Taberna meritoria trans Tiberim oleum terra erupit, fluxitque toto die sine intermissione, significans Christi gratiam ex gentibus.
C·13
Antiochus superatus ab Augusto, in amicitiam eius, interueniente senatu, redit.
C·14
Herodes Antipatri Ascalonitae et matris Cypridis Arabicae filius a Romanis Iudaeorum accipit principatum. Cuius tempore Christi natiuitate uicina, regnum et sacerdotium Iudaeae, quod prius per successiones minorum tenebatur, destructum est, completa prophetia, quae per Moysen ita loquitur: Non deficiet princeps ex Iuda, neque rex de femoribus eius, donec ueniat semen, cui repositum est, et ipse erit exspectatio gentium . In hoc etiam loco Christus, quem Daniel scribit, accepit finem. Nam usque ad Herodem christi, id est, sacerdotes erant reges Iudaeorum, qui imperare coeperunt a LXU olympiade, et ab instauratione templi sub Dario usque ad Hyrcanum, et ad CLXXXUI olympiadem, annis CCCCLXXXIU in medio transactis, quos Daniel quoque significauit dicens: Et scies et intelliges, ab initio sermonis respondendi et aedificandi Ierusalem, usque ad Christi principatum hebdomades septem, et hebdomades LXII . Quae hebdomades LXIX in quibus christi, id est, sacerdotes per unctionem consecrati, regnauerunt, faciunt annos CCCCLXXXIII, usque ad Hyrcanum. Quo extremo omnium a Parthis capto, Herodes Antipatri filius nihil ad se pertinentem Iudaeam ab Augusto et senatu 700 accepit, filiique eius post eum regnauerunt, usque ad nouissimam Ierosolymorum captiuitatem, nequaquam ex successione sacerdotalis generis pontificibus constitutis, neque perpetuitate uitae, secundum legem Moysis, seruientibus Deo. Ignobiles uero quidam, et alio tempore alii, et nonnulli unius anni, siue modico amplius, a Romanis imperatoribus sacerdotium emebant. Quae omnia etiam propheta Daniel uaticinatur ita dicens: Et post hebdomadas septem et sexaginta duas, interibit chrisma, et iudicium non erit in eo, et templum et sanctum corrumpet populus duce ueniente; et caedentur in cataclysmo belli . Et in consequentibus: Super templum, inquit, abominatio desolationum, et usque ad consummationem temporis consummatio dabitur super desolationem .
C·15
Sallustius diem obiit quadriennio ante bellum Actiacum.
C·16
Uinium Maximum quaestorem designatum agnouit dominus suus, et abduxit.
C·17
Lunae secundum Romanos cursus inuenitur.
C·18
Cleopatra et Antonius semet interficiunt, et Aegyptus fit Romana prouincia.
C·19
Caesar Augustus appellatur, a quo Sextilis mensis Augusti nomen accepit.
C·20
Augustus cum monarchia offerretur recusauit.
C·21
Augustus Calabriam (Cantabriam) et Gallos (Gallaecos) uectigales facit.
C·22
Tiberius ab Augusto missus occupauit Armeniam.
C·23
Cantabri res nouas molientes opprimuntur.
C·24
Augustus Caium Agrippam adoptat in filium.
C·25
Tiberius Uindelicos et confines Raetiarum Romanas prouincias facit.
C·26
XUII anno imperii Augusti censu Romae agitato, inuenta sunt ciuium Romanorum XLI centena et septuaginta quatuor millia.
C·27
XXIU Augusti imperii anno, Tiberius de captis Pannoniis triumphauit.
C·28
Eiusdem imperii anno XXU, Uirgilius Brundusii moritur, et Neapoli secundo a ciuitate milliario sepelitur.
C·29
Herodes Samariam, olim iam in cineribus sedentem, a fundamentis suscitans, in honorem Augusti, Augustam, id est, Sebasten, appellauit, et in Paneade, id quod Panion uocatur exstruxit. Idem Caesaream in nomine Caesaris condidit, quae prius Turris Stratonis uocabatur. Idem Hyrcanum, qui olim sacerdos Iudaeorum fuerat, de captiuitate Parthica regressum, et filium eius, qui sacerdotio patris successerat, interficit: sororemque eius uxorem suam, cum duobus filiis propriis iam adolescentulis, et matrem uxoris occisae socrum suam crudelissime necat. 701 Uirum etiam sororis suae Salomae interfecit; et cum eam alii tradidisset uxorem, etiam ipsum perimit: scribas quoque et interpretes diuinae legis simili scelere occidit.
C·30
Augustus Iuliam filiam suam in adulterio deprehensam damnat exsilio: Tiberium et Agrippam in filios adoptauit.
C·31
Iudas Galilaeus ad rebellandam Iudaeos cohortatur.
C·32
XLIU imperii Augusti anno, Quirinus ex consilio senatus ad Iudaeam missus, census hominum possessionesque describit.
C·33
Eodem anno IESUS CHRISTUS Filius Dei in Bethleem Iudae nascitur.
C·34
Colliguntur autem omnes anni ab Abraham exordio, usque ad natiuitatem Christi ex Maria, duo millia XUIII seu XU.
C·35
Herodes cum Christi natiuitatem Magonem indicio cognouisset, uniuersos in Bethleem paruulos iussit interfici: ipse autem biennio post morbo intercutis aquae, et scatentibus toto corpore uermibus, misere, sed digne moritur.
C·36
In Herodis locum Archelaus ab Augusto constituitur (et tetrarchae fiunt fratres eius Herodes, Antipater, Lysias et Philippus) annis IX.
C·37
Tiberius Caesar Dalmatas Sarmatasque redigit in Romanam potestatem.
C·38
Athenienses res nouas contra Romanos molientes opprimuntur.
C·39
Augustus cum Tiberio filio suo LIII imperii sui anno censum Romae agitans, inuenit hominum nonagies et ter centena et LXX millia.
C·40
Messala Coruinus Orator ante biennium quam moreretur, ita memoriam perdidit, ut uix pauca uerba coniungeret.
C·41
Archelaus in Uiennam urbem Galliae relegatur, anno regni sui IX. Post quem Herodes tetrarches fuit annis XXIU.
C·42
Tiberius Drusum consortem regni facit.
C·43
TIBERIUS, III, annis XXIII. Cuius imperii anno U tredecim urbes terrae motu corruerunt.
C·44
Eiusdem imperii anno XIU Pilatus procurator Iudaeae mittitur.
C·45
Herodes Tiberiadem et Liuiadem condidit.
C·46
Tiberius multos reges ad se per blanditias euocatos, numquam remisit, regnaque eorum in prouincias uertit.
C·47
Ioannes filius Zachariae in deserto iuxta Iordanem fluuium praedicans Iudaeis, Christum Filium Dei in medio eorum adesse testatur.
C·48
Ipse quoque Dominus IESUS CHRISTUS 702 hinc in populos salutarem uiam annuntiat, signis atque uirtutibus uera comprobans esse quae diceret.
C·49
Drusus Caesar ueneno periit.
C·50
Iosephus circa haec tempora die Pentecostes sacerdotes Iudaeorum primum commotiones locorum templi, et quosdam sonitus sensisse testatur: deinde ex adyto erupisse uocem dicentium: Transmigremus ex his sedibus.
C·51
Scribit idem Iosephus, quod eodem anno Pilatus praeses secreto noctis imagines Caesaris in templo statuerit.
C·52
Computantur itaque in annum XU Tiberii Caesaris, ab instauratione templi, quae facta est sub altero anno Darii regis Persarum, anni DXLUIII; a Salomone autem et prima aedificatione templi, anni computati sunt MLX; a Moyse et egressu Israelis ex Aegypto, anni MDXUI [Alias XXXUIII]; ab anno repromissionis primo, anni MDLXXII; ab anno quo natus est Abraham, anni MMXLUII; a diluuio autem usque ad primum annum Abrahae, anni nongenti XLII Eusebius uir disertissimus annumerauit. Ab Adam uero usque ad diluuium, anni duo millia CCXLII. Sunt ergo omnes anni ab Adam, usque in annum XU Tiberii Caesaris, anni MMMMMCCCLX aut CCXXUIII. Anni uero secundum Geneseos scripturam et Africani historici supputationem amplius inueniuntur CXXIX.
C·53
Quidam putant Dominum nostrum Iesum Christum XU anno regni Tiberii Caesaris, id est, duobus Geminis consulibus crucifixum, quo anno, secundum indubitabilem Lucae Euangelistae auctoritatem, baptizatum eum esse manifestum est, et Euangelium regni coelorum praedicare coepisse. Secundum uero Ioannis Euangelium, festiuitati Paschae Iudaeorum ter Dominum interfuisse cognoscimus: ut appareat tertium fuisse illud Pascha, quod uerus Agnus suo sanguine consecrauit.
C·54
Proinde consules quidem a Manifestatione Domini, id est, a RUFINO GEMINO et RUBELLIO GEMINO consulibus inchoamus: sed tertios ab iis consules Dominicae Passioni ascribimus, sequentes quod auctoritas tradidit et ratio.
C·55
INCIPIT ANNOTATIO CONSULUM, CUM HISTORIA.
C·56
RUFINO GEMINO, ET RUBELLIO GEMINO COSS.
C·57
UINICIO ET LONGINO.
C·58
SULPICIO ET SULLA.
C·59
703 Ecclesiae Ierosolymorum primus episcopus ordinatus est Iacobus, qui habitus est frater Domini.
C·60
PRISCO ET UITELLIO.
C·61
GALLO ET NONIANO.
C·62
GALLIENO ET PLAUTIANO.
C·63
Pilatus sacrum thesaurum, quem Corban Iudaei uocant, in aquaeductum Ierosolymorum expendens, secundae seditionis praebuit semina. Ab hoc tempore innumerae calamitates Iudaeorum gentem oppresserunt.
C·64
PROCULO ET NIGRINO.
C·65
IULIANO ET ASPRENATE.
C·66
PUBLICOLA ET NERUA.
C·67
Pilato de Christianorum dogmate ad Tiberium referente, Tiberius retulit ad senatum, ut inter caetera sacra reciperetur. Uerum cum ex consulto Patrum, Christianos eliminari Urbe placuisset, Tiberius per edictum accusatoribus comminatus est mortem.
C·68
CAESARE ET IULIANO.
C·69
Tiberius in Campania moritur.
C·70
CAIUS CAESAR CALIGULA, IU, regnauit annis tribus, mensibus decem.
C·71
CAESARE II ET SATURNINO.
C·72
SATURNINO II ET UENUSTO.
C·73
TIBERIO ET GALLO.
C·74
Hoc tempore Pontius Pilatus in multas incidens calamitates, propria se manu interfecit.
