Ancient Library
The Greek and Latin classics — every word parsed, every form defined

Vulgate: Acts

Library › Latin: Early Christian Writings › Acts

The Acts of the Apostles, written in Greek as a sequel to the Gospel of Luke, narrates the growth of the earliest Christian community from the Ascension and Pentecost in Jerusalem to Paul’s arrival as a prisoner in Rome. Its twenty-eight chapters follow Peter and the Jerusalem church, the martyrdom of Stephen, the conversion of Paul, and Paul’s missionary journeys around the eastern Mediterranean. The Latin text is the Vulgate, a revision of the Old Latin version made in the late fourth century.

Acts is the only narrative history of the first Christian generation and the main source for the career of Paul outside his own letters. Its speeches, shipwreck and courtroom scenes made it one of the most vivid books of the New Testament, and it supplied later Christians with their picture of the apostolic church. Arator in the sixth century turned it into a Latin epic, and the Vulgate text was read and expounded throughout the Middle Ages.

About this edition. The Latin text comes from the Lasciva Roma collection of additional Latin texts (edition: Jerome's 405 a.d., Latin Vulgate These files were produced following modern scholarship of the available Vulgate mss. The apocryphal books are prefixed with…), licensed CC BY-NC-SA. Every word has been analyzed with LatinCy, a neural language model for Latin — click or tap any word for its dictionary form, part of speech, and complete morphology, together with the full entry from Lewis & Short’s A Latin Dictionary.

Latin · Early Christian Writings
Acts
Vulgate · Chapter 21 · every word parsed
Book12345678910111213141516171819202122232425262728
1
cum autem factum esset ut nauigaremus abstracti ab eis recto cursu uenimus Cho et sequenti die Rhodum et inde Patara
et cum inuenissemus nauem transfretantem in Foenicen ascendentes nauigauimus
cum paruissemus autem Cypro et relinquentes eam ad sinistram nauigabamus in Syriam et uenimus Tyrum ibi enim nauis erat expositura onus
inuentis autem discipulis mansimus ibi diebus septem qui Paulo dicebant per Spiritum ne ascenderet Hierosolymam
5
et explicitis diebus profecti ibamus deducentibus nos omnibus cum uxoribus et filiis usque foras ciuitatem et positis genibus in litore orauimus
et cum ualefecissemus inuicem ascendimus in nauem illi autem redierunt in sua
nos uero nauigatione explicita a Tyro descendimus Ptolomaida et salutatis fratribus mansimus die una apud illos
alia autem die profecti uenimus Caesaream et intrantes in domum Philippi euangelistae qui erat de septem mansimus apud eum
huic autem erant filiae quattuor uirgines prophetantes
10
et cum moraremur per dies aliquot superuenit quidam a Iudaea propheta nomine Agabus
is cum uenisset ad nos tulit zonam Pauli et alligans sibi pedes et manus dixit haec dicit Spiritus Sanctus uirum cuius est zona haec sic alligabunt in Hierusalem Iudaei et tradent in manus gentium
quod cum audissemus rogabamus nos et qui loci illius erant ne ascenderet Hierosolymam
tunc respondit Paulus et dixit quid facitis flentes et adfligentes cor meum ego enim non solum alligari sed et mori in Hierusalem paratus sum propter nomen Domini Iesu
et cum ei suadere non possemus quieuimus dicentes Domini uoluntas fiat
15
post dies autem istos praeparati ascendebamus Hierusalem
uenerunt autem et ex discipulis a Caesarea nobiscum adducentes apud quem hospitaremur Mnasonem quendam Cyprium antiquum discipulum
et cum uenissemus Hierosolymam libenter exceperunt nos fratres
sequenti autem die introibat Paulus nobiscum ad Iacobum omnesque collecti sunt seniores
quos cum salutasset narrabat per singula quae fecisset Deus in gentibus per ministerium ipsius
20
at illi cum audissent magnificabant Deum dixeruntque ei uides frater quot milia sint in Iudaeis qui crediderunt et omnes aemulatores sunt legis
audierunt autem de te quia discessionem doceas a Mose eorum qui per gentes sunt Iudaeorum dicens non debere circumcidere eos filios suos neque secundum consuetudinem ingredi
quid ergo est utique oportet conuenire multitudinem audient enim te superuenisse
hoc ergo fac quod tibi dicimus sunt nobis uiri quattuor uotum habentes super se
his adsumptis sanctifica te cum illis et inpende in illis ut radant capita et scient omnes quia quae de te audierunt falsa sunt sed ambulas et ipse custodiens legem
25
de his autem qui crediderunt ex gentibus nos scripsimus iudicantes ut abstineant se ab idolis immolato et sanguine et suffocato et fornicatione
tunc Paulus adsumptis uiris postera die purificatus cum illis intrauit in templum adnuntians expletionem dierum purificationis donec offerretur pro unoquoque eorum oblatio
dum autem septem dies consummarentur hii qui de Asia erant Iudaei cum uidissent eum in templo concitauerunt omnem populum et iniecerunt ei manus clamantes
uiri israhelitae adiuuate hic est homo qui aduersus populum et legem et locum hunc omnes ubique docens insuper et gentiles induxit in templum et uiolauit sanctum locum istum
uiderant enim Trophimum Ephesium in ciuitate cum ipso quem aestimauerunt quoniam in templum induxisset Paulus
30
commotaque est ciuitas tota et facta est concursio populi et adprehendentes Paulum trahebant eum extra templum et statim clausae sunt ianuae
quaerentibus autem eum occidere nuntiatum est tribuno cohortis quia tota confunditur Hierusalem
qui statim adsumptis militibus et centurionibus decucurrit ad illos qui cum uidissent tribunum et milites cessauerunt percutere Paulum
tunc accedens tribunus adprehendit eum et iussit alligari catenis duabus et interrogabat quis esset et quid fecisset
alii autem aliud clamabant in turba et cum non posset certum cognoscere prae tumultu iussit duci eum in castra
35
et cum uenisset ad gradus contigit ut portaretur a militibus propter uim populi
sequebatur enim multitudo populi clamans tolle eum
et cum coepisset induci in castra Paulus dicit tribuno si licet mihi loqui aliquid ad te qui dixit graece nosti
nonne tu es Aegyptius qui ante hos dies tumultum concitasti et eduxisti in desertum quattuor milia uirorum sicariorum
et dixit ad eum Paulus ego homo sum quidem iudaeus a Tarso Ciliciae non ignotae ciuitatis municeps rogo autem te permitte mihi loqui ad populum
40
et cum ille permisisset Paulus stans in gradibus annuit manu ad plebem et magno silentio facto adlocutus est hebraea lingua dicens
Click or tap any word for its parse and dictionary entry.
Text: Perseus Digital Library, licensed CC BY-SA. Dictionary: Lewis & Short (Perseus, CC BY-SA). Morphology: LatinCy — machine parsing, corrected against the AGDT & PROIEL treebanks and Morpheus.
Scroll to Top