C·75
Caligula cum se in deos retulisset, Petronio praefecto Syriae praecepit, ut Ierosolymis statuam suam, sub nomine Iouis Optimi Maximi poneret: sed etiam per totum orbem Romani imperii, in Iudaeorum Synagogis statuae, et imagines, et arae C. Caesaris consecrabantur.
C·76
CRISPINO ET TAURO.
C·77
Plurimi nobilium a Caio interfecti.
C·78
Caius a protectoribus suis in palatio occiditur.
C·79
CLAUDIUS, U, regnauit annis XIII, mensibus UIII, diebus XXUIII. Ipse est Claudius patruus Drusi, qui apud Moguntiacum monimentum habet.
C·80
UINICIO ET CORNELIO.
C·81
ASIATICO ET SILANO.
C·82
PETRUS apostolus, cum primum Antiochenam Ecclesiam fundasset, Romam proficiscitur, ubi Euangelium praedicans XXU annis eiusdem urbis episcopus perseuerat.
C·83
TIBERIO II ET UITELLIO.
C·84
Marcus euangelista interpres Petri Aegypto et Alexandriae Christum annuntiat.
C·85
Initium cycli primi.
C·86
UITELLIO II ET PUBLICOLA.
C·87
Primus Antiochiae ordinatus episcopus Euodius.
C·88
UERINO ET GALLO.
C·89
UETERE ET NERUILIANO.
C·90
Censu Romae acto, inuenta sunt ciuium LXUIII centena et LXIU seu XLIU millia.
C·91
704 Paschalis cycli ratio ab his consulibus incoepit, per annos XXCIU, et ad eamdem legem reuertens.
C·92
CLAUDIO ET ORPHITO.
C·93
Sub procuratore Iudaeae Cumano in diebus Azymorum, tanta est Ierosolymis orta seditio, ut in portarum exitu populo corruente, XXXIU millia Iudaeorum perierint.
C·94
Prophetia Agabi, qui in Actis Apostolorum famem in toto orbe futuram dixerat, sub Claudio expletur.
C·95
Thracia huc usque regnata, in prouinciam redigitur.
C·96
SILANO ET SILIO.
C·97
TIBERIO III ET ANTONINO.
C·98
SILANO ET OTHONE.
C·99
Paulus apostolus apud Felicem procuratorem Iudaeae in defensionem sui perorat.
C·100
SILANO II ET ANTONINO.
C·101
MARCELLINO ET AUIOLA.
C·102
Sub Felice procuratore Iudaeae exstiterunt multi qui populum sua persuasione deciperent. Inter quos et Aegyptius quidam pseudopropheta fuit, qui plurimos sibi associans, in ipso magnarum rerum conatu per exercitum Felicis opprimitur, secundum quod in Actibus Apostolorum Paulo dicitur: Nonne tu es Aegyptius, qui ante hos dies concitasti et eduxisti in desertum quatuor millia uirorum?
C·103
NERONE ET UETERE.
C·104
NERONE II ET PISONE.
C·105
Claudius moritur in Palatio, anno aetatis suae LXIU.
C·106
NERO, UI, regnat annis XIII, mensibus UII, et diebus XXUIII aut XXX. Huius auunculus fuit C. Caligula.
C·107
NERONE III ET MESSALA.
C·108
NERONE IU ET CORNELIO.
C·109
Festus succedit Felici, apud quem, praesente Agrippa rege, Paulus apostolus religionis suae rationem redditurus, uinctus Romam mittitur.
C·110
Nero tantae luxuriae fuit, ut frigidis et calidis lauaret unguentis, retibusque aureis piscaretur, quae purpureis funibus extrahebantur.
C·111
PIO ET TURPILIANO.
C·112
MARBINO ET GALLO.
C·113
CRASSO ET BASSO.
C·114
SILUANO ET PAULINO.
C·115
Nero Agrippinam matrem suam et sororem patris interfecit.
C·116
Iacobus frater Domini, quem omnes Iustum appellabant, a Iudaeis lapidibus opprimitur: in cuius thronum Simeon secundus assumitur.
C·117
Nero omnes cithara contendens superat.
C·118
CELSINO ET APULEIO.
C·119
Ante mensam Neronis fulmen cecidit.
C·120
Post Marcum euangelistam, primus Alexandrinae Ecclesiae ordinatur episcopus Anianus.
C·121
705 CAPITONE ET RUFO.
C·122
SILIO ITALICO ET TURPILIANO.
C·123
SILUANO ET OTHONE.
C·124
UESPASIANO ET TITO.
C·125
UESPASIANO II ET TITO II.
C·126
UESPASIANO III ET NERUA.
C·127
Nero in Olympiaco agone coronatur, cerycas, citharistas, tragoedos, aurigas, uario certamine superans.
C·128
Nero, ut similitudinem Troiae ardentis uideret, plurimam partem Romanae urbis incendit.
C·129
Musonius et Plutarchus philosophi insignes habentur.
C·130
PRIMA PERSECUTIO. Primus Nero, super omnia scelera sua, etiam persecutionem in Christianos facit, in qua Petrus et Paulus apostoli gloriose Romae occubuerunt.
C·131
Post Petrum primus Romanam Ecclesiam tenuit LINUS annis XII siue XIII.
C·132
Uespasianus magister militiae ad debellandos Iudaeos a Nerone mittitur.
C·133
UESPASIANO IU ET TITO III.
C·134
Uespasianus duobus praeliis superatos Iudaeos ad muros compellit.
C·135
Antiochiae secundus episcopus ordinatur Ignatius.
C·136
Nero cum a Senatu quaereretur ad poenam, de Palatio fugiens, ad quartum Urbis milliarium semet interfecit.
C·137
UESPASIANUS, UII, regnauit annis IX, mensibus IX, et diebus XXII seu XXIX.
C·138
UESPASIANO U ET TITO IU.
C·139
Post Neronem, Galba in Iberia, Uitellius in Germania, Otho Romae imperium arripuerunt. Sed Galba septimo mense Romae capite truncatur; Otho apud Bebriacum propria manu occubuit; Uitellius a Uespasiani ducibus occisus, in Tiberim proiicitur.
C·140
Uespasianus apud Iudaeam ab exercitu imperator appellatur: bellum Tito filio commendans, Romam per Alexandriam proficiscitur.
C·141
UESPASIANO UI ET TITO U.
C·142
Titus, Iudaea capta et Ierosolymis subuersis, sexcentena millia uirorum interficit. Iosephus scribit, undecies centena millia fame et gladio periisse, et alia centum millia captiuorum publice uenumdata. Ut autem tanta multitudo Ierosolymis reperiretur, causam Azymorum festum fuisse: ob quod ex omni 706 gente Iudaei ad templum confluentes, urbe quasi carcere sunt reclusi. Oportuit enim in his diebus eos interfici in quibus Saluatorem crucifixerant.
C·143
Colligitur itaque omne tempus in secundum annum Uespasiani et nouissimam Ierosolymorum euersionem. A quinto decimo anno Tiberii Caesaris, et ab exordio euangelicae praedicationis, anni XLII. A captiuitate autem quam ab Antiocho perpessi sunt, anni CCXXIX. Porro a Darii secundo anno, sub quo rursum templum aedificatum est, anni DLXXX aut XC. A prima autem aedificatione templi sub Salomone, usque ad nouissimam eius ruinam, quae sub Uespasiano facta est, anni MCIII.
C·144
UESPASIANO UII ET TITO UI.
C·145
COMMODO ET RUFO.
C·146
Achaia, Lycia, Rhodus, Byzantium, Samos, Cilicia, Comagene, quae ante liberae sub regibus et amicis erant, in prouincias redactae.
C·147
UESPASIANO UIII ET TITO UII.
C·148
UESPASIANO IX ET TITO UIII.
C·149
SILUANO ET UERO.
C·150
DOMITIANO ET MESSALINO.
C·151
DOMITIANO II ET RUFO II.
C·152
Uespasianus circa Sabinos in uilla propria moritur, anno aetatis LXIX.
C·153
TITUS, UIII, regnauit annis tribus, mensibus duobus.
C·154
Titus Uespasiani filius in utraque lingua disertissimus fuit, et tantae bonitatis, ut cum quadam die recordatus fuisset in coena, se nihil in illa die cuiquam praestitisse, dixerit, Amici, hodie diem perdidi.
C·155
DOMITIANO III ET SABINO.
C·156
DOMITIANO IU ET RUFO III
C·157
Titus Amphitheatrum Romae aedificauit, et in dedicatione eius quinque millia ferarum occidit.
C·158
DOMITIANO U ET DOLABELLA.
C·159
Romanae Ecclesiae II constituitur episcopus CLETUS annis XII.
C·160
Titus morbo periit in ea uilla in qua pater, anno aetatis XLII.
C·161
DOMITIANUS, IX, frater Titi iunior, regnauit annis XU, mensibus U.
C·162
DOMITIANO UI ET RUFO IU.
C·163
Domitiani uxor Augusta appellata.
C·164
Domitianus eunuchos fieri prohibet: Mathematicos philosophos Romana urbe pellit.
C·165
707 FLAUIO ET TRAIANO.
C·166
Domitianus plurimos senatorum in exsilium mittit, de Dacis et Germanis triumphauit.
C·167
DOMITIANO UII ET NERUA.
C·168
Duo menses aliter appellati: September, Germanicus; et October, Domitianus.
C·169
Primus Domitianus Dominum se et Deum appellari iussit.
C·170
Secundus Alexandriae ordinatur episcopus Abilius.
C·171
TRAIANO II ET GLABRIONE.
C·172
Quintilianus rhetor Calaguritanus Romae clarus habetur.
C·173
DOMITIANO UIII ET SATURNINO.
C·174
SILUANO ET PRISCO.
C·175
Domitianus prohibuit uites in urbibus seri.
C·176
ASPRENATE ET CLEMENTE.
C·177
Apollonius Thyaneus, et Eufrates philosophi insignes habentur.
C·178
Multa opera Romae facta: in quibus Capitolium, Forum Transitorium, Diuorum Porticus, Isium, Serapium, Stadium, Horrea Piperata, Uespasiani templum, Minerua Chalcedonica, Odium, Forum Traiani, Thermae Traianae et Titianae, Senatus, Ludus matutinus, Mica Aurea, Meta sudans, et Pantheon.
C·179
Domitianus tantae superbiae fuit, ut aureas et argenteas statuas sibi in Capitolio poni iusserit.
C·180
DOMITIANO IX ET CLEMENTE.
C·181
Multi nobilium necati, plures in exsilium acti.
C·182
FULUIO ET UETERE.
C·183
NERUA II ET RUFO.
C·184
SABINO ET ANTONINO.
C·185
NERUA III ET TRAIANO III.
C·186
Romae III Ecclesiae praefuit episcopus CLEMENS annis IX.
C·187
SENECIONE ET PALMA.
C·188
TRAIANO IU ET FRONTONE.
C·189
SECUNDA PERSECUTIO. Secundus post Neronem Domitianus Christianos persequitur: et sub eo apostolus Ioannes in Pathmum insulam relegatus, Apocalypsim uidit, quam Irenaeus interpretatur.
C·190
Domitianus eos qui de genere Dauid erant interfici praecepit, ut nullus Iudaeorum regni reliquus foret.
C·191
TRAIANO U ET ORPHITO.
C·192
Scribit Brutius, plurimos Christianorum sub Domitiano fecisse martyrium, inter quos et Flauiam Domitillam Flauii Clementis consulis ex sorore neptem in insulam Pontiam relegatam, quia se Christianam esse testata sit.
C·193
SENECIONE II ET SURA
C·194
Domitianus occisus in palatio, anno aetatis suae XXXU.
C·195
708 NERUA, X, regnauit annum unum et menses quatuor.
C·196
TRAIANO UI ET MAXIMO.
C·197
Iustus a Tiberiade Iudaeorum scriptor agnoscitur.
C·198
Alexandrinae Ecclesiae episcopus ordinatur tertius Cerdo.
C·199
Aiunt apostolum Ioannem hoc tempore exsilio solutum, Ephesum recessisse: cum senatus decreuisset, ut omnia quae Domitianus statuerat, in irritum deducerentur.
C·200
Nerua morbo periit in hortis Sallustianis, anno aetatis suae LXXIII [ Alias XXCII], cum iam Traianum adoptasset in filium.
C·201
TRAIANUS, XI, regnauit annis XUIII et mensibus septem. Traianus Agrippinae in Galliis imperator factus, natus Italicae in Hispania.
C·202
SENECIONE III ET SURA II.
C·203
Terraemotu Asiae quatuor, et duae Graeciae urbes subuersae.
C·204
Traianus de Dacis et Scythis triumphauit.
C·205
URBANO ET MARCELLO.
C·206
CANDIDO ET QUADRATO.
C·207
COMMODO ET CEREALE.
C·208
Decreto senatus, Nerua in deos relatus.
C·209
Romanae Ecclesiae IU episcopus praeest EUARISTUS annis IX.
C·210
Ioannem apostolum usque ad Traiani tempora Irenaeus episcopus permansisse scribit. Post quem Papias Hierapolitanus episcopus, Polycarpus Smyrnaeus, et Ignatius Antiochenus.
C·211
SENECIONE IU ET SURA III.
C·212
GALLO ET BRADUA.
C·213
AFRICANO ET CRISPINO.
C·214
CRISPINO II ET BOLENO.
C·215
PISONE ET RUSTICO.
C·216
Alexandrinae Ecclesiae IU episcopus ordinatur nomine Primus.
C·217
TRAIANO UII ET AFRICANO.
C·218
TERTIA PERSECUTIO. Traiano aduersus Christianos persecutionem mouente, Simon filius Cleophae, qui in Ierosolymis episcopatum tenebat, crucifigitur: cui succedit Iustus.
C·219
Ignatius quoque Antiochenae Ecclesiae episcopus Romam perductus, bestiis traditur. Post quem tertius constituitur episcopus Eron.
C·220
CELSO ET CRISPINO.
C·221
ASTA ET PISONE.
C·222
Plinius secundus, cum quamdam prouinciam regeret, et in magistratu suo plurimos Christianorum interfecisset; multitudine eorum perterritus, quaesiuit de Traiano, quid facto opus esset: nuntians ei, praeter obstinationem non sacrificandi, et anteluca nos coetus, ad canendum cuidam Christo ut Deo, 709 nihil apud eos reperiri. Praeterea ad conserendam disciplinam, uetari ab his homicidia, furta, adulteria, latrocinia, et his similia. Ad quae commotus Traianus rescripsit, hoc genus quidem hominum inquirendos non esse, oblatos uero puniri oportere.
C·223
MESSALA ET PEDONE.
C·224
Quintus Romanae Ecclesiae praeest ALEXANDER annis X.
C·225
AEMILIANO ET UETERE.
C·226
NIGRINO ET APRONIANO.
C·227
Plinius secundus Nouocomensis insignis orator, dum inuisit apud Uesuuium, periit: et tres Galatiae ciuitates terraemotu excisae.
C·228
Post Iustum, IU Ierosolymitanae Ecclesiae episcopatum suscipit Zachaeus: post quem quintus Tobias, cui succedit sextus Beniamin, ac deinde septimus Ioannes, octauus Matthias, in cuius locum nonus constituitur Philippus.
C·229
CLARO ET ALEXANDRO.
C·230
ADRIANO ET SALINATORE.
C·231
ADRIANO II ET RUSTICO.
C·232
SERUILIANO ET FULUIO.
C·233
Hoc tempore Iudaei qui in Libya erant, et qui in Aegypto, quique apud Cyrenem et Thebaidem, aduersus cohabitatores suos magnas seditiones mouent.
C·234
Iudaeis Alexandriae rebellantibus, Traianus imperator Lysiae Quieto praecepit, ut eos e prouincia exterminaret: aduersus quos Quietus aciem instruens, infinita eorum millia interfecit, et ob hoc procurator Iudaeae ab imperatore decernitur.
C·235
Salaminam urbem Cypri subuertere Iudaei.
C·236
Traianus in Selinunte, siue, ut alii ferunt, apud Seleuciam Isauriae ciuitatem moritur, anno aetatis LXIU. Ossa eius in urnam auream conlata, et in foro sub columna posita, solusque omnium intra Urbem sepultus est.
C·237
ADRIANUS, XII, regnauit annis XXI. Hic Italicae in Hispania natus, consobrinae Traiani filius fuit.
C·238
UERO ET AUCURINO.
C·239
A UIOLA ET PANSA.
C·240
Senatus Traianum in deos refert, et Adrianus reliqua tributorum urbibus relaxat, chartis publice incensis, plurimosque ipsis tributis liberos facit.
C·241
Adrianus Iudaeos capit, secundo aduersus Romanos rebellantes.
C·242
PATERNO ET TORQUATO.
C·243
GLABRIONE ET APRONIANO.
C·244
Bellum gestum contra Sarmatas.
C·245
Romanae Ecclesiae UI episcopatum suscipit XISTUS annis IX.
C·246
Alexandriae U episcopus ordinatur Iustus.
C·247
ASIATICO ET QUINTILLO.
C·248
Cephissus fluuius Eleusinam inundauit: quem Adrianus ponte coniungens, Athenis hiemem exegit.
C·249
710 UERO ET AMBIGUO.
C·250
GALLICANO ET TITIANO.
C·251
Ierosolymis post Philippum constituitur X episcopus Seneca; post quem XI Iustus; cui succedit XII Leui; post quem XIII Ephres; XIU Ioseph; XU Iudas. Hi omnes usque ad euersionem, quam per Adrianum Ierusalem passa est, ex circumcisione episcopi praefuerant.
C·252
Terraemotu Nicomedia ruit, et Nicaeae urbis plurima: ad quarum instaurationem Adrianus de publico est largitus impensas.
C·253
TORQUATO ET LIBONE.
C·254
CELSO ET MARCELLINO.
C·255
CATULINO ET APRO.
C·256
PONTIANO ET RUFINO.
C·257
Finis cycli primi, et sequentis exordium.
C·258
Quadratus discipulus apostolorum, et Aristides noster philosophus, libros pro Christiana religione compositos edidere.
C·259
Serenus Granius uir apprime nobilis, litteras ad imperatorem misit, iniquum esse dicens clamoribus uulgi innocentium hominum sanguinem concedi, et sine ullo crimine, nominis tantum et sectae reos fieri. Quibus commotus Adrianus, Minucio Fundano proconsuli Asiae scribit, sine obiectu criminum Christianos non condemnandos. Cuius epistolae usque ad nostram memoriam durat exemplum.
C·260
AUCURINO ET SERGIANO.
C·261
TIBERIO ET SILANO.
C·262
Romae UII episcopus ordinatur Telesphorus annis XI.
C·263
Antiochenae Ecclesiae IU praeficitur Cornelius.
C·264
SERGIANO II ET UERO.
C·265
POMPEIANO ET ATILIANO.
C·266
Alexandrinae Ecclesiae UI praeest Eumenes.
C·267
POMPEIANO II ET COMMODO.
C·268
LAELIO ET ALBINO.
C·269
Iudaei in arma uersi, Palaestinam depopulati sunt, tenente prouinciam Taenio Rufo: cui ad opprimendos rebelles Adrianus misit exercitum.
C·270
CAMERINO ET NIGRO.
C·271
Basilides haeresiarches in Alexandria commoratur, a quo Gnostici. Hoc autem Basilides distabat a Simonis dogmate, quod CCCLXU coelos esse credebat, quo numero dierum annus includitur. Unde etiam quasi sanctum nomen commendabat, quod est ABRAXAS, quia huius nominis litterae, secundum supputationem Graecam, eumdem numerum complent. Gnostici autem a praesumptione excellentioris scientiae nominati sunt, quos quidam Borboritas uocant, quasi coenosos, propter nimiam turpitudinem quam in suis mysteriis exercere dicuntur. Tradunt autem fabulosissimis dogmata plena figmentis. Animarum substantiam dicunt Dei esse naturam: Deum quoque bonum et Deum malum 711 in sua perhibentur habere doctrina.
C·272
Barcochebas, dux Iudaeorum, nolentes sibi aduersus Romanum militem ferre subsidium, omnimodis cruciatibus necat. Bellum Iudaicum, quod in Palaestina gerebatur, finem rebus Iudaeorum posuit penitus oppressis. Ex quo tempore etiam introeundi eis Ierosolymam licentia ablata est; primum Dei nutu, sicut prophetae uaticinati sunt, deinde Romanorum interdictionibus.
C·273
ANTONINO ET PRAESENTE.
C·274
Ierosolymis primus ex gentibus constituitur episcopus Marcus, cessantibus his qui fuerant ex Iudaeis.
C·275
ANTONINO II ET PRAESENTE II.
C·276
SEUERO ET SILUANO.
C·277
Aelia ab Aelio Adriano condita est, et in fronte eius portae, qua Bethleem egredimur, sus sculptus in marmore, significans Romanae potestati subiacere Iudaeos.
C·278
Adrianus apud Baias moritur maior LX annorum.
C·279
ANTONINUS TITUS cognomento Pius, XIII, cum filiis Aurelio et Lucio regnauit annis XXII et mensibus III.
C·280
RUFINO ET TORQUATO
C·281
Romae UIII episcopus ordinatur HYGINUS annis IU.
C·282
TORQUATO II ET HERODE.
C·283
AUIOLA ET MAXIMO.
C·284
Antoninus pater patriae appellatur.
C·285
Ualentinus haeresiarches, et Cerdo magister Marcionis Romam uenerunt. Ualentinus de natura rerum multa fabulosa confinxit, asserens XXX aeonas, id est saecula, exstitisse, quorum sit principium Profundum et Silentium, quod Profundum etiam Patrem appellat. Cerdonianus uero duo principia sibi aduersantia dogmatizat, dominumque legis ac prophetarum non esse Patrem Christi, nec bonum esse Deum, sed iustum; patrem uero Christi bonum. Ex quibus, duorum uelut ex coniugio, processisse perhibet intellectum et ueritatem, et protulisse aeonas octo. De intellectu et uoluntate processisse Uerbum, et protulisse aeonas decem. Porro de Uerbo et uita processisse hominem, et Ecclesiam protulisse aeonas duodecim. Itaque UIII et X et XII fieri tricies aeonas, habentes principium de Profundo et de Silentio. Christum autem a Patre missum, id est a Profundo, spiritale uel coeleste corpus secum attulisse: nihil assumpsisse de Uirgine Maria; sed per illam, tamquam per riuum aut fistulam, sine ulla de eadem sumpta carne transisse. Negat etiam 712 resurrectionem carnis, solum per Christum spiritum uel animam salutem accipere affirmans. Christumque ipsum neque natum ex femina, neque habuisse carnem, nec uero mortuum, uel quidquam passum, sed simulasse passionem. Quidam eos in duobus principiis suis ita duos perhibent deos dicere, ut unus eorum sit bonus, alter autem malus. Resurrectionem mortuorum negant, spernentes nouum Testamentum.
C·286
Marcion quoque, a quo Marcionitae appellati, Cerdonis dogma sectatus est, hoc adiiciens, ut non duo tantum, sed tria assereret esse principia, unum scilicet bonum, alterum iustum, tertium prauum. Quamuis tertii principii auctorem quidam Sirenum quemdam, potius quam Marcionem fuisse existiment.
C·287
ANTONINO III ET AURELIO.
C·288
GRATO ET SELEUCO.
C·289
Romae IX episcopus ordinatur PIUS annis XU.
C·290
Hoc tempore Iustinus philosophus librum pro nostra religione conscriptum Antonino imperatori tradidit.
C·291
Antiochiae U episcopus constituitur Heros.
C·292
ANTONINO IU ET AURELIO II.
C·293
LARGO ET MESSALINO.
C·294
TORQUATO III ET IULIANO.
C·295
Alexandriae UII episcopatum suscipit Marcus.
C·296
ORPHITO ET PRISCO.
C·297
GLABRIONE ET UETERE.
C·298
GORDIANO ET MAXIMO.
C·299
GLABRIONE II ET ROMULO.
C·300
PRAESENTE ET RUFINO.
C·301
COMMODO ET LATERANO.
C·302
UERO ET SABINO.
C·303
SILUANO ET AUGURINO.
C·304
BARBARO ET REGULO.
C·305
Alexandrinae Ecclesiae UIII praefuit Celadion.
C·306
TERTULLO ET SACERDOTE.
C·307
Crescens Cynicus in nostri dogmatis philosophum Iustinum, a quo ob nimiam gulam praeuaricator philosophiae arguebatur, persecutionem suscitauit, in qua ille gloriose pro Christo sanguinem fudit.
C·308
QUINTILLO ET PRISCO.
C·309
UERO II ET BRADUA.
C·310
Romanae Ecclesiae episcopatum X suscipit ANICETUS annis X, sub quo Polycarpus Romam ueniens multos ab haeretico errore correxit.
C·311
ANTONINO III ET AURELIO III.
C·312
P. C. ANTONINI III ET AURELII III.
C·313
Ierosolymae episcopatum post Marcum XUII suscepit Cassianus, XUIII Publius, Maximus XIX, 713 deinde XX Iulianus, sic XXI Graianus, XXII Symmachus, tum XXIII Caius, XXIU Iulianus, atque inde XXU Capito.
C·314
Antoninus Pius apud Lorium in uilla sua, XII ab Urbe milliario moritur, anno uitae suae LXXII [Alias LXXUII].
C·315
M. ANTONINUS, qui et UERUS, et L. AURELIUS COMMODUS, XIU, regnauit annis XIX et mense uno.
C·316
DUOBUS AUGUSTIS.
C·317
Hi primitus aequo iure imperium simul administrauerunt, cum usque ad hoc tempus singuli Augusti fuerint.
C·318
RUSTICO ET AQUILO.
C·319
LAELIANO ET PASTORE.
C·320
MACRINO ET CELSO.
C·321
ORPHITO ET PUDENTE.
C·322
PUDENTE II ET POLLIONE.
C·323
Alexandriae IX praefuit Agrippinus.
C·324
QUARTA PERSECUTIO. Persecutione orta in Asia, Polycarpus et Poeonius fecere martyrium: quorum scriptae quoque feruntur passiones.
C·325
In Gallia quoque plurimi ob nomen Dei interfecti; quorum usque in praesentem diem condita libris certamina perseuerant.
C·326
UERO IU ET QUADRATO.
C·327
APRONIANO ET PAULO.
C·328
Romanae Ecclesiae episcopatum XI suscipit SOTER annis UIII.
C·329
APRONIANO ET PAULO.
C·330
Antiochiae UI episcopus ordinatur Theophilus, cuius plurima ingenii opera exstant.
C·331
PRISCO ET APPOLLINARE.
C·332
CETHEGO ET CLARO.
C·333
Lucius imperator anno regni sui IX, siue, ut quidam putant, X, inter Concordiam et Altinum apoplexia exstinctus est.
C·334
Antonino imperatori Melito Asianus episcopus Apologeticum pro Christianis tradidit.
C·335
Apollinaris Asianus Hierapolitanus episcopus insignis habetur.
C·336
Eodem tempore Dionysius episcopus Corinthiorum clarus fuit, et Pinytus Cretensis uir eloquentissimus.
C·337
Hac tempestate pseudoprophetia, quae Cataphrygas nominatur, accepit exordium, Montano auctore, Prisca Maximillaque insanis uatibus. Nomen errori prouincia Phrygia 714 dedit, quia inuentores eius illic primitus exstiterunt, ibique uixerunt, et nunc etiam in eisdem partibus populos habent. Aduentum Spiritus sancti a Domino promissum, in se potius quam in apostolos fuisse asserunt: secundas nuptias pro fornicationibus habent; et ideo dicunt eas permisisse apostolum Paulum, quia ex parte sciebat et ex parte prophetabat; nondum enim uenerat quod perfectum est. Hoc autem perfectum in Montanum, et in eius prophetissas uenisse delirant. Sacrificia perhibentur habere funesta. Nam de infantis anniculi sanguine, quem de toto eius corpore minutis punctionum uulneribus extorquent, quasi Eucharistiam suam conficere perhibentur, miscentes eum farinae, panemque inde facientes. Qui puer, si mortuus fuerit, pro martyre habetur; si autem uixerit, pro maximo sacerdote.
C·338
SEUERO ET HERENNIANO.
C·339
Tatianus haereticus, a quo appellati Eneratitae, quorum dogma est non admittere ad communionem suam nisi continentes, et eos qui saeculo ita renuntiauerint, ut propria nulla possideant.
C·340
Bardesanes quoque alterius auctor erroris, eodem tempore innotuit, in Ualentini haeresim ex parte prolapsus.
C·341
ORPHITO ET MAXIMO.
C·342
SEUERO ET POMPEIANO
C·343
In regione Quadorum exercitu Antonini imperatoris siti oppresso, pluuia diuinitus missa est: cum e contrario Germanos et Sarmatas fulmina persequerentur, et plurimos eorum interficerent. Exstant litterae Marci Aurelii grauissimi imperatoris, quibus illam Germanicam sitim, Christianorum militum precationi imbre concesso, discussam contestatur.
C·344
GALLO ET FLACCO.
C·345
PISONE ET IULIANO.
C·346
POLLIONE ET APRO.
C·347
COMMODO ET QUINTILLO.
C·348
Antoninus Commodum filium suum consortem regni facit.
C·349
ORPHITO ET RUFO.
C·350
Antoninus cum filio de hostibus triumphauit, quos per triennium apud Carnuntum 715 habens statiua castra uastauerat.
C·351
COMMODO II ET UERO II.
C·352
Alexandriae X ordinatur episcopus Iulianus.
C·353
Antoninus in Pannonia morbo periit.
C·354
COMMODUS, XU, regnauit annos XIII.
C·355
PRAESENTE ET BURRO.
C·356
Irenaeus Lugdunensis episcopus insignis habetur.
C·357
Commodus Septembrem mensem nomine suo appellauit.
C·358
MAMERTINO ET RUFO.
C·359
Thermae Commodianae Romae factae.
C·360
COMMODO IU ET UICTORINO.
C·361
Ierosolymis XXUI ordinatur episcopus Mormius; post quem XXUII Antoninus, XXUIII Ualens, XXIX Dachianus, XXX Narcissus, XXXI Dius, XXXII Germanio, XXXIII Gordius, XXXIU alius Narcissus.
C·362
MARULO ET HELIANO.
C·363
MATERNO ET BRADUA.
C·364
COMMODO U ET GLABRIONE.
C·365
CRISBINO ET HELIANO.
C·366
FULCIANO ET SILANO.
C·367
Alexandriae XI constituitur episcopus Demetrianus annis XLIII.
C·368
Commodus Colossi capite sublato, suae imaginis caput iussit imponi.
C·369
Serapion Antiochiae episcopus UIII ordinatur.
C·370
DUOBUS SILANIS.
C·371
COMMODO UI ET SEPTIMIANO.
C·372
APRONIANO ET BRADUA.
C·373
Commodus multos nobilium interficit.
C·374
COMMODO UII ET PERTINACE.
C·375
Commodus strangulatur in domo Uestiliani.
C·376
HELUIUS PERTINAX, XUI, regnauit menses sex: qui cum maior septuagenario praefecturam Urbis ageret, ex senatus consulto imperare iussus est.
C·377
Romae episcopatum suscepit XIII UICTOR annis XII; cuius non mediocria de religione exstant uolumina.
C·378
Pertinax, obsecrante senatu ut uxorem suam Augustam, et filium suum Caesarem faceret, contradixit: sufficere testatus, quod ipse regnaret inuitus.
C·379
Pertinax occiditur in palatio, scelere Iuliani iurisperiti, quem postea Seuerus ad Pontem Miluium interfecit.
C·380
SEUERUS, XUII, regnauit annis XUIII. Qui ortus prouinciae Tripolitanae oppido Lepti, solus ex Africa usque in praesentem diem ex Romanis imperatoribus fuit, et in honorem Pertinacis Pertinacem se cognominari iussit.
C·381
FALCONE ET CLARO.
C·382
SEUERO ET ALBINO.
C·383
TERTULLO ET CLEMENTE.
C·384
DEXTRO ET PRISCO.
C·385
Clemens Alexandrinae Ecclesiae presbyter, 716 et Pantaenus stoicus philosophus in disputatione dogmatis nostri disertissimi habentur.
C·386
LATERANO ET RUFINO.
C·387
Narcissus Ierosolymorum episcopus, et Theophilus Caesariensis, Polycarpus quoque et Bachilus Asianae prouinciae episcopus, haec tempora illustrauerunt.
C·388
SATURNINO ET GALLO.
C·389
ANULINO ET FRONTONE.
C·390
SEUERO II ET UICTORINO.
C·391
FABIANO ET MUCIANO.
C·392
SEUERO III ET ANTONINO.
C·393
Hoc tempore bellum Iudaicum et Sarmaticum: et Seuerus de nominibus gentium subactarum, Parthicus, Arabicus, Adiabenicus appellatus est.
C·394
Quaestione orta in Asia inter episcopos, an secundum legem Moysis decima quarta mensis primi Pascha obseruandum esset, Uictor Romanae urbis episcopus, et Narcissus Ierosolymorum, Polycrates quoque et Irenaeus, et Bachilus, plurimique Ecclesiarum pastores, quid eis probabile uisum fuerit litteris ediderunt, quorum memoria ad nos usque perdurat.
C·395
GETA ET PLAUTIANO.
C·396
CHILONE ET LIBONE.
C·397
Romae XIU episcopus fuit ZEPHIRINUS annis XIU.
C·398
QUINTA PERSECUTIO. Persecutione Christianis facta, Leonides Origenis pater gloriosa martyrii morte translatus est.
C·399
Alexander quoque ob confessionem Dominici nominis clarus exstitit.
C·400
Qua tempestate Perpetua et Felicitas pro Christo passae sunt, nonis Martii, apud Carthaginem Africae in castris bestiis deputatae.
C·401
ANTONINO II ET GETA.
C·402
ALBINO ET AELIANO.
C·403
APRO ET MAXIMO.
C·404
Clemens multa conscribit.
C·405
ANTONINO III ET GETA III.
C·406
Clodio Albino, qui se in Gallia Caesarem fecerat, interfecto Lugduni, Seuerus ad Britannos transfretauit, ut receptas prouincias ab incursione barbarica faceret tutiores, fossam et aggerem per CXXXII millia passuum a mari ad mare deduxit, et non multo post intra Britanniam Eboraci moritur.
C·407
POMPEIANO ET AUITO.
C·408
FAUSTINO ET RUFINO.
C·409
ANTONINUS cognomento CARACALLA Seueri filius, XUIII, regnauit annis sex.
C·410
GENTIANO ET BASSO.
C·411
DUOBUS ASPRIS.
C·412
Antiochiae IX episcopus constituitur Asclepiades: Ierosolymis uero XXXU Alexander, adhuc uiuente Narcisso: et cum eo pariter Ecclesiam regit.
C·413
ANTONINO IU ET BALBINO.
C·414
717 MESSALA ET SABINO.
C·415
Finis cycli secundi, et initium tertii.
C·416
LAETO ET CEREALE.
C·417
SABINO II ET UENUSTO.
C·418
Antoninus interficitur inter Edessam et Charras, anno aetatis suae XLIII.
C·419
MACRINUS, XIX, regnat anno uno.
C·420
PRAESENTE ET EXTRICATO.
C·421
Antiochiae X episcopus ordinatur Philetus.
C·422
M. AURELIUS ANTONINUS, XX, regnauit annis tribus.
C·423
ANTONINO ET ADUENTO.
C·424
Romae episcopatum suscepit XU CALLISTUS annis sex.
C·425
Macrinus occiditur in Archelaide.
C·426
Antoninus Romae Thermas nominis sui aedificauit.
C·427
ANTONINO II ET SACERDOTE.
C·428
ANTONINO III ET COMAZONTE.
C·429
GRATO ET SELEUCO.
C·430
Antoninus Romae tumultu militari occiditur.
C·431
ALEXANDER Mammaeae filius, XXI, regnauit annos XIII, sumpto nomine ab imperatore Alexandro.
C·432
Alexander Xerxem regem Persarum gloriose uincit.
C·433
MAXIMO ET AELIANO.
C·434
IULIANO ET CRISPINO.
C·435
Romae XUI episcopus creatur URBANUS annis IX.
C·436
His temporibus Sabellius fuisse perhibetur. Cuius error est, ut in Trinitate diuina, quem nominat Patrem, eumdem Filium, eumdem asserat Spiritum sanctum. Unde impietatis istius impostores merito etiam Patropassiani uocantur: qui hoc sentientes, passionem Domini nostri Iesu Christi, quam pro humani generis salute pertulit, Patri conuincantur asserere.
C·437
Ulpianus iurisconsultus insignis habetur.
C·438
FUSCO ET DEXTRO.
C·439
Thermae Alexandrinae Romae aedificatae.
C·440
ALEXANDRO II ET MARCELLO.
C·441
ANIANO ET MAXIMO.
C·442
ALBINO ET MAXIMO.
C·443
Geminus presbyter Antiochenus, et Hippolytus, et Beryllus episcopus Arabiae Bostrenus clari scriptores habentur.
C·444
Antiochiae XI episcopus fit Zebennus.
C·445
MODESTO ET PROBO.
C·446
Alexandrinae Ecclesiae XII praeest episcopus Heraclas.
C·447
Hoc tempore Origenes Alexandriae clarus uidebatur. Hic qui per multam eloquii facultatem, peruersa quaedam est conatus astruere, condens libros quorum est titulus Περι Αρχων, in quibus, praeter multa sacrae doctrinae aduersa, 718 etiam de commutatione hoc totius rationalis creaturae asserit, quod non solum impiorum animae, sed et ipse quoque diabolus, longa purificatione reuocandus sit in suae originis dignitatem, succedentibus sibi semper reuolutionibus de bonis ad mala, et de malis ad bona. Quia haec alternatio non possit non esse perpetua, et uicissim ut de miseris beati, et de beatis miseri.
C·448
ALEXANDRO III ET DIONE
C·449
GRATO ET SELEUCO.
C·450
POMPEIANO ET FELICIANO.
C·451
LUPO ET MAXIMO.
C·452
Romae XUII episcopatum suscepit PONTIANUS annis quinque.
C·453
Alexander apud Mogontiacum tumultu militari occiditur.
C·454
MAXIMO ET PATERNO.
C·455
MAXIMINUS, XXII, regnat annis tribus.
C·456
MAXIMO II ET URBANO.
C·457
SEUERO ET QUINTIANO.
C·458
MAXIMINO ET AFRICANO.
C·459
SEXTA PERSECUTIO. Maximinus aduersus Ecclesiarum sacerdotes persecutionem mouet.
C·460
Maximinus Aquileiae a Pupieno occiditur.
C·461
GORDIANUS, XXIII, regnauit annis sex.
C·462
PERPETUO ET CORNELIANO.
C·463
Romae XUIII fit episcopus ANTERUS: post cuius unum mensem XIX constituitur FABIANUS annis XIII.
C·464
PIO ET PROCULO.
C·465
GORDIANO ET AUIOLA.
C·466
SABINO ET UENUSTO.
C·467
GORDIANO II ET POMPEIANO.
C·468
ATTICO ET PRAETEXTATO.
C·469
Gordianus cum Parthorum natione superata uictor reuertitur ad patriam, fraude Philippi praefecti praetorio haud longe a Romano solo interfectus est.
C·470
PHILIPPUS, XXIU, regnauit annis septem.
C·471
ARIANO ET PAPPO.
C·472
Philippus Philippum filium suum consortem regni facit: primus omnium ex Romanis imperatoribus Christianus fuit.
C·473
PEREGRINO ET AEMILIANO.
C·474
PRAESENTE ET ALBINO.
C·475
PHILIPPO II ET PHILIPPO.
C·476
Regnantibus Philippis millesimus Romanae urbis annus expletur.
C·477
Philippus urbem sui nominis in Achaia condidit.
C·478
PHILIPPO III ET PHILIPPO II.
C·479
AEMILIANO ET AQUILINO.
C·480
Alexandriae XIII ordinatur episcopus Dionysius.
C·481
Philippus senior Ueronae, Romae iunior occiditur.
C·482
DECIUS, XXU, regnat anno uno, et mensibus tribus.
C·483
719 DECIO ET GRATO.
C·484
DECIO II ET RUSTICO.
C·485
SEPTIMA PERSECUTIO. Decius cum Philippos patrem et filium interfecisset, ob odium eorum persecutionem in Christianos mouet.
C·486
Antonius monachus nascitur.
C·487
Alexandro Ierosolymorum episcopo ob martyrium interfecto apud Caesaream Palaestinae, et Antiochiae Babyla eadem gloria occiso, Mazabamus et Fabius episcopi constituuntur.
C·488
Decius cum filio in Abritto, quae est ciuitas Mysiae, occiditur.
C·489
GALLUS ET UOLUSIANUS Galli filius, XXUI, regnauit annis tribus et mensibus quatuor.
C·490
Romanae Ecclesiae episcopatum post Fabiani gloriosam mortem XX suscipit CORNELIUS annis duobus, qui post biennium eodem martyrio coronatur.
C·491
GALLO ET UOLUSIANO.
C·492
UOLUSIANO II ET MAXIMO.
C·493
Nouatus presbyter Cypriani Romam ueniens, Nouatianum et caeteros confessores sibi sociat, eo quod Cornelius poenitentes apostatas recepisset. Ab hoc haeresis Nouatianorum sumpsit exordium, qui se propter munditiam quam sibi superbissime arrogant, Catharos appellari uolunt: secundas nuptias non admittunt, reconciliationem poenitentibus negant.
C·494
Antiochiae XIU constituitur episcopus Demetrianus.
C·495
Romanae Ecclesiae episcopatum tenet XXI LUCIUS mensibus octo. Post quem XXII STEPHANUS annis tribus. Exstant ad utrumque Cypriani epistolae.
C·496
Gallus et Uolusianus aduersus Aemilianum res nouas in Moesia molientem Roma profecti, Interamnae occisi sunt.
C·497
Aemilianus tertio mense occupatae tyrannidis exstinctus est.
C·498
UALERIANUS et GALLIENUS, XXUI, regnauerunt annis XU.
C·499
UALERIANO ET GALLIENO.
C·500
Cyprianus primum rhetor, deinde presbyter, ad extremum Carthaginensis episcopus, martyrio coronatur.
C·501
MAXIMO ET GLABRIONE.
C·502
Romae XXIII constituitur episcopus XISTUS annis septem.
C·503
OCTAUA PERSECUTIO. Ualerianus in Christianos persecutionem mouet.
C·504
UALERIANO III ET GALLIENO II.
C·505
Ualerianus a rege Persarum Sapore capitur, 720 ibique seruitute misera consenescit.
C·506
TUSCO ET BASSO.
C·507
Ualeriano in Persas ducto, Gallienus nostris pacem reddidit.
C·508
Antiochiae XU ordinatur episcopus Paulus Samosatenus.
C·509
AEMILIANO ET BASSO.
C·510
SAECULARE ET DONATO.
C·511
GALLIENO IU ET GENTIANO.
C·512
Gallieno in omnem lasciuiam dissoluto, Germani Rauennam usque uenerunt. Alamanni uastatis Galliis in Italiam transiere. Graecia, Macedonia, Pontus et Asia per Gothos depopulatae sunt. Quadi et Sarmatae Pannonias occupauerunt. Germanis Hispanias obtinentibus, Tarraco expugnata est. Parthi Mesopotamiam tenentes Syriam incursauerunt.
C·513
GALLIENO U ET UICTORINO.
C·514
ALBINO ET MAXIMO.
C·515
Alexandriae XIU episcopus ordinatur Maximus.
C·516
Romae XXIU praeficitur episcopus DIONYSIUS annis XI.
C·517
GALLIENO UI ET SATURNINO.
C·518
UALERIANO ET LUCILLO.
C·519
Ierosolymorum episcopatum tenet XXXUI Hymenaeus.
C·520
GALLIENO UII ET SABINILLO.
C·521
Paulus Samosatenus a cunctorum praedicatione desciscit, Artemonis haeresim suscitans, quae asserit Christum non semper fuisse, sed initium eius ex quo de Maria natus est praedicat, nec eum aliquid amplius quam hominem putat. Huius erroris etiam Photinus assertor fuit, qui uehementiore studio, ut sectatores impietatis huius Photiniani potius quam Pauliani dicerentur obtinuit. Hos baptizari in Ecclesia catholica synodus Nicaena constituit. Unde credendum est eos regulam baptismi non habere.
C·522
Antiochiae in locum Pauli XUI ordinatur episcopus Domnus.
C·523
PATERNO ET ARCHESILAO.
C·524
PATERNO II ET MARIO.
C·525
CLAUDIUS, XXUIII, regnat anno uno, mensibus nouem.
C·526
CLAUDIO ET PATERNO.
C·527
Claudius Gothos Illyricum et Macedoniam uastantes superat: ob quae illi in Curia clypeus aureus, et in Capitolio statua aurea collocatur.
C·528
ANTIOCHIANO ET ORPHITO.
C·529
Claudius Sirmii moritur, cuius frater Quintillus.
C·530
Claudius a senatu Augustus appellatus, 721 septimo decimo die imperii sui Aquileiae occiditur.
C·531
AURELIANUS, XXIX, regnat annos quinque, menses sex.
C·532
UALERIANO ET BASSO.
C·533
Antiochiae XUII ordinatur episcopus Timaeus.
C·534
Aurelianus, Tetrico apud Catalaunos prodente exercitum suum, Gallias recepit.
C·535
QUIETO ET UOLDUMIANO.
C·536
Zenobia apud Immas haud longe ab Antiochia uincitur, quae occiso Odoacro marito Orientis tenebat imperium. In qua pugna strenuissime aduersus eam dimicauit Pompeianus dux cognomento Francus.
C·537
TACITO ET PLACIDIANO.
C·538
Eusebius Laodicenus episcopus insignis habetur.
C·539
Aurelianum Romae triumphantem Tetricus et Zenobia praecesserunt. Ex quibus Tetricus Corrector postea Lucaniae fuit, et Zenobia in Urbe summo honore consenuit, a qua hodieque Romae Zenobia familia nuncupatur.
C·540
AURELIANO ET CAPITOLINO.
C·541
Romae XXU episcopatum suscepit FELIX annis quinque.
C·542
AURELIANO II ET MARCELLO.
C·543
Aurelianus cum aduersus nos persecutionem mouisset, fulmen iuxta eum comitesque eius ruit: ac non multo post inter Constantinopolim et Heracleam in Coenophrurio uiae ueteris occiditur.
C·544
TACITUS, XXX, regnat mensibus sex: quo apud Pontum occiso, FLORIANUS, XXXI, obtinuit imperium, regnauitque diebus XXCUIII.
C·545
Floriano apud Tarsum interfecto, PROBUS, XXXII, regnat annis sex, mensibus octo, alias quatuor.
C·546
PROBO ET PAULINO.
C·547
Anatolius Laodicenus episcopus, philosophorum disciplinis eruditus, plurimo sermone celebratur.
C·548
Insana Manichaeorum haeresis exorta, Persa quodam, qui Manes uocabatur, auctore. Quorum impietates et sacrilegia ac turpitudines explicare in hoc opere nimis longum est. Sufficit enim sciri, quod duo aduersa sibi et coaeterna principia, et duas boni scilicet et mali asserunt esse naturas. De Christo nihil secundum ueritatem sentiunt. Cuius natiuitatem ex Maria secundum carnem, et passionem et resurrectionem, simulationes dicunt fuisse, nec ita, ut praedicantur effecta. Uetus Testamentum et Prophetas refutant, Scripturarumque illarum non Deum bonum, sed malae naturae principem auctorem opinantur. De 722 nouo Testamento ea accipiunt quae putant apocryphis consonare. Resurrectionem carnis negant, nuptias damnant, adulterinos concubitus pro licitis habent, baptismum regenerationis nihil conferre existimant. Sacra eorum tam nefanda quam mores.
C·549
PROBO II ET PATERNO II.
C·550
PROBO III ET PATERNO III.
C·551
MESSALA ET GRATO.
C·552
Antiochiae XUIII constituitur episcopus Cyrillus.
C·553
Romae XXUI ordinatur episcopus EUTYCHIANUS mensibus octo: post quem CAIUS XXUII creatur annis XU.
C·554
PROBO IU ET TIBERIANO.
C·555
PROBO U ET UICTORINO.
C·556
Alexandriae XU episcopus praefuit Theonas.
C·557
Probus tumultu militari apud Sirmium in Turri, quae ferrata uocabatur, occiditur.
C·558
CARUS cum filiis CARINO et NUMERIANO, XXXIII, regnauit annis duobus.
C·559
CARO ET CARINO.
C·560
CARO II ET NUMERIANO.
C·561
Carus Narbonensis, cum omni Parthorum regione uastata, Cochen et Ctesiphontem nobilissimas hostium cepisset urbes, super Tigrin castra ponens, fulmine ictus interiit. Numerianus autem cum ob oculorum dolorem lecticula ueheretur, insidiis Apri soceri sui occisus est. Porro Carinus praelio apud Margum uictus occubuit.
C·562
DIOCLETIANUS, XXXIU, regnauit annis XX.
C·563
DIOCLETIANO ET ARISTOBULO.
C·564
MAXIMO ET AQUILINO.
C·565
Diocletianus in consortium regni HERCULIUM MAXIMIANUM assumit. Qui rusticorum multitudine oppressa, quae seditioni suae Bacaudarum nomen indiderat, pacem Galliis reddidit.
C·566
Carausius sumpta purpura Britannias occupauit.
C·567
DIOCLETIANO II ET MAXIMIANO.
C·568
MAXIMIANO II ET IANUARIO.
C·569
Constantius et Galerius Maximianus assumuntur in regnum. Quos Diocletianus ut etiam affinitate coniungeret, Constantio priuignam Herculii Theodoram uxorem dedit, Galerio autem filiam suam Ualeriam tradidit: utque haec coniugia firmaret, ambos repudiare uxores suas, quas prius habebant coegit.
C·570
BASSO ET QUINTIANO.
C·571
DIOCLETIANO III ET MAXIMIANO III.
C·572
TIBERIANO ET DIONE.
C·573
HANNIBALIANO ET ASCLEPIODOTO.
C·574
DIOCLETIANO IU ET MAXIMIANO III.
C·575
Primus Diocletianus adorari se ut Deum iussit, et gemmas uestibus calceamentisque inseri: cum ante eum imperatores in modum 723 iudicum sollicitarentur, et chlamyde tantum purpurea a priuato habitu discernerentur.
C·576
CONSTANTIO ET MAXIMO.
C·577
TUSCO ET ANULINO.
C·578
Romae XXUIII episcopatum suscepit MARCELLINUS annis IX.
C·579
DIOCLETIANO U ET CONSTANTIO II.
C·580
Ierosolymis XXXUII Zabdas episcopus ordinatur.
C·581
MAXIMIANO IU ET MAXIMINIANO II.
C·582
FAUSTO ET GALLO.
C·583
Ueturius magister militiae Christianos persequitur.
C·584
Finis cycli tertii, quartique principium.
C·585
DIOCLETIANO UI ET MAXIMIANO U.
C·586
CONSTANTIO III ET MAXIMINIANO III.
C·587
Thermae Diocletianae Romae, et Carthagine Maximianae aedificatae.
C·588
Ierosolymis XXXUIII episcopus praefuit Hermon.
C·589
Antiochiae XIX constituitur episcopus Tyrannus.
C·590
Alexandrinae ecclesiae XUI post Theonam ordinatur episcopus Petrus, qui postea persecutionis anno nono gloriose martyrium perpetrauit.
C·591
TITIANO ET NEPOTIANO.
C·592
CONSTANTIO IU ET MAXIMIANO IU.
C·593
Diocletianus et Maximianus Augusti ingenti pompa Romae triumpharunt, antecedentibus currum eorum Narsei coniuge, sororibus, liberis et omni praeda qua Parthos spoliauerant.
C·594
DIOCLETIANO UII ET MAXIMINIANO UI.
C·595
NONA PERSECUTIO. Decimo nono anno Diocletiani, mense Martii, in diebus Paschae Ecclesiae subuersae sunt.
C·596
DIOCLETIANO UIII ET MAXIMIANO UII.
C·597
Secundo anno persecutionis Diocletianus Nicomediae, Maximianus Mediolani purpuram deposuerunt.
C·598
GALERIUS, XXXU, biennio solus imperium tenuit, mox cum alio annis sex.
C·599
CONSTANTIO U ET MAXIMIANO U.
C·600
Romae XXIX episcopus constituitur EUSEBIUS: post cuius septimum mensem XXX Ecclesiam tenet MELCHIADES annis tribus.
C·601
724 CONSTANTIO UI ET MAXIMIANO UI.
C·602
His consulibus Timotheus Romae pro Christo passus est X kal. Iulias. Maximinus et Seuerus a Galerio Maximiano Caesares facti.
C·603
Constantius XUI imperii sui anno diem obiit in Britannia Eboraci. Post quem filius eius CONSTANTINUS ex concubina Helena procreatus, regnum inuadit. Cuius regni initio quartus iam persecutionis annus agebatur.
C·604
CONSTANTINUS, XXXUI, regnauit annis XXX, mensibus X.
C·605
DIOCLETIANO IX ET CONSTANTINO.
C·606
Maxentius Herculii Maximiani filius, a praetorianis militibus Romae Augustus appellatur.
C·607
Seuerus Caesar a Galerio Maximiano contra Maxentium missus Rauennam, secundo imperii sui anno interficitur.
C·608
DIOCLETIANO X ET MAXIMIANO UII.
C·609
LICINIUS a Galerio Carnuti imperator factus.
C·610
Herculius Maximianus a filia Fausta detectus, quod dolum Constantino pararet uiro eius, Massiliae fugiens occiditur.
C·611
POST CONSULATUM X ET UIII.
C·612
Quirinus episcopus Sciscianus eum sociis gloriose pro Christo interficitur.
C·613
ITEM ANN. II POST X ET UIII COSS.
C·614
Galerius Maximianus moritur XXI imperii sui anno, quod partim Caesar, partim Augustus exegit.
C·615
Romae XXXI ordinatur episcopus SILUESTER annis XXII.
C·616
MAXIMIANO UIII ET LICINIO.
C·617
Maximinus persecutione in Christianos facta, cum iam a Licinio puniendus esset, apud Tarsum moritur, anno imperii sui sexto.
C·618
CONSTANTINO II ET LICINIO II.
C·619
CONSTANTINO III ET LICINIO III.
C·620
Alexandriae XUII ordinatur episcopus Achillas.
C·621
Maxentius iuxta Pontem Miluium a Constantino superatus occiditur.
C·622
UOLUSIANO ET ANIANO.
C·623
Ierosolymae XXXIX constituitur episcopus Macharius.
C·624
CONSTANTINO IU ET LICINIO IU.
C·625
Pax nostris a Constantino reddita.
C·626
725 Diocletianus haud procul a Salonis in uilla sua Spalato moritur.
C·627
SABINO ET RUFINO.
C·628
Crispus et Constantinus filii Constantini, et Licinius adolescens Licinii Augusti filius ex sorore Constantini, Caesares appellantur. Quorum Crispum Lactantius erudiuit uir omnium suo tempore eloquentissimus, sed adeo in hac uita pauper, ut plerumque etiam necessariis indiguerit.
C·629
GALLICANO ET BASSO.
C·630
LICINIO U ET CRISPO.
C·631
CONSTANTINO U ET LICINIO CAES.
C·632
Licinius Christianos de palatio suo pellit.
C·633
CONSTANTINO UI ET CONSTANTINO CAES.
C·634
Basileus Amasiae Ponti episcopus sub Licinio martyrio coronatur.
C·635
Alexandriae XUIII ordinatur episcopus Alexander.
C·636
CRISPO II ET CONSTANTIO II.
C·637
Arius presbyter, ab Alexandro episcopo de Alexandrina Ecclesia eiectus, multos suae impietati sociat, praedicans Patrem et Filium et Spiritum sanctum non esse unius eiusdemque naturae, aut, ut expressius dicitur, essentiae; utpote creaturam: Spiritum uero sanctum creaturam creaturae; id est ab ipso Filio creatum. Ad quam perfidiam coarguendam synodus trecentorum decem et octo episcoporum in Nicaeam urbem Bithyniae congregata, omnes haereticorum machinas Homousii oppositione deiecit.
C·638
PROBIANO ET IULIANO.
C·639
SEUERO ET RUFINO.
C·640
Constantius Constantini filius Caesar factus.
C·641
CRISPO III ET CONSTANTINO III.
C·642
Licinius Thessalonicae occiditur.
C·643
PAULINO ET IULIANO.
C·644
Crispus filius Constantini et Licinius iunior Constantiae Constantini sororis et Licinii superioris filius interfecti.
C·645
CONSTANTINO UII ET CONSTANTIO.
C·646
Uicennalia Constantini Nicomediae acta, et sequenti anno Romae edita.
C·647
CONSTANTINO II ET MAXIMO.
C·648
Hucusque historiam perduxit Eusebius, Pamphyli martyris contubernalis. Post haec Hieronymi presbyteri succedit auctoritas.
C·649
Drepanam Bithyniae ciuitatem in honorem Luciani martyris ibi conditi Constantinus instaurans, ex uocabulo matris suae Helenopolim nuncupauit.
C·650
IANUARIO ET IUSTO.
C·651
726 Donatus agnoscitur, a quo per Africam Donatistae, qui primum propter ordinatum contra uoluntatem suam Caecilianum Ecclesiae Carthaginensis episcopum schisma fecerunt, obiicientes ei crimina non probata, et maxime, quod a traditoribus diuinarum Scripturarum fuerat ordinatus. Sed post causam conuictam atque finitam, pertinaci discordia in haeresim transierunt: definientes propter Caeciliani crimina, seu uera, seu, quod magis apparuit, falsa, Ecclesiam Christi in toto orbe terrarum contagione communionis exstinctam, in sola Donati parte superesse. Audent etiam rebaptizare catholicos: cum Ecclesiae catholicae placuerit, nec in ipsis haereticis baptisma commune rescindere.
C·652
Antiochiae, post Tyrannum, XX ordinatur episcopus Uitalis; post quem, XXI Philogonus; cui successit XXII Paulinus: post quem XXIII fuit Eustathius. Quo in exsilium ob fidem truso, usque in praesentem diem Ecclesiam Ariani obtinuerunt.
C·653
CONSTANTINO UIII ET CONSTANTINO CAES. IU.
C·654
CONSTANTIO III ET SYMMACHO.
C·655
Alexandriae XIX ordinatur episcopus Athanasius.
C·656
BASSO ET ABLABIO.
C·657
Hieronymus nascitur.
C·658
PACATIANO ET HILARIANO.
C·659
Romae XXXII ordinatur episcopus MARCUS mensibus octo.
C·660
Post quem XXXIII ordinatus est IULIUS annis XUI, mensibus quatuor.
C·661
Edicto Constantini Gentilium templa subuersa sunt.
C·662
Romani Gothos in Sarmatarum regione uicerunt.
C·663
Constans filius Constantini prouehitur ad regnum.
C·664
DALMATIO ET XENOPHILO.
C·665
OPTATO ET PAULINO.
C·666
CONSTANTIO ET ALBINO.
C·667
Constantinus cum liberis suis honorifice ad Antonium monachum litteras mittit.
C·668
NEPOTIANO ET FACUNDO.
C·669
Tricennalibus Constantini Dalmatius Caesar appellatur.
C·670
Nazarii Rhetoris filia Eunomia Christiana uirgo in eloquentia patri coaequatur.
C·671
Eustachius Constantinopolitanus presbyter innotescit, cuius industria Ierosolymis martyrium constructum est.
C·672
727 Constantinus extremo uitae suae tempore ab Eusebio Nicomediensi episcopo baptizatus, in Arianum dogma declinauit.
C·673
FELICIANO ET TITIANO.
C·674
Constantinus cum bellum pararet in Persas, in Ancyrone uilla publica iuxta Nicomediam moritur, anno aetatis suae LXUI; post quem tres liberi eius ex Caesaribus Augusti appellantur.
C·675
CONSTANTINUS, CONSTANTIUS et CONSTANS, XXXUII, regnauit annis XXIU, mensibus quinque, diebus duodecim.
C·676
URSO ET POLEMIO.
C·677
Dalmatius Caesar, quem patruus Constantinus consortem regni cum filiis reliquerat, factione Constantii patruelis occiditur.
C·678
Iacobus Nisibenus agnoscitur, ad cuius preces saepe urbs discrimine liberata est, cum oppugnaretur a Sapore rege Persarum.
C·679
CONSTANTIO II ET CONSTANTE.
C·680
Ex hoc tempore impietas Ariana Constantii imperatoris fulta praesidio, exsiliis, carceribus et uariis afflictionum modis, primum Athanasium, deinde omnes non suae partis episcopos persecuta est.
C·681
ACYNDINO ET PROCULO.
C·682
Constantinus bellum fratri inferens iuxta Aquileiam, Alsae occiditur, anno imperii sui XXIII.
C·683
MARCELLINO ET PROBINO.
C·684
Audaeus in Syria agnoscitur, a quo haeresis Audaeana, et Audaeani, quos et Anthropomorphitas uocant: quia Deum humanae imagini credunt esse conformem. In quibus etiam illud arguitur, quod Pascha Christianum Iudaica perhibentur obseruantia celebrare.
C·685
CONSTANTIO III ET CONSTANTE II.
C·686
Hermogenes magister militiae Constantinopolim tractus a populo ob episcopum Paulum, quem regis imperio et Arianorum factione pellebat.
C·687
728 Macedonius artis plumariae in locum Pauli ab Arianis episcopus subrogatur, a quo haeresis Macedoniana, cuius dogma est, Patrem quidem et Filium unius diuinitatis eiusdemque substantiae confiteri, sed Spiritum sanctum dicens creaturam.
C·688
Paulus crudelitate praefecti Philippi, nam fautor Macedonii partium erat, et Arianorum insidiis strangulatur.
C·689
PLACIDO ET ROMULO.
C·690
Maximinus Treuerorum episcopus clarus habebatur, a quo Athanasius Alexandrinus episcopus, cum a Constantio quaereretur ad poenam, honorifice susceptus est.
C·691
LEONTIO ET SALUSTIO.
C·692
Sapor Persarum rex Christianos persequitur.
C·693
CONSTANTIO IU ET CONSTANTE III.
C·694
Athanasius ad Constantis litteras Alexandriam regreditur.
C·695
AMANTIO ET ALBINO.
C·696
POST CONS. AMANTII ET ALBINI.
C·697
RUFINO ET EUSEBIO.
C·698
Quadragesimus Maximus post Macarium Ierosolymorum episcopus moritur: post quem Ariani Ecclesiam inuadunt.
C·699
PHILIPPO ET SALIA.
C·700
Romanae Ecclesiae XXXIU episcopus ordinatur LIBERIUS, quo in exsilium nono episcopatus sui anno ob fidem truso, omnes clerici iurauerunt quod nullum alium susciperent. Uerum cum Felix ab Arianis fuisset in sacerdotio substitutus, plurimi periurauerunt et post annum reuerso in Urbem Liberio, cum Felice eiecti sunt.
C·701
LIMENIO ET CATULINO.
C·702
Magnentio apud Augustodunum arripiente imperium, Constans haud longe ab Hispania, in castro cui Helena nomen est, interficitur: ob quam rem turbata republica, Uetranio Mursae, Nepotianus Romae imperatores facti.
C·703
729 SERGIO ET NIGRIANO.
C·704
Nepotiani caput pilo per Urbem circumlatum.
C·705
Uetranioni apud Naissum a Constantio regium insigne detractum, et Magnentius Mursae magna reipublicae clade superatus est.
C·706
POST CONS. SERGII ET NIGRIANI.
C·707
Gallus, qui et Constantius, Constantii patruelis Caesar factus.
C·708
CONSTANTIO U ET CONSTANTIO CAES.
C·709
CONSTANTIO UI ET CONSTANTIO CAES. II.
C·710
CONSTANTIO UII ET CONSTANTIO CAES. III.
C·711
Magnentius Lugduni in palatio propria manu seipsum interficit, et Decentius frater eius, quem ad tenendas Gallias Caesarem miserat, apud Senonas laqueo uitam finiit.
C·712
Gallus Caesar sollicitatus a Constantio patruele, cui in suspicionem ob regiam indolem uenerat, in Istria occiditur.
C·713
Paulinus et Rhodunus Galliarum episcopi in exsilium ob fidem trusi.
C·714
Eusebius quoque Uercellensis episcopus, et Lucifer Calaritanae Ecclesiae, et Mediolanensis Ecclesiae Dionysius episcopus, Pancratiusque Romanus presbyter, et Hilarius diaconus, distantibus inter se, ab Arianis et Constantio damnantur exsiliis.
C·715
ARBETIANO ET LOLLIANO.
C·716
Iulianus frater Galli Mediolani Caesar appellatur.
C·717
CONSTANTIO UIII ET IULIANO CAES.
C·718
Antonius monachus centesimo anno aetatis suae in eremo moritu, solitus multis ad se uenientibus de Paulo quodam Thebaeo mirae beatitudinis uiro plurima memorare.
C·719
Hilarius Pictauiensis episcopus factione Saturnini Arelatensis episcopi, reliquorumque qui cum illo erant Arianorum, in Phrygiam pulsus, libros de nostra religione composuit.
C·720
Reliquiae Timothei apostoli Constantinopolim inuectae.
C·721
Sarmata, Amathas, et Macarius discipuli Antonii insignes habentur.
C·722
Liberius episcopus Romanus in exsilium mittitur.
C·723
CONSTANTIO IX ET IULIANO CAES. II.
C·724
Ossa Andreae apostoli et euangelistae Lucae Constantinopolim inlata.
C·725
Paulinus Treuerorum episcopus in Phrygia exsulans moritur.
C·726
DATIANO ET CEREALE.
C·727
Synodus apud Ariminum et Seleuciam Isauriae facta, in qua antiqua Patrum fides 730 decem primo legatorum, dehinc omnium proditione damnata est.
C·728
EUSEBIO ET HYPATIO.
C·729
Gratianus, qui postea imperator factus est, nascitur.
C·730
Hilarius episcopus, cum apud Constantinopolim librum pro se Constantio porrexisset, ad Gallias rediit.
C·731
Omnes pene Ecclesiae toto orbe sub nomine pacis et regis, Arianorum consortio polluuntur.
C·732
Gallia per Hilarium Ariminensis perfidiae dolos damnat.
C·733
CONSTANTIO X ET IULIANO III.
C·734
Constantius Mopsocrenis inter Ciliciam Cappadociamque moritur.
C·735
IULIANUS, XXXUIII, regnat annis duobus et mensibus octo.
C·736
Iuliano ad idolorum cultum conuerso, blanda persecutio fuit, illiciens magis quam impellens ad sacrificandum, in qua multi ex nostris uoluntate propria corruerunt.
C·737
TAURO ET FLORENTIO.
C·738
Georgio per seditionem populi incenso, qui in loco Athanasii ab Arianis fuerat ordinatus, Athanasius rediit.
C·739
Eusebius et Lucifer episcopi de exsilio reuertuntur, e quibus Lucifer, adscitis aliis duobus confessoribus, Paulinum Eusthatii episcopi presbyterum, qui se numquam haereticorum communione polluerat, in parte catholica Antiochiae episcopum facit.
C·740
Prohaeresius sophista Atheniensis, lege data ne Christiani liberalium disciplinarum doctores essent, cum sibi specialiter Iulianus concederet ut Christianos doceret, scholam sponte deseruit.
C·741
MAMERTINO ET NEUITTA.
C·742
Aemilianus ob ararum subuersionem Dorostori a Uicario incenditur.
C·743
IULIANO III ET SALUSTIO.
C·744
Ecclesiae Antiochiae clausae: et grauissima imminentis persecutionis procella Dei uoluntate sopita est. Nam Iulianus in Persas profectus, nostrum diis suis post uictoriam sanguinem uouerat, ubi a quodam simulato perfuga ad deserta perductus, cum fame et siti magnam partem exercitus perdidisset, occisus est.
C·745
IOUIANUS, XXXIX, regnat menses UI, alias UIII.
C·746
IOUIANO ET UARRONIANO.
C·747
Synodus a Meletio et suis Antiochiae facta, in qua Homousio Anomaeoque reiecto, medium inter haec Homoiousion Macedonianum dogma uindicauerunt.
C·748
731 Iouianus cruditate, siue odore prunarum moritur.
C·749
Post quem UALENTINIANUS tribunus scutariorum apud Nicaeam Augustus appellatus, fratrem Ualentem Constantinopoli in communionem regni assumit.
C·750
UALENTINIANUS et UALENS, XL, regnauerunt annis XIU, mensibus quinque.
C·751
UALENTINIANO ET UALENTE.
C·752
GRATIANO ET DAGALAIPHO.
C·753
Apollinaris Laodicenus episcopus multimoda religionis nostrae scripta componit: qui postmodum a fide catholica deuiauit, condens haeresim, quae ipsius nomine nuncupatur: et cuius hic error est, ut asserat Iesum solam carnem sine anima suscepisse, uel animam uitalem tantum, non etiam rationalem, quoniam ipsum Uerbum uim mentis impleuerat: ipsam autem carnem non de Maria assumptam, sed Uerbi aliquid in carnem fuisse conuersum.
C·754
Procopius, qui apud Constantinopolim tyrannidem inuaserat, apud Phrygiam Salutarem exstinctus est, multis partium eius caesis atque proscriptis.
C·755
Romanae Ecclesiae XXXU ordinatur episcopus DAMASUS annis XUIII.
C·756
Hoc tempore fuit secundum schisma, Ursicino Antipapa, quod eo per collectam Romae synodum eiecto, durauit mensibus sex, anno Domini CCCLXIX ( Haec ex libri margine ).
C·757
Ualens ab Eudoxio Arianorum episcopo baptizatus nostros persequitur.
C·758
LUPICINO ET IOUINO.
C·759
GRATIANUS Ualentiniani filius Ambianis imperator factus.
C·760
Hilarius episcopus Pictauis moritur.
C·761
UALENTINIANO II ET UALENTE II.
C·762
UALENTINIANO N. P. ET UICTORE.
C·763
UALENTINIANO III ET UALENTE III.
C·764
Athanaricus rex Gothorum in Christianos persecutione commota, plurimos interficit, et de propriis sedibus in Romanum solum expulit.
C·765
732 Eusebius Uercellensis episcopus moritur.
C·766
Constantinopoli apostolorum martyrium dicatur.
C·767
Lucifer Calaritanus episcopus moritur, qui cum Gregorio episcopo Hispaniarum, et Philone Libyae, numquam se Arianae miscuit prauitati. Sed dum uigorem iustitiae erga correctionem eorum qui cesserant non relaxat, ipse a suorum communicatione desciuit.
C·768
GRATIANO ET PROBO.
C·769
MODESTO ET ALINTHEO.
C·770
Didymus Alexandrinus multa de nostro dogmate per notarios commentatur, qui post quintum natiuitatis suae annum luminibus orbatus, elementorum quoque ignarus fuit.
C·771
UALENTIANO IU ET UALENTE IU.
C·772
Eunomius discipulus Aetii Constantinopoli agnoscitur, a quo haeresis Eunomiana, quae Filium Patri non consubstantialem dicit esse, sed similem. Cuius error est dissimilem asserere Patri Filium, et Filio Spiritum sanctum.
C·773
GRATIANO III ET EQUITIO.
C·774
POST CONS. GRATIANI ET EQUITII.
C·775
Quia superiore anno Sarmatae Pannonias uastauerunt, iidem consules permansere.
C·776
Post Auxentii seram mortem, Mediolani Ambrosio episcopo constituto, omnis ad fidem rectam Italia conuertitur.
C·777
Aquileienses clerici quasi chorus beatorum habentur.
C·778
Ualentinianus subita sanguinis eruptione, quae Graece apoplexia uocatur, Brigitione moritur.
C·779
Post quem GRATIANUS assumpto in imperium UALENTINIANO fratre cum patruo Ualente regnat.
C·780
Ualens legem dedit ut Monachi militarent, nolentes fustibus necarentur.
C·781
UALENTE U ET UALENTINIANO.
C·782
Photinus in Galatia moritur, a quo Photinianum dogma inductum, Paulo Samosateno et Artemone, de quibus supra dictum est, conceptum auctoribus.
C·783
GRATIANO IU ET MEROBAUDE.
C·784
Alemannorum multa millia apud Argentariam 733 oppidum Galliarum ab exercitu Gratiani caesa.
C·785
Gens Hunnorum Gothos uastat, qui a Romanis sine armorum depositione suscepti rebellant.
C·786
UALENTE UI ET UALENTINIANO II.
C·787
Superatis Romanis, Gothi funduntur in Thracia.
C·788
Ualens de Antiochia exire compulsus, sera 734 poenitentia nostros de exsilio reuocat.
C·789
Lacrymabile bellum in Thracia: in quo deserente equitum praesidio, Romanae legiones usque ad internecionem a Gothis caesae sunt. Ipse autem Ualens cum sagitta saucius fugeret, et ob dolorem nimium saepe equo laberetur, ad cuiusdam uillae casam deportatus est. Quo persequentibus barbaris, incensa cum eodem domo, sepultura quoque caruit.
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Lewis & Short (Perseus, CC BY-SA). Morphology: LatinCy — machine parsing, corrected against the AGDT & PROIEL treebanks and Morpheus.